12 თე­ბერ­ვალს სე­ლე­ნა, თეთ­რი მთვა­რე იც­ვლის ნი­შანს და მერ­წყულ­ში გა­და­ვა, სა­დაც შვიდ თვეს გა­ა­ტა­რებს (2022 წლის 12 სექ­ტემ­ბრამ­დე). სე­ლე­ნა არის ჩვე­ნი მფარ­ვე­ლი ან­გე­ლო­ზი, ჩვე­ნი დამ­ცვე­ლი და სა­ინ­ტე­რე­სოა, სად გვე­ლის დაც­ვა უმაღ­ლე­სი ძა­ლე­ბის­გან?..

თეთ­რი მთვა­რის ანუ სე­ლე­ნას, ჩვე­ნი სი­კე­თის სხი­ვის, პი­რად რუ­კა­ში მდე­ბა­რე­ო­ბით გა­ნი­სა­ზღვრე­ბა სად, რა სფე­რო­ში აქვს ადა­მი­ანს ყვე­ლა­ზე მეტი დაც­ვა. მერ­წყუ­ლი არის სო­ცი­უ­მის სფე­რო. კარგ შე­დე­გებს მო­გი­ტანთ გუნ­დუ­რი, კო­ლექ­ტი­უ­რი მუ­შა­ო­ბა, სხვა­დას­ხვა ინ­ტე­რე­სის, სფე­როს ჯგუ­ფებ­ში გა­წევ­რი­ა­ნე­ბა. გა­ნა­ხორ­ცი­ე­ლებთ ახალ სო­ცი­ა­ლურ პრო­ექ­ტებს. სწრა­ფად გა­მო­ნა­ხავთ თა­ნა­მო­აზ­რე­ებს, მო­მარ­თუ­ლი იქ­ნე­ბით ურ­თი­ერ­თდახ­მა­რე­ბა­ზე. გირ­ჩევთ, სა­დაც არ უნდა იყოთ, გუნდთან შე­თან­ხმე­ბით იმუ­შა­ოთ. გა­მო­ავ­ლი­ნოთ პა­სუ­ხის­მგებ­ლო­ბის გრძნო­ბა. დრო­უ­ლად შე­ას­რუ­ლოთ და და­ას­რუ­ლოთ პრო­ექ­ტე­ბი. ადა­მი­ა­ნებს მე­ტად მო­უნ­დე­ბათ სო­ცი­ა­ლურ ქსე­ლებ­ში აქ­ტი­უ­რო­ბა, შე­იძ­ლე­ბა შე­იქ­მნას ახა­ლი ინ­ტე­რე­სის ჯგუ­ფე­ბი; გახ­შირ­დე­ბა ონ­ლა­ი­ნაც­ნო­ბო­ბა და რო­მა­ნე­ბი. ადა­მი­ა­ნე­ბი მო­მარ­თუ­ლი იქ­ნე­ბი­ან ტო­ლე­რან­ტო­ბა­ზე; და­ა­ფა­სე­ბენ სხვა­თა აზრს. კარ­გი იქ­ნე­ბა, თუ და­ი­წყებთ სწავ­ლას გუნდთან ერ­თად, ონ­ლა­ინ ან რე­ა­ლუ­რად; და­ეს­წრე­ბით სე­მი­ნა­რებ­სა და ვე­ბი­ნა­რებს.

