სა­ქარ­თვე­ლოს სტა­ტი­ტი­კის ეროვ­ნუ­ლი სამ­სა­ხუ­რის მო­ნა­ცე­მე­ბით 2015 წელს ქვე­ყა­ნა­ში 92 560 იმიგ­რან­ტია რე­გის­ტრი­რე­ბუ­ლი. თუმ­ცა მათი და­საქ­მე­ბის აღ­რი­ცხვა სა­თა­ნა­დოდ არ ხდე­ბა. ჯან­დაც­ვის სა­მი­ნის­ტროს მიერ 2015 წელს ჩა­ტა­რე­ბუ­ლი შრო­მის ბაზ­რის კვლე­ვის მი­ხედ­ვით, სა­ქარ­თვე­ლო­ში უცხო­უ­რი სა­მუ­შაო ძა­ლის და­საქ­მე­ბის მაჩ­ვე­ნე­ბელ­მა 5 578 კაცი შე­ად­გი­ნა. მათ მიერ ყვე­ლა­ზე ხში­რად და­კა­ვე­ბუ­ლი პო­ზი­ცი­ე­ბი შემ­დეგ­ნა­ი­რად გა­ნა­წილ­და:

მშე­ნებ­ლო­ბა - 1714 ადა­მი­ა­ნი

ვაჭ­რო­ბა - 1468 ადა­მი­ა­ნი;

ოპე­რა­ცი­ე­ბი უძ­რა­ვი ქო­ნე­ბით, იჯა­რა და მომ­ხმა­რებ­ლის­თვის მომ­სა­ხუ­რე­ბის გა­წე­ვა - 501 ადა­მი­ა­ნი;

ტრან­სპორ­ტი და კავ­შირ­გაბ­მუ­ლო­ბა - 471 ადა­მი­ა­ნი;

სას­ტუმ­რო­ე­ბი და რეს­ტორ­ნე­ბი - 460 ადა­მი­ა­ნი;

გა­ნათ­ლე­ბა - 192 ადა­მი­ა­ნი.

ზოე პერე, 33 წლის: 2006 წელს საფ­რან­გეთ­ში კავ­კა­სი­ის ხალ­ხთა ფეს­ტი­ვა­ლი იყო და იქ გა­ვი­ცა­ნი ქარ­თვე­ლე­ბი. მა­ნამ­დე კვლე­ვას ვა­ხორ­ცი­ე­ლებ­დი ქარ­თულ ხალ­ხურ მუ­სი­კა­ზე. იმ წელსვე ჩა­მო­ვე­დი სა­ქარ­თვე­ლო­ში და ერთი წლით დარ­ჩე­ნა გა­დავ­წყვი­ტე. მას შემ­დეგ კი­დევ ერთ წელს ვა­მა­ტებ ხოლ­მე და აი უკევ ათი წე­ლია სა­ქარ­თვე­ლო­ში ვარ. ბევ­რი რამ მა­კავ­შრებს სა­ქარ­თვე­ლოს­თან. ქარ­თულ ხალ­ხურ ან­სამ­ბლში ვმღე­რი და უკვე 2 წელ­ზე მე­ტია მაქვს ჩემი ბარი "ზო­ეს­თან". უპირ­ვე­ლე­სად, სიმ­ღე­რის გამო დავ­რჩი. ამ პე­რი­ოდ­ში, რაც სა­ქარ­თვე­ლოშ ვარ, ახალ­გაზ­რდე­ბის მენ­ტა­ლი­ტე­ტი და აზ­როვ­ნე­ბა ძა­ლი­ან შე­იც­ვა­ლა და ევ­რო­პულს და­ემ­სგავ­სა. ნა­ხე­ვა­რი თა­ო­ბა გა­ვი­და მას შემ­დეგ, მაგ­რამ თით­ქოს ორი წე­ლია გა­სუ­ლი. ეს ძა­ლი­ან კარ­გია, თუმ­ცა მე არ ვამ­ბობ, რომ სა­კუ­თა­რი კულ­ტუ­რა და ტრა­დი­ცი­ე­ბი უნდა და­ი­ვი­წყონ. თა­ო­ბე­ბი საფ­რან­გეთ­ში ძა­ლი­ან გა­ყო­ფი­ლია. სა­ქარ­თვე­ლო­ში კი ასე არაა, რაც ძა­ლი­ან მომ­წონს. ხელ­გაშ­ლი­ლე­ბი არი­ან ძა­ლი­ან ქარ­თვე­ლე­ბი. თუმ­ცა ქარ­თვე­ლებს სა­კუ­თა­რი თვი­სე­ბე­ბის გა­და­ჭარ­ბე­ბით შე­ფა­სე­ბა და სხვე­ბის არ­და­ფა­სე­ბა უყ­ვართ. ეს ნამ­დვი­ლად არ მომ­წონს და მინ­და სა­კუ­თარ­თან ერ­თად, სხვე­ბის და­ფა­სე­ბაც იცოდ­ნენ. ბიზ­ნე­სის კე­თე­ბაც ძა­ლი­ან მარ­ტი­ვია ქვე­ყა­ნა­ში. პრო­ცე­დუ­რე­ბის უმე­ტე­სო­ბა ელექტრო­ნუ­ლია. საფ­რან­გეთ­ში ელექტრო­ნუ­ლი სერ­ვი­სე­ბი ამ დო­ნე­ზე ნამ­დვი­ალდ არაა გან­ვი­თა­რე­ბუ­ლი. სა­ქარ­თვე­ლო­ში ჩა­მომ­სვე­ლებს ვურ­ჩევ, რომ აუ­ცი­ლებ­ლად ის­წავ­ლონ ქარ­თუ­ლი ენა. ასე­ვევ, გა­ით­ვა­ლის­წი­ნონ, რომ ძა­ლი­ან ბევ­რი გა­უთ­ვა­ლის­წი­ნე­ბე­ლი რამ შე­იძ­ლე­ბა მოხ­დეს და სურპრი­ზე­ბის­თვის მზად იყ­ვნენ."

