24
აპრილიდღის ზოგადი ასტროლოგიური პროგნოზი
პოლიციამ, რომელიც ფლორიდის დისნეივორლდში ალიგატორის მოტაცებულ ბავშვს ეძებდა, სხეული აღმოაჩინა. ადგილობრივმა დაივერებმა ორი წლის ბავშვის სხეული იპოვეს. ოლქის შერიფის ჯერი დემინგსის თქმით, ბიჭს ლეინ გრეივსი ერქვა და ის ნებრასკადან იყო. თავდასხმის შემდეგ ხუთი ალიგატორი მოკლეს ბიჭის ნარჩენების პოვნის იმედით.
წყალში ნაპოვნი გვამი კვლავ ამოცნობას საჭიროებს, თუმცა პოლიცია დარწმუნებულია, რომ სხეული ლეინისაა.
სონარულ მოწყობილობებს მდინარის და არხების გასაჩხრეკად 50-მდე ადამიანი იყენებდა. ნებრასკადან ფლორიდაში დასასვენებლად ჩასული ოჯახი პლაჟზე იმყოფებოდა, როდესაც ინციდენტი მოხდა. ბავშვი წყლის ნაპირთან იყო, როდესაც ალიგატორმა პირი ჩაავლო. მამას ხელზე ჭრილობები აქვს, რომელიც ალიგატორისთვის შვილის გამოგლეჯვის დროს მიიღო.
მომზადებულია bbc.com-ს მიხედვით.