მერ­წყუ­ლის მფარ­ვე­ლი პლა­ნე­ტა, სა­დაც სე­ლე­ნა 7 თვით და­ი­დებს ბი­ნას, გახ­ლავთ ურა­ნი. ის არის ახ­ლის, გა­ნახ­ლე­ბის, ინ­ტერ­ნე­ტის სიმ­ბო­ლო. ამი­ტომ, კარ­გი იქ­ნე­ბა, თუ გა­ნა­ხორ­ცი­ე­ლებთ ინ­ტერ­ნეტპ­რო­ექ­ტებს; გან­სა­კუთ­რე­ბით, თუ რეკ­ლა­მის, პი­ა­რის სფე­რო­ში მოღ­ვა­წე­ობთ. და­ი­წყეთ ბლო­გე­ბის წერა ან უკვე არ­სე­ბუ­ლის გა­ნახ­ლე­ბა. მერ­წყუ­ლი არის სხვი­სი შვი­ლე­ბის სახ­ლი, ამი­ტომ, სხვის შვი­ლებ­ზე მზრუნ­ვე­ლო­ბა გახ­დე­ბა აქ­ტუ­ა­ლუ­რი. გა­მო­ნა­ხეთ მეტი დრო ბავ­შვე­ბის­თვის. კარ­გი პე­რი­ო­დია ბავ­შვე­ბის მო­ნათ­ვლის­თვი­საც და თუ უკვე გყავთ ნათ­ლუ­ლი, გმარ­თებთ მას­თან ურ­თი­ერ­თო­ბის გა­უმ­ჯო­ბე­სე­ბა, მას­ზე ზრუნ­ვა. გახ­შირ­დე­ბა ბავ­შვე­ბის შვი­ლად აყ­ვა­ნის შემ­თხვე­ვე­ბიც. ურა­ნი და­გეხ­მა­რე­ბათ დაძ­ლი­ოთ სირ­თუ­ლე­ე­ბი და სა­კუ­თა­რი თავი სი­ახ­ლე­ებ­ში მო­სინ­ჯოთ, ორი­გი­ნა­ლუ­რო­ბა გა­მო­ავ­ლი­ნოთ. მო­გინ­დე­ბათ ახალ­გაზ­რდებ­თან ურ­თი­ერ­თო­ბა, მათ­თან ერ­თად პროგ­რე­სუ­ლი და რე­ვო­ლუ­ცი­უ­რი ნა­ბი­ჯე­ბის გა­დად­გმა. ნუ მოგ­რი­დე­ბათ ექ­სცენ­ტრი­კუ­ლო­ბის, თქვე­ნი იმი­ჯი და ჩაც­მის სტი­ლი შე­იძ­ლე­ბა უფრო ახალ­გაზ­რუ­ლი, ორი­გი­ნა­ლუ­რი გახ­დეს.

თეთ­რი მთვა­რის ანუ სე­ლე­ნას მერ­წყულ­ში ყოფ­ნის დროს ხში­რად მი­მარ­თეთ დახ­მა­რე­ბის­თვის თქვენს მფარ­ველ ან­გე­ლოზს. სა­სურ­ვე­ლია, სურ­ვი­ლი გქონ­დეთ კე­თი­ლი, ეკო­ლო­გი­უ­რი. ამას­თან, დახ­მა­რე­ბის ხელი შე­იძ­ლე­ბა სრუ­ლი­ად მო­უ­ლოდ­ნე­ლად და სრუ­ლი­ად უცხო ადა­მი­ა­ნებ­მა გა­მო­გი­წო­დონ. შე­იძ­ლე­ბა გარ­შე­მო მყო­ფებ­მა მოგ­ცენ რჩე­ვა, რაც კარ­დი­ნა­ლუ­რად, უკე­თე­სო­ბის­კენ შეც­ვლის თქვენს ცხოვ­რე­ბას. მერ­წყუ­ლის სახ­ლი მე­ო­რე ქორ­წი­ნე­ბის სიმ­ბო­ლოა და თუ ამ პე­რი­ოდ­ში გა­და­წყვეთ და­ქორ­წი­ნე­ბას, იცო­დეთ, რომ მფარ­ვე­ლი ან­გე­ლო­ზი და­გეხ­მა­რე­ბათ იღ­ბლი­ა­ნი ოჯა­ხის შექ­მნა­სა და მის შე­ნარ­ჩუ­ნე­ბა­ში. მარ­ტო­ხე­ლე­ბი გა­იც­ნო­ბენ ვირ­ტუ­ა­ლურ სამ­ყა­რო­ში ან მე­გობ­რე­ბის დახ­მა­რე­ბით ადა­მი­ანს, ვინც მფარ­ვე­ლი ან­გე­ლო­ზი­ვით იქ­ნე­ბა თქვენ­თვის.

