მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვერიკო ტურაშვილის გამხელილი ოცნებები
23:51 / 31-12-2013
მომღერალი ვერიკო ტურაშვილი ამბობს, რომ წინასაახალწლო დღეებში საჩუქრების შესაძენად, ბევრი ფულის დახარჯვა უწევს. ფინანსური კრიზისის დროს ცდილობს, პრობლემა დამოუკიდებლად მოაგვაროს, ახლობლებისგან ფულის სესხებას კი ურჩევნია, ბანკის ვალი ჰქონდეს, რომელსაც ეტაპობრივად გადაიხდის.
- ფული ადამიანისთვის ისეთივე საჭირო რამ არის, როგორიც ვთქვათ, საკვები, წყალი და ჰაერია. როცა ფინანსური კრიზისი მაქვს, სუნთქვა მიჭირს, ჟანგბადის უკმარისობას ვგრძნობ.
- უფულობის დროს დეპრესიაში ვარდები?
- დეპრესიაში არასოდეს ვვარდები, მაგრამ უფულობის გამო განწყობილება და ხასიათი ნამდვილად მიფუჭდება. ამიტომ ყოველთვის ვცდილობ, რომ ფინანსური კრიზისი თავიდან ავიცილო.
- და თუ მაინც აღმოჩნდები ასეთი საფრთხის წინაშე, როგორ მოიქცევი?
- უფულობის დროს ვცდილობ, სხვა საქმეზე გადავერთო. ღვთის წყალობით, ეს კრიზისი დიდხანს არ გრძელდება ხოლმე. ცხოვრება სამწუხაროდ, ასეა მოწყობილი: ხან გაქვს, ხან - არა. ყოველთვის მომავლის იმედით ვცხოვრობ და შესაბამისად, ცხოვრებისეული პრობლემების გამო დეპრესიაშიც არასოდეს ვვარდები.
- ოდესმე ბევრ ფულზე გიოცნებია?
- ბევრ ფულზე ხშირად ვოცნებობ და მერე ვფიქრობ იმაზე, თუ რამდენი კეთილი საქმის გაკეთებას შევძლებდი ბევრი ფულის წყალობით.
- მილიონერი რომ გახდე, პირველ რიგში, რას გააკეთებ?
- სიმდიდრეს მხოლოდ პირადი კეთილდღეობისთვის არ გამოვიყენებდი. ბევრი ფულით ბევრ სიკეთეს გავაკეთებდი, პირველ რიგში კი, გაჭირვებულ ადამიანებს დავეხმარებოდი. ირგვლივ მყოფ უამრავ ადამიანს გავაბედნიერებდი. ჩემს სამეგობრო წრეში ბევრს აქვს პრობლემა და თითოეულ მათგანს აუცილებლად, საცხოვრებელი ბინის პრობლემას მოვუგვარებდი.
- გაჭირვებული ადამიანების დახმარებას ხშირად ახერხებ?
- როცა მაქვს საშუალება, ვიღაცას გასაჭირი შევუმსუბუქო, ამას ყოველთვის ვაკეთებ. ძალიან ბედნიერი ვიქნებოდი, ქუჩაში მოწყალების მთხოვნელ უამრავ ადამიანს რომ არ ვხვდებოდე.
- ფულის შეგროვება თუ გამოგდის?
- ფულს ვერასოდეს ვაგროვებ, მაგრამ ამის სურვილი მაქვს. როცა რაღაც ძვირად ღირებული ნივთის შეძენა მსურს, დახმარებისთვის ბანკს მივმართავ და ვალს ნელ-ნელა ვისტუმრებ. სახლიც იპოთეკური სესხის წყალობით შევიძინე, სხვანაირად ბინის ყიდვას ვერ მოვახერხებდი. ძალიან მფლანგველი ვარ. იმდენად მხარჯველი გახლავართ, რომ შეიძლება, ჩემზე თქვათ, - ფულის ფასი არ იცისო.
