ელტონ ჯონი ბიბლიურ მულტფილმს გადაიღებს

ელტონ ჯონის კინოკომპანია Rocket Pictures-მა, ენდიუ ლოიდ ვებერისა და ტიმ რაისის მიუზიკლის  ეკრანიზაციაზე უფლება მოიპოვა. მიუზიკლი "იოსები და მისი გასაოცარი მრავალფერი სიზმრების ლაბადა" (Joseph and the Amazing Technicolor Dreamcoat) ვებერმა და ტიმ რაისმა 1970-იანი წლებში დაწერეს. ელტონ ჯონი მუზიკლის მიხედვით მულტიპლიკაციურ ფილმს გადაიღებს.  სურათის პროდუსირებისას ელტონ ჯონი მუზიკლის ავტორებთან ერთად იმუშავებს.

მუზიკლი, რომლის ეკრანიზაციაც იგეგმება, წარმოადგენს ძველი აღთქმის ისტორიას იაკობისა და რახელის შვილზე - იოსებზე. ძველი აღთქმის მიხედვით, იოსები მშობლებს გამორჩეულად უყვარდათ, რის გამოც ის ძმებმა შეიძულეს და ჯერ მოკვლა დაუპირეს, ხოლო შემდეგ მონად გაყიდეს. თუმცა იოსები გადარჩება და მალე ეგვიპტის ფარაონთან დაახლოებული პირი ხდება.

აღნიშნული მუზიკლი - ენდრიუ ლოიდ ვებერისა და ტიმ რაისის პირველი ერთობლივი სასცენო დადგმაა. მოგვიანებით, მათ როკ-ოპერა "იესო ქრისტე სუპერვარსკვლავი" შექმნეს.