3
მაისიდღის ზოგადი ასტროლოგიური პროგნოზი
დაბადების დრო თქვენს ბედისწერას განსაზღვრავს, თუ იცით დღის რა მონაკვეთში, ანუ რომელ საათზე დაიბადეთ, შეგეძლებათ გაიგოთ რით დაგაჯილდოვათ სამყარომ.
პირველი პერიოდი
00:00-04:00 საათი - ამ დროისათვის დაბადებული ადამიანი ცოდნისა და სიბრძნის წყაროა.
00:00-02:00 საათი - დაბადებული ადამიანები კარგი ორგანიზატორები არიან, მათი ანალიტიკური უნარები დიდების სიმაღლეზეა. უცხო საზოგადოებაში თავს ისე გრძნობენ, როგორც თევზი წყალში, მოსწონთ ურთიერთობები. მათი მფარველია მერკური.
02:00-04:00 საათი - დაბადებულ ადამიანებს უყვართ მუშაობა, მყუდრო, სახლის გარემო, გამორჩეულად ჩაცმა, ხელოვნება და მუსიკა. ერთგულები არიან, მათთვის ლოიალურობა ცარიელი ფრაზა არაა. ფულს არ ფლანგავენ. მფარველობთ ვენერა.
მეორე პერიოდი
04:00-08:00 საათი - ამ დროისთვის დაბადებული ადამიანები ძალიან დაჟინებულნი და ამბიციურნი არიან მიზნის მისაღწევად.
04:00-06:00 საათი - შეიძლება იყვნენ ცოტა აგრესიულები, რადგან მათ მარსი მფარველობთ. საკმაო წარმატებას აღწევენ კარიერაში და მათთან ყოფნა ნამდვილად არ მოგწყინდებათ. მათ სჭირდებათ მხოლოდ ძლიერი და სურვილით აღსავსე პარტნიორი.
06:00-08:00 საათი - ამ დროს იბადება ღრმად მოაზროვნე, მდიდარი შიდა სამყაროს მქონე ადამიანი. მას ადვილად შეუძლია სხვისი გრძნობების გაგება. მფარველობს ნეპტუნი.
მესამე პერიოდი
08:00-12:00 საათი - ამ დროს დაბადებული ხალხი, საკმაოდ ამბიციურია, ყველა შანსი ეძლევათ ცხოვრებაში წარმატების მისაღწევად, რაშიც ამოუწურავი ოპტიმიზმი და ენერგია ეხმარებათ.
08:00-10:00 საათი - მათ ბევრი მეგობარი ჰყავთ, რადგან თავადაც მეგობრულები და კომუნიკაბელურები არიან. სამეგობროში იკავებენ არაფორმალურ ლიდერის ადგილს, რადგან უყვართ სიმართლის დაცვა და არ ეგუებიან ტყუილს. მათი მფარველია ურანი.
10:00-12:00 საათი - ამ დროს დაბადებულები უზარმაზარი ავტორიტეტით სარგებლობენ საზოგადოებაში. აქვთ წარმატება კარიერაშიც. სიყვარულსა და პირად ცხოვრებაში არ უმართლებთ, რადგან დროის უმეტესი ნაწილს მხოლოდ კარიერაზე ფიქრობენ. მათი მფარველია სატურნი.
მეოთხე პერიოდი
12:00-16:00 საათი - ეს ხალხი ძალიან საინტერესოა - დაიბადნენ, რათა გახდნენ მასწავლებლები, მათემატიკოსები, მწვრთნელები. ვერ წარმოუდგენიათ ცხოვრება სკანდალებისა და დრამების გარეშე.
12:00-14:00 საათი - ამ დროს დაბადებული ადამიანები შეიძლება ცუდი სტუდენტები იყვნენ, მაგრამ არიან კარგი მასწავლებლები. მათი მისიაა, გახდნენ პროფესორები ან მასწავლებლები. მათი ვნება და შემართებაა მოგზაურობა, ეძებენ ახალ გამოცდილებას. მფარველი პლანეტა იუპიტერი.
14:00-16:00 საათი - დაბადებულებს მოსწონთ სხვა ადამიანების დახმარება. აქვთ წარმოუდგენელი ქარიზმა, რითაც იზიდავენ სხვებს და ამიტომ ყველას სურს მათთან ურთიერთობა ან მეგობრობა. მმართველი პლანეტა პლუტონი.
მეხუთე პერიოდი
16:00-20:00 საათი - ამ დროს დაბადებული ადამიანები, არიან საკმაოდ აქტიურები. ცდილობენ შეიცნონ ახალი და უცხო, იცხოვრონ საინტერესო ცხოვრებით.
16:00-18:00 საათი - ბუნებით რომანტიკულები არიან. ან საბოლოოდ იმარჯვებენ, ან თავიდანვე მარცხდებიან. სრულყოფილად ერგებიან ცოლ-ქმრულ ცხოვრებას. მფარველი პლანეტაა ვენერა.
18:00-20:00 საათი - სამუშაო მათ ცხოვრებაში პირველ ადგილს იკავებს. ძალიან აშფოთებთ ჯანმრთელობის პრობლემები, ამიტომ გარკვეული პერიოდი დიეტობენ და ჭამენ მხოლოდ ჯანსაღ პროდუქტებს. მათ შორის ხშირად ნახავთ ყველაზე განათლებულ ადამიანებს ან ექიმებს. მფარველი პლანეტაა მერკური.
მეექვსე პერიოდი
20:00-00:00 საათი - ამ დროს, ფაქტობრივად ლიდერები იბადებიან, რომელთაც აქვთ ძლიერი ხასიათი. თავდაჯერებულობა მათი მთავარი უპირატესობაა და დარწმუნებულები არიან, რომ შეცდომებს არ უშვებენ.
20:00-22:00 საათი - მათი მფარველია მზე. სცენა არის ადგილი, სადაც მათი ყველა ნიჭი გამოიკვეთება. სავსენი არიან ვნებითა და სიყვარულით. მათ დაბადებიდან იციან, თუ როგორ უნდა იცხოვრონ. გრძნობენ და იქცევიან ძალიან პრაქტიკულად, თითქმის ისე, როგორც კინოვარსკვლავები.
22:00-00:00 საათი - მათ უყვართ სხვებზე ზრუნვა. ცხოვრებაში ყველაზე მნიშვნელოვნად მიაჩნიათ ოჯახი, სადაც უფროსად მხოლოდ საკუთარ თავს ხედავენ. ასევე ძალაუფლებით სარგებლობენ გარშემო მყოფებზე.
