ნაყინი, რომელიც ფერს იცვლის

37 წლის მანუელ ლინარესმა, რომელიც ნაყინის მომზადების კურსებს გადიოდა, გადაწყვიტა რაღაც ახალი შეექმნა. როდესაც მან კურსის ხელმძღვანელს განუცხადა, რომ ისეთი ნაყინის შექმნა სურდა, რომელიც ფერს შეიცვლიდა, ამ ამბავს ყველანი სიცილით შეხვდნენ.

თუმცა ფიზიკასა და ინჟინერიაში მიღებული განათლება მანუელს დაეხმარა, შეექმნა ახალი პროდუქტი სახელწოდებით ”ქამელეონი”, რომელიც ფერს ლურჯიდან იასამნისფრად იცვლის, როდესაც გალღობას იწყებს. მანუელი საიდუმლოდ ინახავს თავის რეცეპტს და არ ჩქარობს თავისი უნიკალური მეთოდის გამჟღავნებას.

ლინარესის მიერ შექმნილ ნაყინს დაშაქრული ხილის გემო აქვს: ალუბლის, კაკაოსი, ნუშის, ბანანის, ვანილის და კარამელის. ცვალებადი ფერის გაყინული პროდუქტი ძალიან პოპულარულია ქალაქ კალელა დე მარნაში, რომელიც ესპანურ პროვინცია ბარსელონას აღმოსავლეთით მდებარეობს.