ჯოდი ფოსტერი ქალს გაჰყვა ცოლად

ჰოლივუდის ვარსკვლავი ჯოდი ფოსტერი საყვარელზე, ალექსანდრა ჰედისონზე გათხოვდა.

ჟურნალისტებს ეს ინფორმაცია მსახიობის წარმომადგენელმა უკვე დაუდასტურა. 51 წლის მსახიობისა და მისი ფოტოგრაფი პარტნიორის რომანი ერთი წლის განმავლობაში გრძელდებოდა.

"მათ ერთმანეთი ძალიან უყვართ", - აცხადებს ჟურნალისტებთან საუბარში წყვილის მეგობარი.

შეგახსენებთ, ჯოდი ფოსტერის სექსუალური ორიენტაციის შესახებ ცნობილი შარშან გახდა. ვარსკვლავმა "ოქროს გლობუსის" ცერემონიალზე განაცხადა, რომ ლესბოსელია. ფოსტერს ორი ვაჟი, ჩარლზი და კრისტოფერი ჰყავს. მათი ბიოლოგიური მამის ვინაობა უცნობია.

მომზადებულია justjared.com-ის მიხედვით.