ასევე დაგაინტერესებთ

17:04 / 07-02-2022

ვენერა-მარსის კარმული შეერთება: საბედისწერო შეხვედრები და სასიყვარულო პროგნოზი თორმეტივე ნიშნისთვის

რას მო­გი­ტანთ სე­ლე­ნას მერ­წყულ­ში გა­დას­ვლა თქვე­ნი ზო­დი­ა­ქოს ნიშ­ნის მი­ხედ­ვით:

ვერ­ძი

არ გირ­ჩევთ და­მო­უ­კი­დებ­ლად მოქ­მე­დე­ბას, უკე­თეს შე­დეგს მი­ი­ღებთ, თუ თა­ნა­მო­აზ­რე­ებ­თან ერ­თად გა­წევ­რი­ან­დე­ბით. იყა­ვით მო­მარ­თუ­ლი გუნ­დურ მუ­შა­ო­ბა­ზე. შე­იძ­ლე­ბა თქვენს ცხოვ­რე­ბა­ში გა­მოჩ­ნდნენ ახა­ლი ადა­მი­ა­ნე­ბი, რომ­ლე­ბიც და­გეხ­მა­რე­ბი­ან გან­ვი­თა­რე­ბა­ში, წინსვლა­ში. კარ­გი იქ­ნე­ბა, თუ იზ­რუ­ნებთ სხვის შვი­ლებ­ზე, ნათ­ლუ­ლებ­ზე. ზო­გი­ერ­თი შე­იძ­ლე­ბა ჩა­ე­წე­როთ სას­წავ­ლო ონ­ლა­ინ­კურ­სებ­ზე ან სპორ­ტულ გუნდში. გა­იც­ნობთ და და­უ­მე­გობ­რდე­ბით სა­ინ­ტე­რე­სო ადა­მი­ა­ნებს. მარ­ტო­ხე­ლებ­მა შე­იძ­ლე­ბა რო­მა­ნი გა­ა­ბათ მე­გო­ბარ­თან, ადა­მი­ან­თან, ვი­საც დიდი ხა­ნია იც­ნობთ. ზო­გი­ერ­თი მარ­ტი­ვად აით­ვი­სებთ ახალ კომ­პი­უ­ტე­რულ პროგ­რა­მას, რაც საქ­მე­ე­ბის გა­უმ­ჯო­ბე­სე­ბა­ში და­გეხ­მა­რე­ბათ ან გა­და­წყვეტთ ონ­ლა­ინ მუ­შა­ო­ბას.

კურო

სე­ლე­ნა და­გეხ­მა­რე­ბათ, კა­რი­ე­რა­ში მი­აღ­წი­ოთ წარ­მა­ტე­ბას, და­წი­ნა­ურ­დეთ. მი­ი­ღოთ ის თა­ნამ­დე­ბო­ბა, რო­მელ­ზეც ოც­ნე­ბობ­დით. მი­ი­ღებთ დიპ­ლომს, ლი­ცენ­ზი­ას, რაც აგი­მაღ­ლებთ ავ­ტო­რი­ტეტს გარ­შე­მო მყო­ფებ­ში და მე­ტად და­ფას­დე­ბით. შე­იძ­ლე­ბა შე­ი­ძი­ნოთ ძვი­რად ღი­რე­ბუ­ლი უძ­რა­ვი ქო­ნე­ბა ან პრეს­ტი­ჟულ უბან­ში გა­დახ­ვი­დეთ სა­ცხოვ­რებ­ლად. გავ­ლე­ნი­ა­ნი ადა­მი­ა­ნე­ბის ან ასა­კით უფ­რო­სე­ბის­გან მი­ი­ღებთ მფარ­ვე­ლო­ბას. მარ­ტი­ვად და თქვენ­თვის სა­სი­კე­თოდ მო­აგ­ვა­რებთ სა­კი­თხებს სხვა­დას­ხვა ინ­სტან­ცი­ა­ში. თუ მო­ინ­დო­მებთ და გა­და­წყვეტთ, კარ­გი იქ­ნე­ბა და­ქორ­წი­ნე­ბა.

