პირველ დეკემბერს დაბადებული ადამიანები უზომოდ პირდაპირები და მამაცები არიან
დეკემბერი, მეათე თვეა რომაული კალენდრის მიხედვით (ლათინურად decem — ათი), გრეგორიანული კალენდრით კი მეთორმეტე თვედ ითვლება. მისით სრულდება წელიწადი. იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლოგიურად ეს თვე ორ, რადიკალურად განსხვავებულ ზოდიაქოს ნიშანს — თავქარიან, ოპტიმისტ, მაწანწალა მშვილდოსანს და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისებად, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.
როგორია პირველ დეკემბერს დაბადებული ადამიანი
პირველ დეკემბერს დაბადებული ადამიანები, უზომოდ პირდაპირები და მამაცები არიან. მათთვის დამახასიათებელია გარკვეული სიხისტე საქციელში და საუბრის დაუკვირვებელი მანერა, რასაც ეს ხალხი იუმორის დიდი დოზით ხშირად ანეიტრალებს და ნიღბავს კიდეც. თუმცა, ზოგჯერ ისეც ხდება, რომ მათ მიერ ნასროლი “ბასრი გამონათქვამები“ ბუმერანგივით უბრუნდებათ უკან ადრესატებს.