ძალაუფლების აგრესიული გამოვლინება, გაუქმებული შეხვედრები და უსიამოვნებები პირად ურთიერთობებში ანუ რა გველოდება დეკემბერში, 2024 წლის ბოლო თვე მოულოდნელობებით იქნება აღსავსე
2024 წლის ბოლო თვე ასტროლოგიური მოვლენებით მდიდარი და მრავალფენიანი იქნება. ჯერ მარტო ის რად ღირს, რომ თვე ახალმთვარეობით იწყება და ახალმთვარეობით სრულდება, ანუ დეკემბერში ორი ახალმთვარეობა გვაქვს - პირველში მშვილდოსანში და 31 დეკემბერს - თხის რქაში.
ტრადიციულად, დეკემბერში ხდება გასული თვეების შედეგების შეჯამება და სამომავლო გეგმების ჩამოწერა. დეკემბერში ყოველი დღე იძლევა შესაძლებლობას გამოავლინოთ თქვენი შინაგანი პოტენციალი, შეხედოთ სამყაროს სხვა კუთხით და მიიღოთ გადაწყვეტილებები, რომლებიც გავლენას მოახდენს თქვენს მომავალში. კოსმოსი თითქოს გვამზადებს მნიშვნელოვანი ცვლილებებისთვის, მოგვიწოდებს გაფართოებისაკენ, ძიებისკენ და გვიბიძგებს ჩვენი საზღვრების ღრმა გაცნობიერებისაკენ.
მთელი დეკემბრის განმავლობაში მარსი დაძაბულ პოზიციაშია პლუტონთან, რაც იწვევს საომარი მოქმედებების ესკალაციას. ამ ასპექტის ენერგიამ შეიძლება ადამიანებს უბიძგოს კონფლიქტებისკენ, ძალაუფლების აგრესიული გამოვლინებისა და კონტროლისკენ. მნიშვნელოვანია გამოავლინოთ მაქსიმალური სიფრთხილე, არ მოახდინოთ რეაგირება პროვოკაციებზე და მიმართოთ თქვენი ენერგია საქმიანობის გაუმჯობესებაზე. ახლა კი უფრო კონკრეტულად თითოეული ასტროლოგიური მოვლენის შესახებ:
თვე იწყება ახალმთვარეობით მშვილდოსანში - პირველ დეკემბერს, 10:21-ზე. ახალმთვარეობისას მზეც და მთვარეც მშვილდოსნის ნიშანში არიან. მათთანაა ფიქსირებული ვარსკვლავი ანტარესიც. ანტარესს შემოაქვს ბედისწერისა მოვლენების ელფერი, გაიძულებთ დასვათ კითხვები თქვენი ქმედებების მიზნებისა და ღირებულების შესახებ. კოსმოსი გვიბიძგებს ტრანსფორმაციისკენ, გვახსენებს, რომ ზრდას არა მარტო ძალა, არამედ სიბრძნეც სჭირდება.
2 დეკემბერს თხის რქაში მყოფი ვენერა ჰარმონიულ ასპექტშია რეტრო ურანთან, რომელიც კუროშია, რაც გვაძლევს იმის თქმის საფუძველს, რომ სიურპრიზებისა და შთაგონების ელემენტებს შემოიტანს ურთიერთობებთან, ფინანსებთან და ესთეტიკურის სფეროებში. ორივე პლანეტა მიწის სტიქიაში, რაც მოითხოვს პრაქტიკულობას, სტაბილურობას და რეალისტურ მიდგომას.
4 დეკემბერს მზე სატურნთან დაძაბულ ასპექტს ქმნის. განსაკუთრებით დაკვირვებული იყავით ადმინისტრაციულ ორგანოებთან და სამთავრობო უწყებებთან ურთიერთობისას . სხვა პლანეტების განლაგება მოითხოვს ტრადიციული საგნების სხვა კუთხით შეხედვას. ეს შეიძლება იყოს არაჩვეულებრივი გადაწყვეტილება ბიზნესში, ურთიერთობების განახლება ან ფართომასშტაბიანი შემოქმედებითი პროექტის შექმნა. შესაძლებელია წარსული ურთიერთობების გადახედვა და ჰარმონიის ახალი გზების ძიება.
6 დეკემბერს რეტრო მერკური მზეს შეუერთდება. ეს ასპექტი ხელს უწყობს მკაფიო აზროვნებას და გრძელვადიან დაგეგმვას.
7 დეკემბერს რეტრო მერკური დაძაბულ ასპექტშია სატურნთან, მზე რეტრო იუპიტერთან დაპირისპირებაშია, ვენერა კი მერწყულში გადადის და ეგრევე უერთდება პლუტონს. უეცარი ცვლილებების, გაუქმებული შეხვედრების ან გადადებული მგზავრობის დღეა. თუმცა, კარგია შემოქმედებითი მიდგომა ძველი პრობლემების გადასაჭრელად. დაფიქრდით, რა არის სტაბილური, რა შეუწყობს ხელს ინოვაციას? ხელსაყრელი დროა ექსპერიმენტებისთვის მოდაში, დიზაინსა და ხელოვნებაში. კარგი იქნება მართვის მეთოდების გადახედვა. შეიძლება ღირდეს ახალ ტექნოლოგიებში ინვესტიციის განხილვა ან ძველი ფინანსური სტრატეგიების მიტოვება.
