ივნისის ასტროლოგიური პროგნოზი მერწყულებისთვის - ჯანმრთელობა, ფული და სიყვარული...

შემოქმედებითი იდეების განხორციელების, მხიარულებისა და სიყვარულის დრო დაგიდგათ. ზოგიერთი მზად იქნებით გარისკვისთვის. იამაყებთ საკუთარი შვილებით. წარმატებას მოგიტანთ პროექტები, რომლებიც შვილივით გიყვართ. წარმატება გელით სპორტულ და სამსახიობო საქმიანობაში ჩართულებს.

ბიზნესი, კონტაქტები

საინტერესო ადამიანებთან შეხვედრები, იდეების განხილვა და განხორციელება გელით. თუ რომელიმე იდეას ვერ განახორციელებთ (დროის ან მატერიალური საკითხების გამო), ჩაინიშნეთ მომავლისთვის. მოგინდებათ ინტელექტუალური საქმიანობა და გართობა, შეიძლება ვიქტორინებსა და კონკურსებში მიიღოთ მონაწილეობა. ზოგიერთი კი მეგობრებთან სამაგიდო თამაშებით გაერთობა.

ფული და სიყვარული

მეტი დრო დაუთმეთ სამსახურებრივ ვალდებულებებს, რამაც ფული უნდა მოგიტანოთ. გააუმჯობესეთ დამოკიდებულება კოლეგებთან. კარგი იქნება, თუ ჩაიტარებთ სამედიცინო კვლევას. საყვარელ ადამიანთან შეთანხმებულად მოაგვარეთ საყოფაცხოვრებო საკითხები, ბიუჯეტიც კი ერთად დაგეგმეთ. მარტოხელებს გაქვთ შანსი, რომანი გააბათ კოლეგასთან.

ჯანმრთელობა

ენერგია თანაბრად უნდა გადაანაწილოთ სამსახურზე, ოჯახსა და დასვენებაზე. უნდა ისწავლოთ დათმობა, კომპრომისზე წასვლა. საყვარელ ადამიანთანაც და სასიყვარულო პარტნიორთანაც და ზოგადად, ყველასთან. გაამდიდრეთ რაციონი ხილითა და ბოსტნეულით, კარგ შედეგს მიაღწევთ, თუ წონის დაკლებას გადაწყვეტთ.

10 ივნისის შემდეგ ამაღლებულ განწყობაზე იქნებით, შვილებისა და მეგობრებისთვის დღესასწაულების მოწყობის სურვილი გაგიჩნდებათ. აი, საყვარელ ადამიანთან კი - სასიყვარულო თავგადასავლების. მარტოხელებს რომანტიკული ნაცნობობა გელით. თუმცა, ეს უფრო ფლირტია, და არა სერიოზული კავშირი.

24 ივნისის შემდეგ მეტად მოგინდებათ დასვენება, განმარტოება. შეიძლება გაგიჩნდეთ ქველმოქმედების, სულიერებაში გაღრმავების სურვილი. გაფრთხილდით არ გამჟღავნდეს ის, რასაც საიდუმლოდ ინახავდით.