გენინსპექცია: "ეს კაცი ფხიზელია"
გენინსპექციის შემოწმებით, პატრულის თანამშრომელი ჯაბა ხუციშვილი, რომელიც ვიდეოკამერის ობიექტივში არაფხიზელ მდგომარეობაშია და სამსახურებრივ მოვალეობას ასრულებს, ჩვეულ "ფორმაშია". ამის შესახებ შიდა ქართლის საინფორმაციო ცენტრს გენინსპექციის წარმომადგენლებმა განუცხადეს. "თქვენი შეტყობინებისთანავე პიროვნება შევამოწმეთ, მაგრამ როგორც არ უნდა გაგიკვირდეთ, მას საეჭვო არაფერი აღმოაჩნდა" - გვითხრეს გენინსპექციიდან.
პატრულის და კრიმინალური პოლიციის თანამშრომლები შიდა ქართლის საინფორმაციო ცენტრის ავტომანქანის მძღოლს სისტემატიურად ამოწმებენ, ამას ხშირ შემთხვევაში რეიდებს უკავშირებენ. ეს ტენდენცია მას შემდეგ გახშირდა, როდესაც შიდა ქართლის საინფორმაციო ცენტრმა თვით პატრულის მთვრალი უფროსის და მოქალაქე ქალბატონის შეხლა-შემოხლის კადრები გადაიღო. ვიდეოობიექტივში ძირითადად პატრულის და კრიმპოლის ის თანამშრომლები ხვდებიან, რომლებიც შემდეგ სამაგიეროს მიზნით საინფორმაციო ცენტრის მანქანის გაჩერება-შემოწმებას იწყებენ, თუმცა ამ დრომდე საეჭვო არაფერი დაუდგენიათ.
წყარო: qartli.ge
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