რო­გორც სტა­ტის­ტი­კა გვაჩ­ვე­ნებს, ქვე­ყა­ნა­ში ბევ­რი იმიგ­რან­ტია. მათ შო­რი­საა 27 წლის და­რია ხო­ლო­დი­ლი­ნა.

და­რია ხო­ლო­დი­ლი­ნა, 27 წლის: "დო­ნეცკ­ში, უკ­რა­ი­ნი­ა­ში მი­ვი­ღე გა­ნათ­ლე­ბა, შემ­დეგ კი იზ­მირ­ში, ბერ­ლინ­სა და ბონ­ში ვცხო­ვობ­დი. სა­ბო­ლო­ოდ სა­ქარ­თვე­ლო­ში და­სახ­ლე­ბა გა­დავ­წყვი­ტე. სა­ქარ­თვე­ლო­ში პირ­ვე­ლად 2012 წელს ჩა­მო­ვე­დი. ბერ­ლინ­ში განცნო­ბილ მე­გობ­რებს ვეს­ტუმ­რე. ეს ვი­ზი­ტი მხო­ლოდ ერთი კვი­რა გაგ­რძელ­და. შემ­დეგ 2013 წელს ივ­ნის­სა და აგ­ვის­ტო­ში ჩა­მო­ვე­დი. სა­ბო­ლო­ოს სა­ქარ­თვე­ლო­ში 2013 წლის ნო­ემ­ბერ­ში გად­მო­ვე­დი. სა­ქარ­თვე­ლოს ტუ­რიზ­მის ეროვ­ნულ ასო­ცი­ა­ცი­ა­ში ვმუ­შა­ობ 2014 წლის მარ­ტი­დან. მა­ნამ­დე სტა­ჟი­ო­რი ვი­ყა­ვი იქ. 2016 წელს GEM Fest–ის ოგა­ნი­ზა­ტორ­თა ჯგუფ­შიც ვი­ყა­ვი. ამან ძა­ლი­ან კარ­გი გა­მოც­დი­ლე­ბა მომ­ცა. სა­ქარ­თვე­ლო­ში ცხოვ­რე­ბა გა­დავ­წყვი­ტე, რად­გან ძა­ლი­ან მო­მე­წო­ნა გა­რე­მო, თა­ვი­სუფ­ლე­ბა, რო­მე­ლიც ნე­ბის­მი­ე­რი რა­მის გა­კე­თე­ბის სა­შუ­ა­ლე­ბას გაძ­ლევს, პერ­სპექ­ტი­ვაა, რო­მე­ლიც გა­რე­მოს, ცხოვ­რე­ბა უკე­თე­სო­ბის­კენ შეც­ვლის. ძა­ლი­ან მომ­წონს ბუ­ნე­ბა და არ მომ­წონს ის ხალ­ხი, ვინც ამ გა­რე­მოს აზი­ა­ნებს. ასე­ვე, არ მომ­წონს ის ხალ­ხი, ვინც თვრე­ბა და ამ­ბობს რომ ამას ქვეყ­ნის­თვის აკე­თებს. ზო­გა­დად, ხალ­ხი ძა­ლი­ან მარ­ტი­ვად სა­ურ­თი­ერ­თო­ბო და გულ­წრფე­ლია. იმე­დი მაქვს, მალე გა­აც­ნო­ბი­ე­რე­ბენ, რომ აურ­ზა­უ­რი და სი­ბინ­ძუ­რე, რო­მელ­საც ისი­ნი იწ­ვე­ვენ, ცუ­დია. უცხო­ე­ლებს, ვინც სა­ქარ­თვე­ლო­ში ჩა­მოს­ვლას აპი­რებს, ვურ­ჩევ მო­ემ­ზა­დონ, რომ ბევ­რის ჭამა, და­ლე­ვა და მან­ქა­ნის მარ­თვა მო­უ­წევთ. ან ფე­ხით უნდა ია­რონ ბევ­რი. იცოდ­ნენ, რომ ბიზ­ნე­სის რე­გის­ტრა­ცია მარ­ტი­ვია, მაგ­რამ ამ ბიზ­ნე­სის წარ­მა­ტე­ბით ოპე­რი­რე­ბის­თვის სა­ჭი­როა, რომ ქარ­თუ­ლი ენა ეს­მო­დეთ ან სან­დო ქარ­თვე­ლი პარტნი­ო­რი ყავ­დეთ. ასე­ვე, გა­ით­ვა­ლის­წი­ნონ, რომ უმუ­შევ­რო­ბის დონე ქვე­ყა­ნა­ში მა­ღა­ლია.

