ქუთაისში გაზის აფეთქების შედეგად 84 წლის მოხუცი დაშავდა

ქუთაისში, კოსტავას ქ. #62-ში გაზის აფეთქების შედეგად სახლის ნაწილი ჩამოინგრა. როგორც "ინტერპრესნიუსის" კორესპონდენტი შემთხვევის ადგილიდან იტყობინება , ინციდენტის შედეგად დაშავდა 84 წლის მოხუცი, რომელიც მიღებული დამწვრობით სამხარეო კლინიკურ საავადმყოფოში გადაიყვანეს.

ადგილზე საგანგებო და საპატრულო სამსახურის თანამშრომლები არიან მობილიზებული. სახლი ქუთაისში მცხოვრებ ბობოხიძის ოჯახს ეკუთვნის.

"ინტერპრესნიუსი"