გურჯაანელი პოლიტიკოსების შეფასება NDI-ს კვლევაზე

NDI-ს კვლევის შედეგები გურჯაანში პოლიტიკური პარტიების წარმომადგენლებს speqtri.ge-მ შეაფასებინა. "ნაციონალურ მოძარობის" გურჯაანის ოფისისთვის კვლევა სანდო და მისაღებია, ხოლო "ქართული ოცნებაში" კვლევის შედეგებს არარეალურად მიიჩნევენ.

"ნაციონალური მოძრაობა" - ნიკა ნიჟარაძე: "რა თქმა უნდა, კვლევას ვენდობით. ეს შედეგი ჩვენთვის ამ ეტაპზე სრულიად მისაღებია. ფაქტობრივად თანაბრად ვართ ჩვენ და მოქმედი ხელისუფლება. 60%-ის უმრავლესობა, რომელიც ჯერ არ აფიქსირებს თავის აზრს, ჩვენსკენ გადმოიხრება. ვთვლით, რომ რვა ოქტომბერს ჩვენ მოვალთ ხელისუფლების სათავეში. „ნაციონალური მოძრაობის“ პარტიის ლიდერი გამოკითხვის მიხედვით პოლიტიკოსებს შორის პირველ ადგილზეა, თავის მომდევნო კონკურენტს ასწრებს 10 %. ეს ნიშნავს იმას, რომ ჩვენი გამარჯვება გარდაუვალია. გამოკითხვა ჩატარდა მაშინ, როდესაც ჯერ კიდევ არსებობდა კოალიცია. მათ სახე შენარჩუნებული ჰქონდათ. დღეს რომ ჩატარდეს კვლევა, სულ სხვა შედეგი დაიდება".

"ქართული ოცნება" თეიმურაზ ზარდიაშვილი: "ქართული ოცნება" - NDI-ს კვლევებთან მე შეხება არ მქონია. მაგათი წარმომადგენელი ჩემთან არასდროს მოსულა.გურჯაანში ერთი ადამიანი ვერ მეტყვის, რომ მათ ჰკითხეს რაიმე. ამ შემთხვევაში როგორ შეიძლება რაიმე კომენტარი გავაკეთო?! ის 15% , რაც ვითომ ჩვენ გვერგო, ნამდვილად არარეალურია და ვერ დავეთანხმები.

წაიკითხეთ ვრცლად

”სპექტრი”