მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ადამიანი, რომელსაც მთელი საქართველო გვერდზე დაუდგა - როგორ გრძნობს თავს გიორგი ყორღანაშვილი
23:07 / 14-01-2014
გასული წელი, ყველა სხვა მნიშვნელოვან მოვლენასთან ერთად, იმითაც გამოირჩეოდა, რომ ქართველმა საზოგადოებამ ერთ საკითხზე მაინც შეძლო კონსოლიდირება და ერთიანი აზრის ჩამოყალიბება. მას შემდეგ, რაც მსახიობთა ჯგუფმა დაიწყო ინფორმაციის გავრცელება, რომ მათ ახალგაზრდა, 25 წლის კოლეგას, გიორგი ყორღანაშვილს, დახმარება სჭირდებოდა და ძვლის ტვინის გადანერგვის ურთულესი პროცედურისთვის სასწრაფოდ უნდა შეგროვებულიყო 400 000 დოლარი, თითქმის მთელი საქართველო ჩაერთო ერთი ადამიანის გადასარჩენად დაწყებულ სახალხო მოძრაობაში. ყოველდღიურად ყველა მედიასაშუალების ეთერში მოისმენდით იმ აქციების შესახებ, რომლებიც ერთიმეორის მიყოლებით იმართებოდა გიორგისთვის დასახელებული თანხის შესაგროვებლად. მისმა სამეგობრომ, ცნობილ ადამიანებსა და უბრალო მოქალაქეებთან ერთად შეძლო და ერთი თვის განმავლობაში კოლოსალური თანხა მართლაც შეაგროვა.
ამ პროცესს შორიდან უყურებდა თავად ამ მღელვარების ობიექტი გიორგი ყორღანაშვილი, რომელიც სისუსტის გამო საქველმოქმედო საქმიანობაში ვერ ჩაერთვებოდა. ერთ დღეს, როდესაც მასთან მეგობრები შეიკრიბნენ და დაჰპირდნენ, რომ ყველაფრით დაეხმარებოდნენ, მასა და მისი ოჯახის წევრებს ერთი შეხედვით, შეუძლებლად მიაჩნდათ ის, რაც მოგვიანებით რეალობად იქცა.
გიორგის ჯანმრთელობის მდგომარეობით ძალიან ბევრი ადამიანი ინტერესდება და ჩვენს რედაქციაშიც ყოფილა არაერთი ზარი ამასთან დაკავშირებით. ძალიან გვახარებს ის ფაქტი, რომ საშუალება მოგვეცა, ვაცნობოთ ჩვენს მკითხველსა და მთელ საქართველოს, რომ გიორგის ისრაელში უკვე გაუკეთდა ერთი, მენჯ-ბარძაყის ოპერაცია, რის შედეგადაც უკვე ერთი თვეა, ყავარჯნით აღარ დადის და ნელ-ნელა საკუთარ საქმიანობასთან დაბრუნების შესაძლებლობაც გაუჩნდა, მსახიობა ხომ მისი ცხოვრების მთავარი და ყველაზე საყვარელი საქმეა. გიორგის ექიმები ელოდებიან ანალიზებს და, რასაკვირველია, ის მათი მუდმივი მეთვალყურეობის ქვეშაა, იმისთვის, რომ ძვლის ტვინის გადანერგვის ოპერაცია შესაბამის დროს ჩატარდეს. კიდევ ერთი სასიხარულო ინფორმაცია ის გახლავთ, რომ ახალგაზრდა მსახიობისთვის დონორი უკვე გამოძებნილია და ამ მხრივ არსებული პრობლემაც მოხსნილია.
გიორგი რედაქციაში გვესტუმრა, მართალია, მისთვის ეს პირველი ინტერვიუ იყო და ცოტა ნერვიულობდა, მაგრამ ყველაფერმა მშვენივრად ჩაიარა. გიორგი ძალიან სასიამოვნო და თავმდაბალი ადამიანი აღმოჩნდა და ჩვენი ჟურნალის ფურცლებიდან ყველას უხდის მადლობას, ვინც მისთვის ერთი თეთრი მაინც გაიღო...
- გიორგი, დაგისვამ შეკითხვას, რომელზე პასუხიც მთელ საქართველოს აინტერესებს. ამჟამად როგორ ხარ?
- შედარებით უკეთესად, ვიდრე მანამდე. ჯერ კიდევ მიმდინარეობს პროცესები. მომავლისთვის იგეგმება ჩემს მთავარ პრობლემასთან გამკლავება, ანუ ძვლის ტვინის გადანერგვა, ვინაიდან ჩემი დიაგნოზიც სწორედ ამ პრობლემას უკავშირდება. ჯერჯერობით ძვლის ტვინს არ მინერგავენ, რადგან სისხლის ანალიზი კარგ მდგომარეობაშია და არ სურთ, ზედმეტად და ხელოვნურად ჩაერიონ. როგორც ექიმები ამბობენ, პროცესი ბუნებრივად წავა უარესობისკენ და სწორედ მაშინ, შესაფერის დროს გაკეთდება გადანერგვაც.
იხილეთ სტატიის გაგრძელება
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