12 დეკემბერს ვენერასა რეტროგრადული მარსის დაპირისპირება ანგრევს სტაბილურობას და ურთიერთპასუხისმგებლობას ურთიერთობების სფეროში და იწვევს კონფლიქტებს. შეყვარებულები და დაქორწინებულები გაფრთხილდით.
13 დეკემბერს ვენერა რეტროგრადული მერკურისთან ჰარმონიულ ასპექტშია, მოსალოდნელია რომანტიკული სიურპრიზები, სასიამოვნო მოულოდნელი შეხვედრები წარსულის ადამიანებთან. ასევე შესაძლებელია დადებითი შემობრუნებები ფინანსურ საქმეებში.
სავსემთვარეობა ტყუპში გველოდება 15 დეკემბერს 13:01 საათზე. გააქტიურდება კომუნიკაციის, სწავლისა და კავშირების თემებს. კარგი დროა ინტელექტუალურ საქმიანობასთან დაკავშირებული პროექტების დასასრულებლად.
14-15 დეკემბერს მერკური ქმნის ჰარმონიულ ასპექტს რეტროგრადულ მარსთან. ყოველდღიურ საქმიანობაში შეზღუდვები და რუტინული ვალდებულებები მოიხსნება. ბალანსი აღდგება თავისუფლებასა და ერთგულებას შორის.
18 დეკემბერს მზესა და ნეპტუნს შორის დაძაბულობამ შეიძლება გამოიწვიოს დაბნეულობა, ილუზიები და შინაგანი კონფლიქტები. რეალობასა და ფანტაზიას შორის საზღვრები ბუნდოვანია, რაც შეიძლება გამოვლინდეს საკუთარ თავში ეჭვის, გადაჭარბებული მოლოდინების ან მოტყუების სახით. თუმცა, ეს ასპექტი ასევე შეიცავს სულიერი ზრდის პოტენციალს, თუ ადამიანი ისწავლის ილუზიებისა და ჭეშმარიტების გარჩევას.
19 დეკემბერს ვენერა ჰარმონიულ ასპექტშია რეტრო იუპიტერთან - მიეცით საკუთარ თავს ექსპერიმენტების თავისუფლება, იქნება ეს პირად ცხოვრებაში, შემოქმედებით თუ ყოველდღიურ საქმეებში. იმუშავეთ ტექნოლოგიებთან ან ინოვაციურ იდეებთან, განსაკუთრებით თუ ისინი ეხება სილამაზეს, ხელოვნებას ან ფინანსებს.
20 დეკემბრიდან თვის ბოლომდე სატურნი რეტროგრადულ იუპიტერთან (ზუსტი ასპექტი გველოდება 24 დეკემბერს) დაძაბულ ასპექტშია, რაც აგვისტოში წარმოშობილ სირთულეებს შეგახსენებთ. აუცილებელია გრძელვადიან პროექტებზე ზრუნვა და მათი დასრულება, რათა არ გადაიტანოთ ძველი გადაუჭრელი პრობლემები ახალ წელს.
21 დეკემბერს მზე თხის რქის ნიშანში გადავა. ამავე დღეს გველოდება ზამთრის მზებუდობა.
26-27 დეკემბერს მერკური, სატურნი და რეტროგრადული იუპიტერი ერთმანეთთან დაძაბულ კონფიგურაციას ქმნიან. იზრდება საკუთარი თავის მოტყუების ან გარე მანიპულაციის მსხვერპლი გახდომის რისკი . შეიძლება იგრძნოთ დაღლილობა, დეზორიენტაცია. შინაგანი ეჭვები და საკუთარ მიზანთან დაკავშირებული კითხვები შესაძლოა უფრო მწვავე გახდეს.
28 დეკემბერი ვენერა დაძაბულობაშია რეტროგრადულ ურანთან - ემოციური დაუცველობა იზრდება. იზრდება მარტოობის, მედიტაციის ან საკუთარი თავის შემოქმედებითად გამოხატვის მოთხოვნილება. ერთი მხრივ, ასპექტი ადამიანს წარმოსახვის მდიდარ შინაგან სამყაროს უხსნის. ეს შესანიშნავი დროა მხატვრების, მუსიკოსებისა და მწერლებისთვის შთაგონების მოსაძებნად. თუმცა, მნიშვნელოვანია სიზმრებსა და რეალობას შორის ბალანსის დაცვა, რათა არ დაკარგოს კონტაქტი ცხოვრების ობიექტურ რეალობასთან.
31 დეკემბერს თხის რქის მეათე გრადუსზე ახალმთვარეობა გველოდება 00:27 საათზე. ადამიანები ყურადღებას გაამახვილებენ კარიერისა და თვითრეალიზაციის საკითხებზე. ამავე დღეს გირჩევთ, 2025 წლისთვის სამომავლო მიზნებისა და სურვილების ჩამოწერას .