"დღის ბოლოს მაინც ამოვიდა "თეთრი კვამლი" - სფფ-მ ახალი პრეზიდენტი აირჩია
დღეს ფეხბურთის ფედერაციის არჩევნები დასრულდა, რომელიც სასტუმრო "holiday inn"-ში ჩატარდა. არჩევენები, ისე როგორც წინასაარჩევნო პერიოდი ძალიან დაძაბული გამოდგა, თუმცა დღის ბოლოს მაინც ამოვიდა "თეთრი კვამლი" და მომდევნო წლები ფედერაციის პრეზიდენტი ლევან კობიაშვილი იქნება, რომელმაც 18 ხმა მიიღო, მისმა უშუალო კონკრუნეტმა რევაზ არველაძემ 15 ხოლო მესამე კანდიდატს მამუკა კვარაცხელიას კი მხარი არავინ დაუჭირა.
სიახლე ყველაფერს სჭირდება, მაგრამ ქართული ფეხბურთისთვის სიახლე ისეთი საჭიროა, როგორც თევზისთვის წყალი. ქართული ფეხუბრთი სამარის პირასაა, რეანიმაციაში მყოფ ადავმყოფს ჰგავს, რომლის პატრონსაც რეანიმაციიდან გამოსული ექიმები მხოლოდ თავის გადაქნევით პასუხობენ. ასეთ ავადმყოფებს მერე ცნობილი კლინიკიდან მკურნალ ექიმებს ჩამოუყვანენ ხოლმე და ამ მკურნალს ყველა იმედის თვალით შესცქერის, ხშირად ხდება სასწაული და ავადმყოფი მოიხედავს, მაგრამ ხშირად...
ასეთ მკურნალად გვესახება ყველას ლევან კობიაშვილი, რომელსაც ძალიან რთული მისია აქვს, საფეხბურთო ენაზე რომ ვთქვათ "ტაიმ-ბოლი" უნდა ამოაგდოს, მაშინ როცა ძირითადი დროის დასრულებამდე ათიოდ წუთია დარჩენილი. ფეხბურთელ კობის სტადიონზე ბევრი სასწაული მოუხდენია, მაგრამ შეძლებს იგივეს მენეჯერი კობიაშვილი?!
"კობის" მართვის დიდი გამოცდილება არ აქვს, განსხვავებით რევაზ არველაძისაგან, რომელიც წლებია იმ უწყების მმართველ გუნდშია რომლის პრეზიდენტობასაც აპირებდა. მას ჰქონდა საშუალება, ფედერაციაში ძირეული ცვლილებები გაეტარებინა,მაგრამ მას ეს ან არ გამოსდიოდა ან კიდევ მისი ჩატარებული რეფორმები უშედეგო იყო. რევაზ არველაძე სფფ-ს მეორე კაცი იყო, იმ სფფ-ს რომლის სახელსაც უკავშირდება მოსყიდულ თამაშში შემჩნეული ეროვნული ჩემპტიონატის მონაწილე ფეხბურთელები და მსაჯები, იმ სფფ-ს მეორე კაცი იყო რომელმაც ვერ გაარკვია ეროვნული ნაკრების კაპიტანს დისკვალიფიკაცია რომ არ ჰქონდა და ამის გამო ოფიციალური შეხევდრა გამოატოვინა, თუმცა მის სახელსვე უკავშირდება იდეალურად ორგანიზებული უეფას სუპერ თასი, რომელიც შესაძლოა სხვა მასშტაბური ღონისძიებების საწინდარი გახდეს. მსოფლიოს თითქმის ყველა ქვეყანაში, თუ ეროვნულ ნაკრებს ცუდი შედეგები აქვს მაშინ სფფ-ს მუშაობაც წარუმატებლად ფასდება, რეზის დროს კი ნაკრებს შედეგი არ ჰქონია, ბუნებრივია, ლევან კობიაშვილი თვითონ ვერ ითამაშებს, მაგრამ ის მაინც უნდა მოახერხოს რომ ეროვნულ ნაკრებში საბრძოლო განწყობა დამკვიდრდეს. ამის გარდა ლევანმა კიდევ ბევრი რამე უნდა მოახერხოს, მან უნდა შეძლოს და ეროვნული ჩემპიონატის თამაშებზე მაყურებელი დააბრუნოს, ლევანმა ისიც უნდა შეძლოს, რომ ქართულმა გუნდებმა აგვსიტოს პირველ რიცხვებში არ დაასრულონ ევროთასებზე გამოსვლა, ქართულ ფეხბურთს ავტორიტეტი უნდა დაუბრუნოს (იმდენი რაღაცის მოგვარება უწევს,მგონი სირიის კონფლიქტიც "კობის"მოსაგვარებელი გახდება), მოკლედ, ლევანს ძალიან მძიმე საქმესთან უწევს შეჭიდება. დარწმუნებული ვარ მან ეს ძალიან კარგად უწყის და რადგან მაინც გადაწყვიტა პრეზიდენტობა გამოდის რომ ამისთვის მზადაა. ფეხბურთელ "კობის", ბოროტად არასოდეს უსარგებლია გულშემატკივრის სიყვარულით, ის ყოველთვის ბოლომდე მებრძოლი სპორტსმენი იყო, იბრძოდა იმ დროსაც როცა სხვები უბრალოდ იდგნენ. იმედია, პრეზიდენტიც ასეთი იქნება და ქართულ ფეხბურთს იმ რეანიმაციიდან გამოიყვანს საიდან გამოსვლაც ძალიან რთულია, თუმცა შესაძლებელი.
წარმატებები ბატონო პრეზიდენტო!
ლადო გოგოლაძე
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