ტყუ­პი

შე­იძ­ლე­ბა გა­და­წყვი­ტოთ სად გსურთ სწავ­ლის გაგ­რძე­ლე­ბა ან თა­ვად გახ­დეთ ლექ­ტო­რი, აიყ­ვა­ნოთ ჯგუ­ფი. ამ პე­რი­ოდ­ში შეხ­ვდე­ბით ადა­მი­ანს, რო­მე­ლიც უკე­თე­სო­ბის­კენ შე­გიც­ვლით ცხოვ­რე­ბას. მარ­ტი­ვად მი­ი­ღებთ სა­ზღვარ­გა­რეთ მოგ­ზა­უ­რო­ბის, მუ­შა­ო­ბის ან ცხოვ­რე­ბის უფ­ლე­ბას. ზო­გი­ერ­თმა შე­იძ­ლე­ბა სწავ­ლა გა­აგ­რძე­ლოთ უცხო­ეთ­ში ან გა­იც­ნოთ უცხო­ე­ლი, რო­მელ­თა­ნაც რო­მანს გა­ა­ბამთ. ზო­გი­ერ­თი მე­ო­რედ გა­და­წყვეტს და­ქორ­წი­ნე­ბას და ეს იქ­ნე­ბა იღ­ბლი­ა­ნი ქორ­წი­ნე­ბა. შე­იძ­ლე­ბა შე­გე­ძი­ნოთ შვი­ლიშ­ვი­ლი და ეს ბავ­შვი იქ­ნე­ბა თქვე­ნი ან­გე­ლო­ზი. წარ­მა­ტე­ბუ­ლი 7 თვე გე­ლით იუ­რი­დი­უ­ლი სა­კი­თხე­ბის მოგ­ვა­რე­ბი­სას. მთა­ვა­რია, თა­ვად იყოთ სა­მარ­თლი­ა­ნი.

კირჩხი­ბი

და­ცუ­ლი იქ­ნე­ბით ყვე­ლა უსი­ა­მოვ­ნო მო­მენ­ტში. სე­ლე­ნა და­გეხ­მა­რე­ბათ აღორ­ძი­ნე­ბა­ში, სირ­თუ­ლე­ე­ბის­გან გა­თა­ვი­სუფ­ლე­ბა­ში. მიხ­ვდე­ბით, რომ კრი­ზი­სე­ბის გა­და­ლახ­ვით გა­ი­ზარ­დეთ, გა­უმ­ჯო­ბეს­დით, გაძ­ლი­ერ­დით. დაძ­ლევთ ში­შებს, ფო­ბი­ებს. ნუ შე­გე­შინ­დე­ბათ, მფარ­ვე­ლი ან­გე­ლო­ზი თქვენ გვერ­დი­თაა და და­გი­ცავთ. ამ პე­რი­ოდ­ში მარ­ტი­ვად შეძ­ლებთ ვა­ლე­ბის გა­დახ­დას, ფი­ნან­სუ­რი ვალ­დე­ბუ­ლე­ბე­ბის­გან გა­თა­ვი­სუფ­ლდე­ბით.

ლომი

გა­უმ­ჯო­ბეს­დე­ბა პარტნი­ო­რუ­ლი ურ­თი­ერ­თო­ბე­ბი არ­სე­ბულ პარტნი­ო­რებ­თან (სა­სიყ­ვა­რუ­ლო და საქ­მი­ან). გა­ი­ჩენთ ახალ, ერ­თგულ პარტნი­ო­რებს. იყა­ვით ყუ­რა­დღე­ბით ახალ­გაც­ნო­ბი­ლებ­თან. მო­ი­მა­ტებს მხარ­და­ჭე­რა გარ­შე­მო მყო­ფე­ბის­გან. მარ­ტო­ხე­ლებს გაქვთ შან­სი, რომ გა­იც­ნოთ ადა­მი­ა­ნი, რო­მელ­საც ბედს და­უ­კავ­ში­რებთ. თუ თქვე­ნი საქ­მი­ა­ნო­ბა და­კავ­ში­რე­ბუ­ლია მომ­სა­ხუ­რე­ბის სფე­როს­თან ან გა­ყიდ­ვებ­თან გა­ი­ჩენთ ახალ კლი­ენ­ტებს, რომ­ლე­ბიც მად­ლი­ე­რე­ბი იქ­ნე­ბი­ან თქვე­ნით და ახალ-ახალ კლი­ენ­ტებ­საც მო­გიყ­ვა­ნენ. იყა­ვით სა­მარ­თლი­ა­ნი პარტნი­ო­რებ­თან. შე­იძ­ლე­ბა მე­ო­რე შვი­ლის მშო­ბე­ლი გახ­დეთ ან გა­ი­გოთ, რომ მალე გახ­დე­ბით.

