ამ წუთებში ზუგდიდის ბაზარში სამართალდამცველები არიან მობილიზებული
ამ წუთებში ზუგდიდის ბაზარში ხმაურია, სადაც სამართალდამცველები, მერიის ბრძანებულების თანახმად, ბაზრის შესასვლელში არსებული დახლებისა და რკინის კონსტრუქციების დაშლას აპირებენ.
როგორც მოვაჭრეები აცხადებენ, მერიამ ბაზრის ეს ნაწილი იჯარით გადასცა კომპანია "ლონდასტეს", რომელიც ამ ადგილიდან მოქმედი მოვაჭრეების გაყრას გეგმავს და სწორედ ამ მიზნით ხდება 544 კვადრატულ მეტრზე არსებული კონსტრუქციების დაშლა.
ბაზრის ადმინისტრაცია აცხადებს, რომ მერიის მიერ გამოცხადებული ტენდერის კანონიერება-უკანონობის შესახებ მას სასამართლოში სარჩელი უკვე შეტანილი აქვს, თუმცა პროცესის დასრულებამდე მოვაჭრეების დახლების დაშლა მაინც იგეგმება.
მოვაჭრეები აცხადებენ, რომ მათ მიერ დაქირავებული სავაჭრო ტერიტორიების დათმობას არ აპირებენ და წინააღმდეგობის შემთხვევაში, ისინი პროტესტის უკიდურესი ფორმებით გამოხატვით იმუქრებიან.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
