"მე მკვლელი შვილი არ გამიზრდია" - მაგდა პაპიძის დედის კომენტარი

მე მკვლელი შვილი არ გამიზრდია, - ამის შესახებ მაგდა პაპიძის დედამ, ლია შამუგიამ თბილისის საქალაქო სასამართლოში პროცესის დასრულების შემდეგ ჟურნალისტებს განუცხადა. მისი თქმით, მაგდა პაპიძე თავის მცირეწლოვან შვილს არ მოკლავდა.

რაც შეეხება იმას, იცოდა თუ არა მან მაგდა პაპიძესა და მის მეუღლე ომარ ქაფიაშვილს შორის არსებული კონფლიქტის შესახებ, ლია შამუგიამ განაცხადა, რომ მეუღლეებს კარგი ურთიერთობა ჰქონდათ, თუმცა ბოლოს რა მოხდა, დეტალურად არ იცის. "კარგი ურთიერთობა კი ჰქონდათ, მაგრამ ბოლოს რა მოხდა არ ვიცი. ისინი კი იყვნენ კონფლიქტში, მაგრამ ამას არავინ მოელოდა. ძალიან თბილად მყავს ჩემი შვილი გაზრდილი. ის კარგი დედა იყო და ვერ ვიტყვი ჩემს შვილზე, რომ ის მკვლელია. გამორჩეული დედა იყო და ეს ამბავი ჩემთვის შოკია, მე მკვლელი შვილი არ გამიზრდია", - განაცხადა ლია შამუგიამ.