ქალ­წუ­ლი

სე­ლე­ნა და­გეხ­მა­რე­ბათ, წეს­რი­გი და­ა­მა­ყა­როთ თქვენს ცხოვ­რე­ბა­ში, ყვე­ლა იმ სფე­რო­ში, რო­მე­ლიც თქვენ­თა­ნაა და­კავ­ში­რე­ბუ­ლი (სახ­ლი, სამ­სა­ხუ­რი). შე­იძ­ლე­ბა ახა­ლი ში­ნა­უ­რი ცხო­ვე­ლის მფლო­ბე­ლი გახ­დეთ. ის დიდ სი­ხა­რულ­სა და ბედ­ნი­ე­რე­ბას მო­გი­ტანთ. თუ მა­ძი­ე­ბე­ლი ხართ, იშო­ვით სათ­ქვე­ნო სამ­სა­ხურს. არ­სე­ბულ სამ­სა­ხურ­ში შე­იძ­ლე­ბა გა­ი­უმ­ჯო­ბე­სოთ პო­ზი­ცია, მდგო­მა­რე­ო­ბა. ახალ და არ­სე­ბულ კო­ლე­გებს მარ­ტი­ვად და­უ­მე­გობ­რდე­ბით. თუ მკურ­ნა­ლო­ბის კურ­სის და­წყე­ბას აპი­რებ­დით, და­ი­წყეთ, გა­მო­ჯან­მრთელ­დე­ბით. თუ გა­და­წყვეტთ, დამ­ხმა­რე აიყ­ვა­ნოთ, ოჯახ­ში ან სამ­სა­ხურ­ში, პა­ტი­ო­სან ადა­მი­ანს მი­ი­ზი­დავთ.

სას­წო­რი

და­ცუ­ლი იქ­ნე­ბით შე­მოქ­მე­დე­ბის, სიყ­ვა­რუ­ლი­სა და შვი­ლი­ე­რე­ბის თე­მა­ში. სე­ლე­ნამ შე­იძ­ლე­ბა მო­გიყ­ვა­ნით ახა­ლი ადა­მი­ა­ნი, რო­მე­ლიც იქ­ნე­ბა თქვე­ნი მფარ­ვე­ლი ან­გე­ლო­ზი, რო­მელ­საც მთე­ლი გუ­ლით შე­იყ­ვა­რებთ. ნუ მო­გე­რი­დე­ბათ სა­კუ­თა­რი თა­ვის გა­მოვ­ლე­ნის, გა­ნა­ხორ­ცი­ე­ლეთ ახა­ლი პრო­ექ­ტე­ბი. და­გე­ბა­დე­ბათ ახა­ლი იდე­ე­ბი და შეძ­ლებთ მათ გან­ხორ­ცი­ე­ლე­ბას. შე­იძ­ლე­ბა გა­ი­ჩი­ნოთ ახა­ლი ჰობი და სრუ­ლად გა­მო­ავ­ლი­ნოთ თქვე­ნი ნიჭი. შვი­ლე­ბი გა­გა­ხა­რე­ბენ თა­ვი­ან­თი წარ­მა­ტე­ბით. ქალ­ბა­ტო­ნე­ბი, ვი­საც გსურთ, მარ­ტი­ვად და­ფეხ­მძიმ­დეთ ან ამ პე­რი­ოდ­ში გახ­დე­ბით მშო­ბე­ლი.

მო­რი­ე­ლი

სე­ლე­ნა და­გეხ­მა­რე­ბათ მშვი­დად და მარ­ტი­ვად მო­აგ­ვა­როთ ოჯახ­თან, უძ­რავ ქო­ნე­ბას­თან და­კავ­ში­რე­ბუ­ლი სა­კი­თხე­ბი. შე­იძ­ლე­ბა ახა­ლი ბი­ნის მფლო­ბე­ლი გახ­დეთ. ან არ­სე­ბულ­ში შე­ი­ტა­ნოთ ცვლი­ლე­ბე­ბი, გა­ა­უმ­ჯო­ბე­სოთ. შე­იძ­ლე­ბა უძ­რა­ვი ქო­ნე­ბა მემ­კვიდ­რე­ო­ბით მი­ი­ღოთ. ოჯა­ხის წევ­რე­ბი ყვე­ლა ახალ წა­მო­წყე­ბა­ში და­გეხ­მა­რე­ბი­ან და ხან­და­ხან მფარ­ვე­ლი ან­გე­ლო­ზე­ბი­ვით იქ­ნე­ბი­ან თქვენ­თვის. იყა­ვით მზრუნ­ვე­ლი და მო­სიყ­ვა­რუ­ლე ოჯა­ხის წევ­რე­ბის, მშობ­ლე­ბი­სა და წი­ნაპ­რე­ბის მი­მართ. კარ­გი იქ­ნე­ბა, თუ მო­ი­ნა­ხუ­ლებთ გარ­დაც­ვლი­ლი წი­ნაპ­რე­ბის საფ­ლა­ვებს, ილო­ცებთ მათი სუ­ლე­ბის­თვის. მომ­დევ­ნო 7 თვის გან­მავ­ლო­ბა­ში შან­სი გეძ­ლე­ვათ, რომ შექ­მნათ თქვე­ნი ოჯა­ხი, ყო­ველ შემ­თხვე­ვა­ში ოჯახ­ში მა­ტე­ბა გე­ლით.

