მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ ვერ თხოვდებიან ქალები
02:44 / 01-05-2014
ალბათ, ხშირად გინახავთ ძალიან ლამაზი გაუთხოვარი გოგონა, როცა ნაკლებად მიმზიდველი ქალი უფრო მარტივად გათხოვილა. ან მამაკაცები, რომელთაც თითქმის ყველაფერი აქვთ, შესაშური კარიერა, დადებითი თვისებები, მაგრამ ვერაფრით დაოჯახდნენ. ამის ფონზე არსებობენ ადამიანები, რომლებიც იმდენჯერ ქორწინდებიან, რომ ოჯახის წევრებს სათვალავი ერევათ. მაინც რა არის ის ძირითადი მიზეზები, რის გამოც ადამიანები თავის რჩეულს ვერ ხვდებიან.
გამოცემა Psychology Today, სადაც ფსიქოლოგების რჩევები იბეჭდება, ამ თემას სტატიას უძღვნის. სტატიის ავტორის აზრით, ქორწინებისთვის პოტენციური პარტნიორები არიან საერთო სამეგობროში, მაგრამ როგორც წესი, ერთმანეთის ნაცნობებთან რომანის გაბმა სახიფათოა, რადგან უიღბლო რომანის დასრულების შემდეგ იმავე წრეში ყოფნა უხერხულია.
მეორეა სამსახური, მაგრამ თანამშრომლების ნაწილი უკვე დაოჯახებულია, ან ოფისში მკაცრი წესები მოქმედებს, რომელიც სამსახურებრივ რომანს კრძალავს. ამასთან, გამოკითხული ადამიანების 50% აცხადებს, რომ სამსახურში რომანს მაქსიმალურად ერიდებიან, რადგანაც არ სურთ სასიყვარულო თემა პირდაპირ კოლეგების თვალწინ ვითარდებოდეს. მესამე ადგილი, სადაც ბევრ წყვილს ერთმანეთი გაუცნიათ, სხვადასხვა ტიპის ივენთებია, სპორტული ღონისძიებები, ან სოციალური აქტივობები. დღეს მარტოხელები პარტნიორს ინტერნეტში განთავსებულ სხვადასხვა გაცნობის საიტებზეც ეძებენ.როგორც ფსიქოლოგი ფრიდრიხ ნეუმანი ამბობს, მას ბევრი პაციენტი ჰყავდა, რომელთაც დაქორწინება და შვილების გაჩენა სურდათ, მაგრამ პარტნიორს ვერ პოულობდნენ. ფსიქოლოგი პაციენტებს შორის სალის გამოყოფს, რომელიც ყველაზე ლამაზად მიაჩნდა. ფრიდრიხი საავადმყოფოსაც კი ესტუმრა, რათა პაციენტის სამუშაო გარემო გაეცნო. როგორც ამბობს, გაოგნებული დარჩა, როდესაც ნახა, რომ საავადმყოფოში სალის ასაკის უამრავი დაუქორწინებელი მამაკაცი მუშაობდა, მაგრამ მათთვის ეს ლამაზი, წარმატებული გოგონა უჩინარი იყო. ამის მიზეზი ის იყო, რომ სალი ნაკლებად კომუნიკაბელური იყო. მაშინ, როდესაც კორიდორში ქირურგები ექთნებს თბილად ესალმებოდნენ, უღიმოდნენ და კომპლიმენტებს ეუბნებოდნენ, სალი თავჩაღუნული დადიოდა. მოგვიანებით ფსიქოლოგთან ვიზიტისას სალიმ აღიარა, რომ ერთ-ერთი ექიმი მოსწონდა, მაგრამ მასთან კონტაქტის ერიდებოდა და რცხვენოდა. როგორც ფსიქოლოგი ამბობს, უამრავი რჩევის მიუხედავად, ექიმთან ურთიერთობის დათბობა სალიმ ვერ შეძლო. ერთადერთი ადგილი, სადაც თავს კომფორტულად გრძნობდა, ბარი იყო. ფრიდრიხი ამბობს, რომ მოგვიანებით მისი პაციენტი ალკოჰოლიკზე გათხოვდა.
სასურველი პარტნიორის გაცნობა განსაკუთრებით რთულია იმ ქალებისთვის, რომლებიც მუშაობენ და ყოველ დღე ერთსა და იმავე გარემოში ურთიერთობა უწევთ. არსებობს კიდევ ერთი პრობლემა - როდესაც მარტოხელა ადამიანს სურს დაოჯახდეს, მაგრამ ამის ინტერესს გარეგნულად არ ამჟღავნებს. რატომ უნდა მოუნდეს პოტენციურ პარტნიორს თქვენთან გასაუბრება, ან ყავაზე დაპატიჟება მაშინ, როდესაც სრულიად გულგრილად ექცევით. ჰორიზონტზე უამრავი მარტოხელაა და თქვენს ადგილს რომელიმე აუცილებლად დაიკავებს. ამასთან, არსებობს საკითხები, რომელსაც სერიოზული დაკვირვება სჭირდება:
1. კაცებს განსაკუთრებით აღიზიანებთ ქალი, რომელიც საზოგადოებრივი თავშეყრის ადგილებში დაჟინებით მიშტერებია მობილურს. პირველი, რასაც გაიფიქრებთ ისაა, რომ პარტნიორს ემესიჯება, სინამდვილეში კი ფოსტას ამოწმებს, ან თამაშობს. ასეთი ქალის გაცნობა არავის მოუნდება.
2. სერიოზული პრობლემაა, როდესაც ქალი ბიოლოგიურ საათს ყურადღებას არ აქცევს. როგორც წესი, მარტოხელების ნაწილი საოცნებო პრინცის ლოდინში ჰორიზონტზე მყოფ ყველა მამაკაცს უარით ისტუმრებს, ან რომანს უაზრო მიზეზით წყვეტს. გულის სიღრმეში იცის, რომ შვილები მთავარია, მაგრამ სხვა საკითხებითაა გართული.
3. არსებობენ ქალები, რომელთაც მხოლოდ კარიერა აინტერესებთ. სინამდვილეში, ხშირ შემთხვევაში სიტყვა კარიერისტი მალავს სურვილს, ჰყავდეს პარტნიორი და შექმნას ოჯახი. კარიერაზე ზრუნვა ახალგაზრდობაში ნამდვილად საჭიროა, მაგრამ იქნებ დროა პირად ცხოვრებაზეც დაფიქრდეთ? ამასთან, არ ღირს პოტენციურ პარტნიორთან ქორწინების ინსტიტუტი, შვილების საკითხი საქილიკო თემად აქციოთ. ამით მამაკაცს აჩვენებთ, რომ სერიოზული ურთიერთობა არ გაინტერესებთ და მხოლოდ ერთობით.
მომზადებულია Psychology Today-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