სა­ქარ­თვე­ლო­ში საქ­მი­ა­ნო­ბის და­წყე­ბის გარ­და, ბევ­რი უცხო­ე­ლი სწავ­ლის მი­სა­ღე­ბა­დაც ჩა­მო­დის. ერას­მუს­მის გაც­ვლი­თი პროგ­რა­მის ფარ­გლებ­ში წლე­ბია ევ­რო­პე­ლი სტუ­დენ­ტე­ბი სა­ქარ­თვე­ლო­ში იღე­ბენ გა­ნათ­ლე­ბას. სა­ქარ­თვე­ლოს სა­ხელ­მწი­ფო უნი­ვერ­სტი­ტე­ტია ერთ–ერ­თია მათ შო­რის, ვინც ერას­მუ­სის გაც­ვლით პროგ­რა­მა­ში მო­ნა­წი­ლე­ობს. გაც­ვლი­თი პროგ­რა­მის კო­ორ­დი­ნა­ტო­რის მა­რი­ამ რაზ­მა­ძის გან­მარ­ტე­ბით, უფრო მეტი წას­ვლის მსურ­ვე­ლია, ვიდ­რე აქ ჩა­მომ­სვლე­ლი. მათი მი­ღე­ბა სე­მესტრუ­ლად ხდე­ბა.

"შე­მოდ­გო­მის სე­მესტრში 13 სტუ­დენ­ტი გვყავ­და ევ­რო­პის უნი­ვერ­სი­ტე­ტე­ბი­დან, გა­ზა­ფხუ­ლის სე­მესტრში კი 10–ს ვე­ლო­დე­ბით. ძი­რი­თა­დად არი­ან გერ­მა­ნი­ი­დან, იტა­ლი­ი­დან, ლიტ­ვა­დან, ლატ­ვი­ი­დან, ეს­ტო­ნე­თი­დან, ჰო­ლან­დი­ი­დან, პო­ლო­ნე­თი­დან და ჩე­ხე­თი­დან. სწავ­ლა შე­უძ­ლი­ათ სო­ცი­ა­ლურ–პო­ლი­ტი­კურ მეც­ნი­ე­რე­ბებ­სა და ეკო­ნო­მი­კა­ზე. პროგ­რა­მე­ბი უმე­ტე­სად სა­მა­გის­ტრო სა­ფე­ხურ­ზეა. ერ­თობ­ლი­ვად ცხად­დე­ბა თსუ–სა და პარტნი­ორ უნი­ვერ­სი­ტეტს შო­რის კონ­კურ­სი. მსურ­ვე­ლებ­მა ჯერ სა­კუ­თარ უნი­ვერ­სი­ტეტ­ში უნდა მი­ი­ღოს მო­ნა­წი­ლე­ო­ბა კონ­კურ­სში და უმაღ­ლე­ს­ქუ­ლი­ა­ნე­ბი ჩვენ­თან გა­დი­ან კონ­კურსს. თუ მათ მიერ მო­თხოვ­ნი­ლი საგ­ნე­ბი ჩვენ­თან სა­თა­ნა­დოდ ის­წვა­ლე­ბა, რომ მათ­მა უნი­ვერ­სი­ტეტ­მა აღი­ა­როს ის კრე­დი­ტე­ბი," – გან­მარ­ტავს რაზ­მა­ძე.