მშვილ­დო­სა­ნი

სა­ჭი­რო ადა­მი­ა­ნებს და ინ­ფორ­მა­ცი­ას უპ­რობ­ლე­მოდ მი­აგ­ნებთ. ხან­და­ხან, როცა მო­გეჩ­ვე­ნე­ბათ, რომ სწო­რი გზი­დან გა­და­უხ­ვი­ეთ, მო­უ­ლოდ­ნე­ლად გა­მოჩ­ნდე­ბა ადა­მი­ა­ნი, რო­მე­ლიც გა­და­გარ­ჩენთ. მფარ­ველ ან­გე­ლო­ზე­ბად შე­იძ­ლე­ბა მო­გევ­ლი­ნონ თქვე­ნი და-ძმე­ბი. კარგ შე­დეგს მო­გი­ტანთ სწავ­ლა, სხვა­დას­ხვა კურ­სებ­ზე დას­წრე­ბა, ვაჭ­რო­ბა, გა­ა­უმ­ჯო­ბე­სეთ კონ­ტაქ­ტე­ბი სა­ჭი­რო ადა­მი­ა­ნებ­თან. თუ გსურთ, ახა­ლი პრო­ექ­ტის ან მცი­რე ბიზ­ნე­სის და­წყე­ბა, ხელი მო­გე­მარ­თე­ბათ. კარ­გი იქ­ნე­ბა არ­სე­ბუ­ლის გა­უმ­ჯო­ბე­სე­ბაც. ხში­რად და­გე­ბა­დე­ბათ ახა­ლი იდე­ე­ბი და ჩა­ი­ნიშ­ნეთ, ყვე­ლას ერ­თად ვერ გა­ნა­ხორ­ცი­ე­ლებთ.

თხის რქას

ელე­ნა და­გეხ­მა­რე­ბათ, გა­ი­უმ­ჯო­ბე­სოთ მა­ტე­რი­ა­ლუ­რი მდგო­მა­რე­ო­ბა. აი­მაღ­ლოთ თვით­შე­ფა­სე­ბა. შე­იძ­ლე­ბა გა­მო­გიჩ­ნდეთ ახა­ლი სამ­სა­ხუ­რი ან შე­მო­სავ­ლის და­მა­ტე­ბი­თი წყა­რო. იყა­ვით მო­მარ­თუ­ლი ისე­თი იდე­ე­ბის გან­ხორ­ცი­ე­ლე­ბა­ზე, რაც მა­ტე­რი­ა­ლურ კე­თილ­დღე­ო­ბას მო­გი­ტანთ. და­ა­ბან­დეთ ფული ბიზ­ნესპრო­ექ­ტებ­ში, რაც გა­გი­ათ­მა­გებთ შე­მო­სა­ვალს. და­ცუ­ლი იქ­ნე­ბით ფი­ნან­სურ დო­კუ­მენ­ტებ­თან მუ­შა­ო­ბი­სას, გა­და­რი­ცხვე­ბი­სას. მა­ტე­რი­ა­ლუ­რი დახ­მა­რე­ბა შე­იძ­ლე­ბა მი­ი­ღოთ კომ­პა­ნი­ის­გან, მშობ­ლე­ბის­გან, სა­ხელ­მწი­ფოს­გან.

