მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზურაბ ჯაფარიძის მიმართვა პატრიარქს სუროგაციასთან დაკავშირებით
07:01 / 07-01-2014
საზოგადოების ერთ ნაწილში დიდი ვნებათაღელვა გამოიწვია პატრიარქის საშობაო ეპისტოლეს იმ ეპიზოდმა, რომელშიც პატრიარქი სუროგაციაზე საუბრობს. იხილეთ| პატრიარქი: შეიძლება ბედნიერი იყოს ოჯახი, სადაც სუროგატი დედის მიერ დაბადებული ბავშვი იზრდება?
პატრიარქის ეპისტოლეს ამ ფრაგმენტის საპასუხოდ, "ნაციონალური მოძრაობის" ერთ-ერთმა ლიდერმა, ზურაბ ჯაფარიძემ ვრცელი მიმართვა გაავრცელა, რომელსაც Ambebi.ge უცვლელად გთავაზობთ:"საქართველოს სამოციქულო ავტოკეფალური მართლმადიდებელი ეკლესიის კათოლიკოს პატრიარქს, მცხეთა–თბილისის მთავარეპისკოპოსს, ბიჭვინთისა და ცხუმ–აფხაზეთის მიტროპოლიტს, ილია II–ს
თქვენო უწმინდესობავ,
მოგმართავთ უდიდესი მოკრძალებით.
დღევანდელ საშობაო ეპისტოლეში თქვენ განაცხადეთ შემდეგი:
"შეიძლება ოჯახი იყოს ბედნიერი, სადაც სუროგატი დედის მიერ დაბადებული ბავშვი იზრდება? ეს პატარა ხომ თავიდანვე გაწირეს უსიყვარულობისათვის, მიუსაფრობისა და მარტოობისათვის. იგი კეთილდღეობაშიც რომ გაიზარდოს, მუცლადყოფნის პერიოდის ამ სიმძიმეს ვერაფერი შეცვლის და ეს, აუცილებლად, იჩენს თავს ზრდასრულ ასაკში. პრობლემატურნი იქნებიან ის ბავშვებიც, რომლებიც ხელოვნური განაყოფიერებით დაიბადნენ და მათი სიცოცხლე მრავალი ემბრიონის განადგურების შედეგად განვითარდა."
ჯანდაცვის მსოფლიო ორგანიზაციის მონაცემებით უშვილობა დედამიწის მოსახლეობის დაახლოებით 15%-ის პრობლემას წარმოადგენს. და მიუხედავად იმისა, რომ უშვილობის მიზეზების დადგენის თვალსაზრისით მეცნიერებამ მნიშვნელოვნად წინ წაიწია უკანასკნელ ათწლეულებში, უშვილობის შემთხვევების დაახლოებით 40%–ში მიზეზის დადგენა დღესაც ვერ ხერხდება. საქართველო ამ შემთხვევაში არ წარმოადგენს გამონაკლისს. პირიქით, გამომდინარე იქიდან რომ ჩვენი ქვეყნის ეკონომიკური განვითარების დონე და შესაბამისად, სამედიცინო დიაგნოსტიკისა და მკურნალობის შესაძლებლობები მნიშვნელოვნად ჩამორჩება დასავლეთის განვითარებულ ქვეყნებს, უშვილობის დიაგნოსტიკისა და მკურნალობის თვალსაზრისით უნდა ვივარაუდოთ, რომ საქართველოში გაცილებით მძიმე ვითარებაა.
ადამიანების აბსოლუტური უმრავლესობა ოცნებობს ჰყავდეს შვილი. და ხშირ შემთხვევაში ამის ერთადერთი, უკანასკნელი შანსი ხელოვნური განაყოფიერება ან სუროგატი დედის მომსახურების გამოყენებაა. ორივე ეს მეთოდი საკმაოდ ძვირადღირებულია. თუმცა, მიუხედავად იმისა, რომ ჩვენი მოქალაქეების უდიდესი ნაწილი გაჭირვებაში ცხოვრობს, შვილის ყოლის სურვილი იმდენად დიდია, რომ ისინი ხშირ შემთხვევაში მიდიან უკანასკნელი ქონების, იქნება ეს ბინა თუ მიწის ნაკვეთი, გაყიდვაზე.
ქალების უმეტესობა,რომელიც ხელოვნური განაყოფიერების ან სუროგატი დედის დახმარებით ხდება დედა, ამას ღვთის წყალობად მიიჩნევს. ამიტომ, ჩემი აზრით, ეკლესია ასეთ მშობლებსა და მათ შვილებს მეტ ყურადღებას უნდა უთმობდეს და არ უნდა რიყავდეს.
ქრისტიანული სწავლებით თითოეული ადამიანის ამ ქვეყნად მოვლინება ღვთის ნებაა. ყველა მათგანში ღმერთია, მიუხედავად იმისა როგორ მოხდა მათი ჩასახვა ან რომელი დედის მუცელში გაატარა ნაყოფმა ცხრა თვე. ის რომ თანამედროვე სამყაროში სამეცნიერო პროგრესმა შესაძლებელი გახადა უშვილობის პრობლემის მოგვარება, იგივე სწავლებით ასევე ღვთის ნებაა. ამიტომ, ჩემი, როგორც ამ ქვეყნის ერთი მოქალაქის თხოვნა იქნება – დაუბრუნეთ იმ ოჯახებს, რომლებშიც იზრდებიან ხელოვნური განაყოფიერების შედეგად ან სუროგატი დედის დახმარებით გაჩენილი შვილები, რწმენა რომ ეს ბავშვები ღვთის საჩუქარი არიან და არა ღვთის რისხვა, კარგი იქნება თუ მისცემთ მათ მონათვლის საშუალებას მშობლების სურვილის შემთხვევაში და არ გარიყავთ ეკლესიიდან.
გილოცავთ შობას!
ზურაბ ჯაფარიძე"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