- ოდესმე ყულაბა თუ გქონია?
- ყულაბა ბევრჯერ შემიძენია და ფულის შეგროვება დამიწყია კიდეც, მაგრამ ბოლომდე არც ერთი არ ავსებულა (იცინის).
- ფინანსური კრიზისის დროს დასახმარებლად ვის მიმართავ?
- ასეთ დროს მხოლოდ საკუთარი თავის იმედი მაქვს. ჩემი პრობლემებით არც ოჯახის წევრებს ვაწუხებ და არც - ახლობელ ადამიანებს. ხელებში არასოდეს არავის ვუყურებ. მაგალითად, ბარში ახლობელ მამაკაცებთან ერთად ყოფნის დროს, არ ვფიქრობ იმაზე, რომ თანხა აუცილებლად კაცებმა უნდა გადაიხადონ. ნებისმიერ სიტუაციაში მხოლოდ საკუთარ თავზე ვარ დამოკიდებული!
- საახალწლოდ ბევრი ფულის ხარჯვა გიწევს ხოლმე?
- საახალწლოდ ყოველთვის ბევრ ფულს ვხარჯავ, ძირითადად, საყვარელი ადამიანებისთვის საჩუქრების შეძენაში. ვცდილობ, მათ ახალი წლის ღამეს სიურპრიზი მოვუწყო.
- წინასაახალწლოდ გარდერობს აახლებ?
- ამ დღესასწაულისთვის ყოველთვის წინასწარ ვემზადები. პირველ რიგში, გარდერობს ვაახლებ, მერე ვცდილობ, ახალი ნივთებიც შევიძინო. ეს ყველაფერი კარგი განწყობილების შესაქმნელად მჭირდება.
- ნაძვის ხე თუ შეიძინე?
- ნაძვის ხეც და მისი მოსართავებიც ოჯახის წევრებმა იყიდეს, მერე მორთეს კიდეც.
- თოვლის ბაბუას რა სურვილის შესრულებას სთხოვდი?
- ოოო... კარგი იქნებოდა, თოვლის ბაბუ რეალურად რომ არსებობდეს და საახალწლო სურვილებს გვისრულებდეს... მას ვთხოვდი ჩემი უძრავი ქონების გაახლებას - ახალ სახლს, კარგ აგარაკს, მანქანას და ა.შ.
- ახლობელი ადამიანებისთვის ფული თუ გისესხებია?
- ასეთი რამ ხშირად ხდება, ფული ახლობლებისგან მისესხებია და გამისესხებია კიდეც. ამაში ცუდს ვერაფერს ვხედავ. მეგობრები და ახლობლები ხომ იმისთვის არსებობენ, რომ გაჭირვებისა თუ ლხინის დროს მხარში ამოგიდგნენ. არ აქვს მნიშვნელობა, დახმარება ფინანსური იქნება თუ სულიერი. მთავარია, გრძნობდე, რომ ისინი შენ გვერდით არიან.
- ვალის კარგი გადამხდელი ხარ?
- როცა ვალი მაქვს, ვერ ვისვენებ. ერთი სული მაქვს, მალე გადავიხადო და სიმშვიდე დავიბრუნო. ისე, ბანკში კარგ კლიენტად ვითვლები (იცინის).
- ოდესმე ფული თუ გიპოვია?
- კი, ბავშვობაში ფული რამდენჯერმე ვიპოვე, ოღონდ - ბევრი არა. კონკრეტულად რამდენი მიპოვია, მართლა არ მახსოვს...
- არც ის გახსოვს, ნაპოვნი ფულით რა შეიძინე?
- ალბათ შოკოლადს ვიყიდდი.
- შენ თუ დაგიკარგავს თანხა?
- ფული ბევრჯერ დამიკარგავს. ყველაზე დიდი თანხა 2 წლის წინ დავკარგე.
