მნიშვნელოვანი ინფორმაცია
1
მაისიდღის ზოგადი ასტროლოგიური პროგნოზი
პირველი მაისი, ხუთშაბათი, მთვარის მეხუთე დღე დაიწყება 07:10-ზე, მთვარე კირჩხიბში იქნება 11:27-დან
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ. ცუდი დღეა ნიშნობისა და ქორწინებისთვის. გაამდიდრეთ თქვენი რაციონი რძე და რძის ნაწარმით, თაფლით. მოერიდეთ ცხოველური საკვებს. დღის რთული ორგანო კუჭია. მოერიდეთ ოპერაციებსა და მკურნალობის დაწყებას კუჭზე, ნაღვლის ბუშტზე, მკერდზე, ლიმფურ სისტემაზე, საშვილოსნოზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისში გრინჩია...
09:34 / 17-12-2015
თბილისში გრინჩია. არ გეგონოთ, ჯიმ ქერი ჩამოდის ან მწვანე ფორმაში გადაცმული დადის ვინმე, ნამდვილია! "თბილისელი" გრინჩი ასე გამოიყურება: საშუალო სიმაღლისაა, აცვია ძირითადად შარვალ-კოსტუმი, ხშირად დადის ღონისძიებებზე, ხალხსაც კი არ ემალება. როგორც საქართველოს დედაქალაქის მოსახლეობა ამბობს, გრინჩი ძალიან სახიფათოა, რადგან თბილისის გარეუბნებს ახალ წელს პარავს, თუმცა სად მიაქვს, კაცმა არ იცის. თურმე უბრძანებია - საახალწლო განათება მხოლოდ თბილისის ცენტრს სჭირდება, გარეუბნებს ისიც ეყოფა, საერთოდ რომ აქვთ ახალი წელიო. გარეუბანში თუ ცხოვრობ, დააჯექი ყვითელ "მარშუტკას", მეტროს, ავტობუსს, ტაქსს (იმ შემთხვევაში თუ გარეუბანში პრივილეგირებულ კასტას წარმოადგენ) და მანქანას (თუ კიდევ უფრო პრივილეგირებულს) და ნახე განათებები, რა პრობლემააო. ამ გრინჩის სახელი და გვარი დავით ნარმანიაა და მერად მუშაობს.
უი, ხო, ყველაფერი მოვყევი და გრინჩის მიერ ახალი წლის მოპარვის არსი რაში მდგომარეობს, ის არ მითქვამს. მერიის გადაწყვეტილებით, საახალწლო განათებები მხოლოდ თბილისის ნაწილში დამონტაჟდება, ნაწილში კი, ძირითადად გარეუბნებში - არა. კითხვაზე, თუ რატომ მიიღეს ასეთი გადაწყვეტილება, მერიაში არ გვიკონკრეტებენ.
მერიის ინფორმაციით, რეკონსტრუირებული ილუმინაციები დამონტაჟდა: ვაჟა ფშაველას გამზირი, ყაზბეგის გამზირი, პეკინის ქუჩა, კოსტავას გამზირი ფილარმონიის მიმდებარედ, ვახუშტის ხიდი, გლდანულის შესასვლელი (ალბათ ვინმე მაღალჩინოსანი ცხოვრობს), დუმბაძის ქუჩა (აქაც), გადასასვლელი ხიდიდან კინოთეატრ "საქართველომდე", დადიანის ქუჩა, ბუშის ქუჩა, ქეთევან წამებულის გამზირი, კოსტავას გამზირი ტელევიზიის მიმდებარედ და შარტავას ქუჩა. ძველი ილუმინაციები - "ანგელოზები" მარჯანიშვილის მოედანზე დაიდგა.
ახალი დიზაინით და ილუმინაციებით მოირთო თბილისის ცენტრალური ნაწილი: რუსთაველის გამზირი, ჭავჭავაძის გამზირი, მელიქიშვილის გამზირი, კოსტავას ქუჩები, ასევე დაემატა ავლაბრის აღმართი და თამარაშვილის ქუჩა. დედაქალაქის საახალწლო განათებასა და ცენტრალური ნაძვის ხის მორთვაში წელს მილიონ ლარამდე თანხა დაიხარჯება.
ჩვენც კაი უმადურები ვართ, ისე! საერთოდ რომ გვაქვს ელექტროენერგია, იმაზეც მადლობლები უნდა ვიყოთ და ამის ნაცვლად მოვინდომეთ გარეუბნებში საახალწლო განათებები. ან კიდევ, გადადი ცენტრში საცხოვრებლად, რომ ჩარჩი ამ გარეუბანში და გრინჩიც აღარაფერს მოგპარავს!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
