2
მაისიდღის ზოგადი ასტროლოგიური პროგნოზი
მომწონს, რომ ბრძოლისუნარიანი და მიზანდასახული ვარ", - ამბობს მსახიობი ანდრია გველესიანი. ის თამაშობს "ახმეტელის თეატრის" არაერთ სპექტაკლში, ასევე, სერიალში "ჩვენთან ერთად" და იღებენ ფილმში, რომელზე ლაპარაკიც ჯერ არ სურს. რის გამო საყვედურობენ, როგორი უნდა იყოს მისთვის სასურველი გოგო, როდის კარგავს წონასწორობას, როდის იბნევა და რას ფიქრობს დაშვებულ შეცდომებზე? - ამ ყველაფერს მის მიერ დასრულებული წინადადებებიდან შეიტყობთ.
- დაბადების თარიღი...
- ...1992 წლის 24 ივლისი.
- ბავშვობაში მინდოდა გამოვსულიყავი...
- ...მაშველი. ეს სფერო დღესაც ძალიან მხიბლავს. კინომანი ვიყავი და რომელ ფილმსაც ვუყურებდი ან რომელ სერიალსაც ვნახავდი, მინდოდა, ის გმირი გამოვსულიყავი, რომელიც ეკრანზე დადებითად იყო წარმოჩენილი. ხმის ძალიან მაღალი ტემბრი მაქვს და ერთი პერიოდი გადაწყვეტილი მქონდა, კონსერვატორიაში ჩამებარებინა, ოპერის მომღერალი გავმხდარიყავი. მერე ეს ყველაფერი დავივიწყე და ცურვამ გამიტაცა, მოგვიანებით კი ფეხბურთით დავინტერესდი. 2 წელი მადრიდში ვცხოვრობდი. იქ ფეხბურთს ვთამაშობდი, თან - კოლეჯში ვსწავლობდი. თეატრის კლასი ერქვა, სადაც სამსახიობო ოსტატობას გვასწავლიდნენ. ჰოდა, პირველად თეატრით იქ "მოვიწამლე", მერე საქართველოში დავბრუნდი. იმ პერიოდში აბიტურიენტობა მიწევდა და პროფესიულ არჩევანზე ბევრი აღარ მიფიქრია, თეატრალურ უნივერსიტეტში ჩავაბარე.
- ჩემზე ამბობენ...
- ...კონკრეტულად ერთი შეფასება არ მახსენდება, ზოგი რას ამბობს, ზოგი - რას. ოჯახში რას ამბობენ? მათ ხშირად ვერც ვნახულობ. სახლში რომ მივდივარ, ვიძინებ. მგონია, რომ ჩემზე ყველა კარგს ლაპარაკობს.
- ბედნიერი ვარ, რომ...
- ...სიყვარული შემიძლია. ადამიანებში ამ ნიჭს ძალიან ვაფასებ.
- თვისება, რომელიც ჩემში ყველაზე მეტად მომწონს...
- ...საკუთარ თავზე ლაპარაკი რთულია. მომწონს ის, რომ ბრძოლისუნარიანი და მიზანდასახული ვარ. საქმის კეთებისას ბოლომდე ვიხარჯები - რასაც ვაკეთებ, გულით ვაკეთებ.
- თვისება, რომელიც არ მომწონს და ვცდილობ, გამოვასწორო...
- ...აფექტურობა. "აფეთქებები" მახასიათებს, რაც კარგი ნამდვილად არ არის.
- წონასწორობიდან ჩემი გამოყვანა შეუძლია...
- ...ყველაზე მეტად, უსამართლობას. ჩემდამი უსამართლოდ მოქცევა კიდევ შეიძლება, ავიტანო, მაგრამ ვერც ერთ შემთხვევაში ვერავის ვაპატიებ საყვარელი ადამიანებისადმი უსამართლოდ მოპყრობას.
- ჩემი პირველი წარმატება...