სტუ­დენ­ტებს შო­რის ერთ–ერ­თია 29 წლის კარლ ბრუ­ნინ­გი. ის იე­ნის უნი­ვერ­სი­ტე­ტი­დან თბი­ლი­სის სა­ხელ­მწი­ფო უნი­ვერ­სი­ტეტ­ში ჩა­მო­ვი­და ერთი სე­მესტრით. ის სო­ცი­ა­ლურ–პო­ლი­ტი­კურ მეც­ნი­ე­რე­ბა­თა ფა­კულ­ტეტ­ზე სწავ­ლობს.

კარლ ბრუ­ნინ­გი, 29 წლის: "რომ ჩა­მო­ვე­დი, კულ­ტუ­რუ­ლი შოკი მი­ვი­ღე. თუმ­ცა ახლა ყვე­ლა­ფერს შე­ვე­ჩიე და ყვე­ლას ვურ­ჩევ, ჩა­მო­ვიდ­ნენ. თუმ­ცა ჩა­მოს­ვლამ­დე, აუ­ცი­ლებ­ლად წი­ნას­წარ მოგ­ვა­რონ სა­ცხოვ­რე­ბე­ლი ად­გი­ლის სა­კი­თხი და გა­ით­ვა­ლის­წი­ნონ, რომ ქარ­თვე­ლე­ბი შე­და­რე­ბით ხმა­უ­რი­ნი ხალ­ხია. სწავ­ლის ხა­რის­ხი მომ­წონს, მაგ­რამ ზოგ­ჯერ ლექ­ტო­რე­ბი შე­ფა­სე­ბი­სას ნაკ­ლე­ბად სა­მარ­თლი­ა­ნე­ბი არი­ან. ჩემი აზ­რით, ქვე­ყა­ნა­ში ხელვნე­ბა მა­ღალ დო­ნე­ზეა. მშვი­დო­ბის­მოყ­ვა­რე ხალ­ხი არი­ან. ვა­ფა­სებ, მო­სახ­ლე­ო­ბის რე­ლი­გი­უ­რო­ბას. თუმ­ცა, მგო­ნია, რომ გამ­ყიდ­ვე­ლე­ბი ხშრად მა­ტყუ­ე­ბენ. ამი­ტომ ყვე­ლა­ფერს მარ­კე­ტებ­ში ვყი­დუ­ლობ,სა­დაც ფა­სე­ბი მი­თი­თე­ბუ­ლია."

