ლარმა ისევ გაუფასურება დაიწყო

რამდენიმე დღიანი გამყარების შემდეგ ლარმა ისევ გაუფასურება დაიწყო. საქართველოს ეროვნული ბანკის მიერ დადგენილი ახალი გაცვლითი კურსის მიხედვით, ხვალიდან, 17 დეკემბრიდან 1 დოლარის შეძენა 1,85 ლარად იქნება შესაძლებელი.

ბანკთა შორის ვაჭრობის შედეგად, ეროვნული ბანკის მიერ გუშინ დადგენილი კურსი, რომელიც დღეს მოქმედებდა, 1.84-ს შეადგენდა. შაბათ-კვირას ლარი 1 პუნქტით კიდევ უფრო მყარი იყო, შესაბამისად, 1 დოლარის შეძენა 1.83 ლარად შეიძლებოდა.