- ...ბავშვობაში, სკოლაში ვიმღერე. იმდენად დიდი ხმა მქონდა, მიკროფონი არ მომცეს, ისე შემასრულებინეს სიმღერა. აპლოდისმენტები და ბევრი თბილი სიტყვა მივიღე. ეს ყველაფერი ძალიან სასიამოვნო იყო. კონცერტმაისტერის სიტყვებიც კი მახსოვს: "დასაწყისი -ოოო, ეს ყველაფერია". ეს იყო ჩემი წარმატების პირველი ნაპერწკალი.
- საკუთარ გარეგნობაში შევცვლიდი.
- ...არაფერს შევცვლიდი. ისეთები უნდა ვიყოთ, როგორებიც დავიბადეთ. ვვარჯიშობ, მუდმივად და ბევრს ვშრომობ. იმედია, "ღიპი" არ დამედება. ჭარბი წონისკენ მიდრეკილება ჯერ არ მაქვს.
- როცა საჯაროდ მაქებენ...
- ...რა თქმა უნდა, მსიამოვნებს. როგორც ყველა მსახიობს, აპლოდისმენტები მეც მიყვარს. ხელოვანი ამით საზრდოობს, მით უმეტეს, საქართველოში.
-
დათმობა შემიძლია, თუ...
- ...მიყვარს.
- თუ ადამიანი ერთი და იმავე შეცდომას რამდენჯერმე დაუშვებს...
- ...საბოლოოდ, ალბათ ისეთს მივიღებ, როგორიცაა.
- დაშვებულ შეცდომებზე...
- ...ვსწავლობ. ვცდილობ, წარსულით არასდროს ვიცხოვრო. ჩემთვის მთავარია ჩადენილი ქმედება გავაცნობიერო და მომავალში, როცა იმავე სიტუაციაში მოვხვდები, უკვე ერთხელ ჩადენილი შეცდომა აღარ გავიმეორო.
- საკუთარ შეცდომებზე მისწავლია...
- ...ბევრი რამ. სხვების შეცდომებზეც მისწავლია, მაგრამ საკუთარ თავზე
გამოცდილი მაინც სხვაა.
- ვიბნევი, როცა...
- ...აი, ეს "როცა" ბოლოს როდის იყო, ვეღარც კი ვიხსენებ. იშვიათად ვიბნევი. მართვის მოწმობა რამდენიმე თვის წინ ავიღე. საჭესთან პირველად რომ დავჯექი, მაინც დავიბენი.
- ამ წუთში ძალიან მინდა ვიყო...
- ...რომელიმე თბილ ქვეყანაში, მყუდრო ადგილზე, საყვარელ ადამიანთან ერთად.
- სიყვარული ეს...
- ...ძალიან რთულია, განმარტო, რა არის. სიყვარული ღმერთია. (პაუზის შემდეგ) ბანალურია, მაგრამ ჩემთვის ასეა. ეს გრძნობა ღმერთთან ყველაზე მეტად გაახლოებს.
- პირველად რომ შემიყვარდა...
- ...იყო სიგიჟეები და ა.შ.
- ახლა შეყვარებული...
- ...ვარ. ის ჩემი კოლეგა მაიკო ვაწაძეა. ჩვენ ჯგუფელები ვიყავით. ახლახან "ბედისწერის თეატრში" სიძე-პატარძლის როლები ვითამაშეთ.
- სასურველი გოგო უნდა იყოს...
- ...ჩემთვის საინტერესო. ყველაფრით საინტერესო უნდა იყოს, კარგითაც და ცუდითაც.
- ხშირად მსაყვედურობენ...
- ...სიჯიუტის გამო.
- ვნანობ, რომ...
- ...დათმობა კარგი თვისებაა, მაგრამ ბევრჯერ მაშინაც დამითმია, როცა არ უნდა დამეთმო. ისე, რომ დავფიქრდე, ამის გამო ვნანობ? შეიძლება ითქვას, არც ვანობ. ამ ყველაფერზე ბევრი რამ ვისწავლე. განაგრძეთ კითხვა