იმიგ­რა­ცი­ის კა­ნო­ნი

სა­ქარ­თვე­ლოშ 2014 წელს იმიგ­რა­ცი­ის კა­ნო­ნი და ვი­ზის გა­ცე­მის პრო­ცე­დუ­რე­ბი შე­იც­ვა­ლა. ოფი­ცი­ა­ლუ­რი პი­რე­ბის გან­მარ­ტე­ბით, შექ­მნი­ლი ვი­თა­რე­ბის მო­სა­წეს­რი­გებ­ლად უპირ­ვე­ლეს სა­ჭი­რო­ე­ბას წარ­მო­ად­გენ­და არ­სე­ბუ­ლი სა­ვი­ზო პო­ლი­ტი­კის შეც­ვლა, ქვეყ­ნის ინ­ტე­რე­სე­ბის შე­სა­ბა­მი­სად სა­ერ­თა­შო­რი­სო ვალ­დე­ბუ­ლე­ბე­ბის გათ­ვა­ლის­წი­ნე­ბი­თა და მათი შეს­რუ­ლე­ბის მიზ­ნით, უცხო­ელ­თა სა­ქარ­თვე­ლო­ში შე­მოს­ვლი­სა და ყოფ­ნის სა­ფუძ­ვლე­ბის გა­და­ხედ­ვა. სა­ჭი­რო ცვლი­ლე­ბე­ბი­დან გა­მომ­დი­ნა­რე, აგ­რეთ­ვე, აუ­ცი­ლე­ბე­ლი გახ­და სა­ერ­თა­შო­რი­სო სტან­დარ­ტე­ბის შე­სა­ბა­მი­სი გა­ძე­ვე­ბის ქმე­დი­თი მე­ქა­ნიზ­მე­ბის შე­მო­ღე­ბა, რაც აქამ­დე სა­ერ­თოდ არ არ­სე­ბობ­და. კა­ნო­ნი სა­ვი­ზო რე­ჟი­მის გამ­კაც­რე­ბას კი არ ისა­ხავს მიზ­ნად, არა­მედ ქვე­ყა­ნა­ში შე­მო­მა­ვალ უცხო­ელ­თა ნა­კა­დე­ბის უკე­თე­სი მარ­თვის­თვის აუ­ცი­ლე­ბე­ლი სა­კა­ნონ­მდებ­ლო ბა­ზი­სა და მე­ქა­ნიზ­მე­ბის შექ­მნას. 2014 წლამ­დე სა­ქარ­თვე­ლოს ვი­ზე­ბი, ძი­რი­თა­დად, გა­ი­ცე­მო­და სა­სა­ზღვრო გამ­ტარ პუნ­ქტებ­ზე, რაც მრა­ვალ სირ­თუ­ლეს ქმნის უცხო­ელ­თა შე­სა­ხებ მო­ნა­ცე­მე­ბის ად­მი­ნის­ტრი­რე­ბის კუ­თხით. კა­ნო­ნის ცვლი­ლე­ბის შემ­დეგ, აღ­ნიშ­ნუ­ლი პრაქ­ტი­კა შე­იც­ვა­ლა და სა­ქარ­თვე­ლოს ვი­ზე­ბის გა­ცე­მა, ძი­რი­თა­დად, სა­ზღვარ­გა­რეთ სა­ქარ­თვე­ლოს სა­კონ­სუ­ლო და­წე­სე­ბუ­ლე­ბებ­ში ხდე­ბა.

აღ­ნიშ­ნუ­ლი გა­და­წყვე­ტი­ლე­ბა მი­ღე­ბულ იქნა სა­ვი­ზო გა­ნა­ცხა­დე­ბის ეფექ­ტი­ა­ნი გან­ხილ­ვი­სა და მიგ­რა­ცი­უ­ლი პრო­ცე­სე­ბის მარ­თვის გა­უმ­ჯო­ბე­სე­ბის მიზ­ნით. სა­ქარ­თვე­ლო­ში უვი­ზოდ ყოფ­ნის ვადა გა­ნი­სა­ზღვრა 180-დღი­ან პე­რი­ოდ­ში 90 დღით. აღ­ნიშ­ნუ­ლი ცვლი­ლე­ბა ეფუძ­ნე­ბა ევ­რო­კავ­შირ­ში, კერ­ძოდ კი, შენ­გე­ნის ხელ­შეკ­რუ­ლე­ბის სივ­რცე­ში არ­სე­ბულ პრაქ­ტი­კას. ახა­ლი კა­ნო­ნის მი­ხედ­ვით, სა­ინ­ვეს­ტი­ციო ბი­ნად­რო­ბის ნე­ბარ­თვა მუდ­მი­ვი ცხოვ­რე­ბის უფ­ლე­ბით გა­ი­ცე­მა უცხო­ელ­ზე, რო­მელ­მაც სა­ქარ­თვე­ლო­ში გა­ნა­ხორ­ცი­ე­ლა არა­ნაკ­ლებ 300 000 ლა­რის ოდე­ნო­ბის ინ­ვეს­ტი­ცია "სა­ინ­ვეს­ტი­ციო საქ­მი­ა­ნო­ბის ხელ­შე­წყო­ბი­სა და გა­რან­ტი­ე­ბის შე­სა­ხებ" სა­ქარ­თვე­ლოს კა­ნო­ნის შე­სა­ბა­მი­სად. ასეთ შემ­თხვე­ვა­ში, კა­ნო­ნი ით­ვა­ლის­წი­ნებს გა­მარ­ტი­ვე­ბულ პრო­ცე­დუ­რებს. კერ­ძოდ, ინ­ვეს­ტორს შე­უძ­ლია, უფ­ლე­ბა­მო­სილ ორ­გა­ნოს მი­მარ­თოს ნე­ბის­მი­ე­რი ტი­პის ვი­ზით სა­ინ­ვეს­ტი­ციო ბი­ნად­რო­ბის ნე­ბარ­თვის გა­ცე­მი­სათ­ვის.