მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ია ფარულავა - "ჩემი ტარიელი გაგიჟდა და კინაღამ ააყირავა მაგიდები"
23:12 / 30-01-2014
ჩვენი რესპონდენტი მსახიობი და ტელეწამყვანი ია ფარულავაა. მისი თქმით, ხალხის ყველაზე დიდი სიყვარული პროექტმა "ნიჭიერმა" მოუტანა:
- 1989 წლიდან ტელევიზიაში ვმუშაობ, მქონდა გადაცემა "პუნქტუმ, კონტრა პუნქტუმ", მერე იყო "ჩემი მშვენიერი ლედი", სერიალები, "დღის შოუ", "ყოფილი ცოლების კლუბი" და ჟიური "ფლეშ მობში", "ცეკვავენ ვარსკვლავებში" და ა.შ. მაგრამ ხალხის ყველაზე დიდი სიყვარული "ნიჭიერმა" მომიტანა. არ ვიცი, რა მოხდა.
- ალბათ, ამას იმანაც შეუწყო ხელი, რომ "ნიჭიერის" სცენიდან გათხოვდით...
- ძალიან ბევრს დადგმული ეგონა ჩემი გაბედნიერება. ფიქრობდნენ, როგორც კი დამთავრდებოდა "ნიჭიერი", ჩვენი ქორწინებაც დასრულდებოდა, რაზეც ძალიან მეცინება. ტარიელის გამოსვლა სცენაზე ვიზაჟისტ ოლგა სპირინას დამსახურებაა. მას ვუთხარი, დღეს ტარიელი აპირებს, ცოლობა მთხოვოს-მეთქი. აი, რას ნიშნავს, როცა ძლიერი გუნდის წევრი ხარ, ოლგამ იქვე "მოტვინა", რომ მოეძებნათ ტარიელი, მოელაპარაკა პროდიუსერებს და 5 საათში დაიგეგმა ეს ყველაფერი. ვიცოდი, რომ ხელის თხოვნას აპირებდა, მაგრამ ვერ წარმოვიდგენდი, თუ ეს სცენაზე მოხდებოდა. როცა გადაცემას დავასრულებდი, ის ცოლობას შემომთავაზებდა, თუ უარს მიიღებდა, ჩემს მოტაცებას და ქარელში წაყვანას აპირებდა.
- ე.ი. მოტაცებას გადარჩი?
- ტარიელმა რამე თუ მოინდომა, უკან არ დაიხევს. მეც მომწონდა ტარიელი, მაგრამ მაინც ვერიდები ხოლმე ნაჩქარევ გადაწყვეტილებებს, ჯერ უნდა გავიცნო ადამიანი და ა.შ. ტარიელმა კი დააჩქარა ეს ყველაფერი. ახლა ვეცნობით ერთმანეთს.
- კონფლიქტი არასდროს მოგსვლიათ?
- თქვენ წარმოიდგინეთ, არა. ძალიან ვუყვარვარ, თანაც დამყოლი ადამიანია. სადაც დავდივარ, ტარიელი ხათრით ყველგან მომყვება, რადგანაც ვეუბნები, რომ მარტო არ მინდა წასვლა. ორჯერ გვქონდა მწვავე მდგომარეობა: ერთხელ "სვეცკი" სუფრიდან გამექცა ჩემი მატრაკვეცობის გამო. მეორე შემთხვევაც რესტორანში მოხდა, გორთან ახლოს ვიყავით ერთ-ერთ რესტორანში, სადაც მომღერლის მიერ შესრულებული სიმღერა მოგვეწონა და ვთხოვეთ, წასვლის წინ ერთხელაც ემღერა, მან კი რუსული სიმღერა შეასრულა. ამაზე ჩემი ტარიელი გაგიჟდა, კინაღამ ააყირავა მაგიდები - აქ რამდენიმე კილომეტრში რუსული ტანკები დგას, მავთულხლართები მოცოცავს, ოკუპანტები დგანან და ეს რუსულ სიმღერას როგორ მღერისო... ერთხელ ერთი რუსული რესტორნის გახსნაზე წავიყვანე და ძალიან შეწუხდა - აქვე, გმირთა მოედანზე, გმირების მემორიალია და აქ კიდევ ჩვენ რუსულ სიმღერებზე ვერთობითო. საოცრად პატრიოტია. გამიმართლა, ასეთი ბიჭი რომ შემხვდა და ტარიელსაც გაუმართლა ჩემნაირი ცოლი რომ შეხვდა (იცინის).
- რამდენიმე დღის წინ იყო თქვენი ქმრის დაბადების დღე, რა სიურპრიზი მოუწყვეთ?
- ტარიელი და დედამისი ერთ დღეს არიან დაბადებული. ამიტომ დედამისთან აღვნიშნეთ მოკრძალებულად. ქალაქიდან გასვლა მინდოდა, მაგრამ ბოლოს ასე გადავწყვიტეთ. 15 წელია, ტარიელი დედასთან ერთად არც ახალ წელს შეხვედრია და არც დაბადების დღე აღუნიშნავს, რადგან ის გერმანიაში ცხოვრობდა, დედამისი კი - საბერძნეთში.
- როგორც ვიცი, "რუსთავი 2-ზე" ახალი გადაცემა იწყება, რომლის წამყვანიც თქვენ იქნებით. როდიდან გავა გადაცემა ეთერში?
- იყო ამაზე ლაპარაკი, ეს უნდა იყოს გადაცემა ექიმებზე, ამერიკული შოუს ანალოგია, რომელიც ცოცხალი აუდიტორიის წინაშე მიჰყავს წამყვანს და ორ ექიმ მამაკაცს. ახალ პროექტთან დაკავშირებით ჯერ მოლაპარაკებები არ დაგვიწყია, ბევრ საინტერესო წინადადებას ვიღებ, რომელიც უფრო მომხიბლავს, იმას ავირჩევ. რაც შეეხება სამედიცინო პროექტს, ეს ძალიან კარგი გადაცემაა, რადგან ჩემი მხრიდან დიდ სამუშაოს არ მოითხოვს. როგორც გინდათ, ისე გამიგეთ, მაგრამ საკუთარი გადაცემის გაკეთება არ მინდა. რეიტინგებზე, სტუმრებსა და თემებზე ნერვიულობის ნერვები არ მაქვს. ისეთი სამსახური მინდა, ნაკლები მუშაობა რომ დამჭირდება (იცინის).
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