მერ­წყუ­ლი

სე­ლე­ნა თქვენს ნი­შან­ში გად­მო­დის და ყვე­ლა სი­ახ­ლის გან­ხორ­ცი­ე­ლე­ბა­ში და­გეხ­მა­რე­ბათ. თქვენ შეძ­ლებთ ყვე­ლა კე­თი­ლი საქ­მის და­წყე­ბას, ყვე­ლა იდე­ის გან­ხორ­ცი­ე­ლე­ბას. თქვე­ნი მი­ზა­ნია, იბრწყი­ნოთ სა­კუ­თარ თა­ვის­თვი­საც და გარ­შე­მო მყო­ფე­ბის­თვი­საც. გახ­დე­ბით მე­ტად სა­ჭი­რო ადა­მი­ა­ნე­ბის­თვის: თქვე­ნი სი­ტყვით, რჩე­ვით, ინ­ფორ­მა­ცი­ით. შე­გიძ­ლი­ათ და­დე­ბი­თი გავ­ლე­ნა მო­ახ­დი­ნოთ სხვე­ბის ცხოვ­რე­ბა­ზე. მფარ­ვე­ლი ან­გე­ლო­ზის­გან, სამ­ყა­როს­გან მი­ი­ღებთ დახ­მა­რე­ბას ადრე შეს­რუ­ლე­ბუ­ლი სი­კე­თე­ე­ბის­გან ან იმ ადა­მი­ა­ნე­ბის­გან, ვი­საც ადრე ხელი მო­უ­მარ­თეთ. და­გე­ბა­დე­ბათ ახა­ლი იდე­ე­ბი, თუ რო­გორ გა­აგ­რძე­ლოთ მო­მა­ვალ­ში ცხოვ­რე­ბა, შე­იძ­ლე­ბა შე­იც­ვა­ლოთ სამ­სა­ხუ­რი, და­ი­წყოთ რამე ახ­ლის შეს­წავ­ლა ან გა­გიჩ­ნდეთ ახა­ლი ჰობი. მფარ­ვე­ლი ან­გე­ლო­ზი გპირ­დე­ბათ, რომ ყვე­ლა­ფე­რი სა­უ­კე­თე­სოდ გა­მო­გი­ვათ.

თევ­ზე­ბი

სე­ლე­ნა და­გეხ­მა­რე­ბათ, მო­ი­ცი­ლოთ წარ­სუ­ლი ცოდ­ვე­ბი, გა­მო­ას­წო­როთ წარ­სულ­ში ჩა­დე­ნი­ლი და­ნა­შა­უ­ლი; მო­ი­ცი­ლოთ ტვირ­თი, რაც გიმ­ძი­მებთ ცხოვ­რე­ბას. თუ ხვდე­ბით, რომ რა­ღაც გა­წუ­ხებთ, ილო­ცეთ, რომ სამ­ყა­რომ შე­გიმ­სუ­ბუ­ქოთ მდგო­მა­რე­ო­ბა. თუ ავად­მყო­ფობ­დით, ახლა გა­მო­ჯან­მრთელ­დე­ბით. მთა­ვა­რია, გწამ­დეთ სა­კუ­თარ თა­ვის, ძა­ლე­ბის. თუ ეხ­მა­რე­ბით გა­ჭირ­ვე­ბა­ში მყო­ფებს, სამ­ყა­როს­გან გა­სამ­რჯე­ლოს მი­ი­ღებთ. კარგ შე­დეგს მო­გი­ტანთ ეზო­ტე­რი­კულ მეც­ნი­ე­რე­ბა­ში გარ­კვე­ვა, პრაქ­ტი­კე­ბის შეს­რუ­ლე­ბა. იყა­ვით მო­მარ­თუ­ლი შე­მოქ­მე­დე­ბი­თი იდე­ე­ბის გან­ხორ­ცი­ე­ლე­ბა­ზე. სე­ლე­ნა და­გეხ­მა­რე­ბათ გა­თა­ვი­სუფ­ლდეთ მავ­ნე ჩვე­ვე­ბის­გან, და­მო­კი­დე­ბუ­ლე­ბე­ბის­გან. ჩა­ი­ტა­რეთ წმენ­დი­თი პრო­ცე­დუ­რე­ბი, რო­გორც ში­ნა­გა­ნი, ისე გა­რე­გა­ნი. ნუ გა­გიკ­ვირ­დე­ბათ, თუ გა­გიძ­ლი­ერ­დე­ბათ ინ­ტუ­ი­ცია, და­აკ­ვირ­დით შეგ­რძნე­ბებს, წი­ნათ­გრძნო­ბებს, სიზ­მრებს.