მნიშვნელოვანი ინფორმაცია
11
აპრილიდღის ზოგადი ასტროლოგიური პროგნოზი
პარასკევი, მთვარის მეთოთხმეტე დღე დაიწყება 18:54-ზე, მთვარე სასწორს ესტუმრება 05:12-ზე
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი პოლიტიკოსი ქალები, რომლებიც შვილებს მარტო ზრდიან
11:16 / 19-07-2016
პოლიტიკოს ქალებს პირად ცხოვრებაში ნაკლებად უმართლებთ. არავინ იცის, ეს რისი ბრალია, მაგრამ ფაქტია, რომ მათი უმეტესობა მარტოხელა დედაა. "ambebi.ge" სწორედ მათ შესახებ გიამბობთ.
ნინო კალანდაძე
საგარეო საქმეთა მინისტრის ყოფილ მოადგილეს ნინო კალანდაძეს 4 წლის ვაჟი ჰყავს, პატარას ნინოს მამის სახელი ჰქვია და დედის გვარს ატარებს, ზუკა კალანდაძის მამის ვინაობა უცნობია. ნინო ბავშვს მარტო ზრდის, პატარა ზუკა 2.500 გრამი დაიბადა. ის 40 დღის იყო, როცა გაქრისტიანდა, მისი ნათლიები ნინო კალანდაძის ბავშვობის მეგობარი თამუნა ქურთუბაძე, ნიკა გვარამია, ლევან ბეჟაშვილი და მეუფე პეტრე არიან.
მარიკა ვერულაშვილი
დეპუტატ მარიკა ვერულაშვილს უკვე დიდი ქალიშვილი ჰყავს. სალომე ცნობილაძე ერთ-ერთ ულამაზეს გოგონად ითვლება თბილისში. გავრცელებული ინფორმაციით, მარიკა ვერულაშვილი ქმარმა მაშინ მიატოვა, როცა სალომე დაიბადა. შესაბამისად, ბავშვის აღზრდა მარტო მოუწია. მარტოხელა დედას პატარა სალომეს გაზრდაში ოჯახი ეხმარებოდა. რამდენიმე წლის წინ მარიკა ვერულაშვილმა ოჯახი შექმნა, მისი მეუღლე ბიზნესმენი სოსო ჩხაიძე გახლავთ, რომელიც რამდენიმე წლის წინ, წინასაარჩევნოდ დააპატიმრეს. ის შემოვლითი რკინიგზის საქმეში იყო ჩართული. ამბობენ, რომ სწორედ მეუღლის დაპატიმრება გახდა მარიკა ვერულაშვილის "ნაციონალებიდან" წამოსვლის მიზეზი.
ეკა ბესელია
დეპუტატი ეკა ბესელია ორჯერ იყო დაქორწინებული, თუმცა არ გაუმართლა და ორი შვილის აღზრდა მარტოს მოუწია. მას ვაჟი რატი მილორავა და 12 წლის ქალიშვილი ლიზი გუბელაძე ჰყავს. რატი მილორავა ხშირად ხვდება სკანდალებში, ის ჯერ კიდევ არასრულწლოვანი იყო, როცა ქობულეთში ერთ-ერთ ბარში, ხულიგნობის ბრალდებით დააკავეს. რაც შეეხება პატარა ლიზის, ის მოდელობს და მღერის. გასულ წელს კი "მის ევრაზიის" ტიტულის მფლობელი გახდა.
თეა თუთბერიძე
თეა თუთბერიძეს პატარა დათი ჰყავს, რომელსაც მარტო ზრდის. ბავშვის მამა რამდენიმე წლის წინ ავტოავარიაში დაიღუპა. მანქანას, რომელსაც გუგა ჟღენტი მართავდა, ცეცხლი გაუჩნდა. ამბობენ, რომ თეამ ყველაფერი გააკეთა საყვარელი მამაკაცის სიცოცხლის გადასაჩენად, მაგრამ რამდენიმე დღეში ის მაინც დაიღუპა. თეა პატარა დათის აღზრდაში ბოლომდეა ჩართული. "ერთი წლის იყო დათი, როცა გუგა დაიღუპა და ბავშვმა მაინც ძალიან განიცადა. სურათებს ვაჩვენებდით, მამას როცა ითხოვდა, აბრუნებდა ამ სურათს და ტიროდა, მამა აქედან გამოვიდესო. ვერ ხვდებოდა, რატომ აღარ მოდიოდა გუგა. იმ პერიოდში სულ ტიროდა ბავშვი, მერე ფსიქოლოგთანაც კი მივიყვანეთ მე და გუგას მამიდამ. ფსიქოლოგმა გვირჩია, გარკვეული პერიოდით მასთან გუგას სახელიც არ გვეხსენებინა. დათი ახლა უკვე სამი წლის არის. ვსწავლობთ და ვცდილობთ ვისაუბროთ ინგლისურად, გერმანულად, ძიძის წყალობით რუსულად. ქართულს, რუსულს, გერმანულს და ინგლისურს ხშირად ერთმანეთში ურევს, მაგრამ მერე ალბათ თანდათან დაულაგდება. დავდივართ ბაღში, სადაც ძალიან მოსწონს. ბაღში ბავშვებს მამები რომ აკითხავენ, მასაც უნდა მამამ წამოიყვანოს შინ და სულ კითხულობს, სად არის მამა და ელოდება", - იხსენებს თეა ერთ-ერთ ინტერვიუში.
მარიამ საჯაია
ახალგაზრდა დეპუტატი მარიამ საჯაია მარტოხელა დედაა. პატარა ბუკა სამარგულიანის აღზრდაში მარიამს დედა, ნაზი არონია ეხმარება. მარიამის ყოფილი მეუღლე გედუნა სამარგულიანი გახლდათ, რომელიც "სილქნეტში" მუშაობს. მარიამი ბავშვთან ერთად დადის სამოგზაუროდ, ხშირად დაყავს გასართობ ღონისძიებებზე. პარლამენტის სესიის გახსნის დღეს პატარა ბუკა თითქმის მთელმა საქართველომ გაიცნო - იმის გამო, რომ დეპუტატ საჯაიას ბავშვის დამტოვებელი არ ჰყავდა, ბუკა სხდომაზე მიიყვანა.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
