მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საბავშვო ბაღი საპირფარეშოს გარეშე
09:32 / 25-03-2014
საბავშვო ბაღების პრობლემა გურჯაანის მუნიციპალიტეტის თითქმის ყველა სოფელში დგას. განსაკუთრებით მძიმე მდგომარეობაა კარდენახის ერთ-ერთ ბაღში, სადაც საპირფარეშოც კი არ არის. ჭერის ჩამონგრევის შედეგად კი ერთ-ერთი თანამშრომელი დაინვალიდდა.
სოფელ კარდენახში ორი საბავშვო ბაღია და ორივე მოუწესრიგებელი. როგორც პედაგოგი ხათუნა მირიანაშვილი ამბობს, სამუშაოდ ელემენტარული პირობებიც კი არ გააჩნიათ.
"ოჯახი არ არსებობს, რომ ბავშვები ბაღში არ დაჰყავდეს. შარშან ერთ-ერთ ბაღში ჭერი ჩამოინგრა, ამის გამო თანამშრომელმა ტრავმა მიიღო და დღესაც ინვალიდია. ჭერი იმდენად არის დაზიანებული, რომ წვიმის დროს ოთახში "ტაშტები" გვიდგას. არ არის ტუალეტი და ბავშვებს ძალიან მძიმე და ცუდ პირობებში უხდებათ ყოფნა. სოფლის კრებაზე პირველ პრობლემად ხალხმა განათება და წყალი დაასახელა, ეტყობა ისინი ბავშვების სიცოცხლეზე უფრო აუცილებელია. ყოველ წელიწადს, როდესაც სოფელზე ფული ირიცხება, სულ წყალზე იხარჯება, საბავშვო ბაღებისთვის კი არაფერი გაკეთებულა", - აღნიშნა მან.
სოფელ კარდენახის რწმუნებულის, ალექსანდრე ტურიაშვილის განცხადებით, მოსახლეობის მიერ დასახელებულ საკითხებს შორის პრიორიტეტებად ორივე საბავშვო ბაღის რეაბილიტაცია შეირჩა და სამუშაოებიც მოკლე დროში დაიწყება.
"ქვემოთ ფილიალი მართლა ცუდ მდგომარეობაშია, ჯერ კიდევ კომუნისტების დროს გადაიხურა და მნიშვნელოვნადაა დაზიანებული. მეორე ბაღი 2010 წელში შერემონტდა და იქაც რაღაცებია შესაკეთებელი."სოფლის მხარდაჭერის პროგრამის" ფარგლებში ორივე ბაღის რემონტი ჩაჯდა. კარდენახისთვის 84 ათასია გამოყოფილი. რა თქმა უნდა, ეს ნებისმიერ სამუშაოს არ გასწვდება, მაგრამ რა პრიორიტეტებიც გადაწყდა, ამ თანხას მიზნობრივად გავხარჯავთ, ყველაფერზე შეძლებისდაგვარად გადავანაწილებთ", - ამბობს რწმუნებული.
ანალოგიური პრობლემას ასახელებენ სოფელ ჭანდრის ბაგა-ბაღშიც. როგორც ბაღის მენეჯერმა, მარიკა ბიღიაშვილმა აღნიშნა, ძირითადი პრობლემა მოუწესრიგებელი ინფრასტრუქტურაა.
"შენობაში არ გვაქვს ბუნებრივი აირი, წყლის რეზერვუარი, შესაცვლელია იატაკი, ჩასატარებელია კოსმეტიკური რემონტი. კრებაზე ეს საკითხი დავაყენე და მოსახლეობამაც მხარი დამიჭირა. ჩვენი ძალებით რაღაცები გავაკეთეთ, მაგრამ ეს არის წლობით დაგროვილი პრობლემა და ხელისუფლების დახმარება აუცილებელია," - განაცხადა მან.
სოფელ ჭანდრის რწმუნებულის, მარიამ თევდორაშვილის განმარტებით, წელს სოფლისთვის 38 ათასი ლარია გამოყოფილი.
"სოფელმა კრებაზე ერთხმად მიიღო გადაწვეტილება, რომ ბაღისთვის 5 ათასი ლარი გამოგვეყო, რითაც გარკვეული სამუშაოები ჩატარდება. მართალია, ძალიან მცირე თანხაა, მაგრამ რასაც გასწვდება, ყველაფერს აუცილებლად გავაკეთებთ."
რეაბილიტაციას საჭიროებს სოფელ ზემო კაჭრეთის საბავშვო ბაღიც. შესაკეთებელია შენობის სახურავი, ოთახები და სამზარეულო, მოსაწყობია სველი წერტილები. გურჯაანის მუნიციპალიტეტის ხელმძღვანელობა სოფელ ზემო კაჭრეთის საბავშვო ბაღს ესტუმრა და იქ არსებულ პრობლემებს ადგილზე გაეცნო. აღსანიშნავია, რომ "სოფლის მხარდაჭერის პროგრამის" ფარგლებში გამართულ საერთო კრებაზე მოსახლეობამ ძირითად პრიორიტეტად სწორედ საბავშვო ბაღის რეაბილიტაცია დაასახელა.
გამგეობის არქიტექტურის, ეკონომიკისა და ინფრასტრუქტურის განვითარების სამსახურის უფროსის ირაკლი მინდიაშვილის თქმით, საბავშვო ბაღები გურჯაანის მუნიციპალიტეტის ბალანსზეა. თითოეული სოფლიდან ოქმის წარმოდგენისათანავე მოხდება ტექნიკური დოკუმენტაციის წარდგენა მთავრობის სხდომაზე გასატანად, ხოლო დამტკიცებისთანავე სარეაბილიტაციო სამუშაოები დაიწყება.
წყარო: speqtri.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