- რამდენი დაკარგე?
- 400 დოლარი. ფული საფულეში იდო, საფულე კი ტაქსიში დამრჩა.
- ამის გამო ალბათ, ბევრი ინერვიულე.
- იმ მომენტში, როცა ფული მოვიძიე და აღარ მქონდა, რა თქმა უნდა, ვინერვიულე, მაგრამ მალევე დავწყნარდი. აბა, 400 დოლარის გამო თავს ხომ არ მოვიკლავდი?!
- თუ გახსოვს, პირველი ხელფასი ან ჰონორარი როდის აიღე?
- პირველი ჰონორარი 15 წლის ასაკში ავიღე, მაგრამ რაში დავხარჯე, ზუსტად არ მახსოვს. მგონი, რაღაც სამოსი შევიძინე.
- ფულის დახარჯვა რაში არ გენანება?
- ზოგადად, ფულის ხარჯვა არაფერში მენანება, მაგრამ ხანდახან რაღაცის შეძენისგან თავს ვიკავებ. ხელმომჭირნე არ ვარ, მაგრამ მაგალითად, რაღაც რომ მომეწონება, ზოგჯერ ვყოყმანობ, ადვილად ვერ ვწყვეტ, შევიძინო თუ არა.
- ტანსაცმელი ან რაიმე ნივთი "პოსლეზე" თუ შეგიძენია?
- კი, ასეთი შემთხვევებიც ყოფილა. ჩემს ერთ მეგობარს ადრე ტანსაცმლის მაღაზია ჰქონდა და როცა ახალ კოლექციას მიიღებდა, თუ რამე მომეწონებოდა, მომქონდა, ფულს კი მოგვიანებით ვაძლევდი.
- როგორ ფიქრობ, ფულით წარმატების მიღწევა შესაძლებელია?
- ფულით წარმატებას ბევრი აღწევს. მე კი წარმატება საყვარელი საქმის კეთებამ მომიტანა. როცა იმ საქმეს აკეთებ, რაც ყველაზე მეტად გიყვარს და გაინტერესებს, წარმატებას აუცილებლად მიაღწევ, ამისთვის ფული საჭირო ნამდვილად არ არის! მაგრამ თუ ფული გაქვს და ცოტა ნიჭიც, პოპულარობის მიღწევა გაგიიოლდება.
- ოდესმე რაიმე საქმის მოსაგვარებლად ფული თუ გადაგიხდია?
- ქრთამის მიცემა არასდროს არავისთვის დამჭირვებია. მსგავს სიტუაციაში არ აღმოვჩენილვარ. რომც აღმოვჩნდე, დარწმუნებული ვარ, ფულს არავის მივცემ. ვეცდები, ყველაფერი სიტყვითა და ადამიანობით მოვაგვარო.
- ამბობენ, ფული ხელის ჭუჭყიაო. ამ გამონათქვამზე რას ფიქრობ?
- ამ გამონათქვამში შეიძლება, რაღაც სიმართლის მარცვალი დევს, მაგრამ ვფიქრობ, ფული ჩემს ხელებს არასდროს გააჭუჭყიანებს (იცინის). თუმცა არსებობს ადამიანების კატეგორია, რომლებსაც ფული გონებას ურევს და სამწუხაროდ, ხელებსაც უსვრის.
- ხელფასი თვიდან თვემდე გყოფნის?
- ვცდილობ, ვიმყოფინო, მაგრამ სამწუხაროდ, ამას ვერ ვახერხებ.
- ვერიკო, ამჟამად რას საქმიანობ?
- 3 კლუბში ვმღერი და შემოსავალიც აქედან მაქვს.
- დაბოლოს, ახალ წელს სად შეხვდები?
- დამდეგს ერთ-ერთ კლუბში, სიმღერით შევეგებები (იღიმის). გისურვებთ, თქვენც გემღერებოდეთ!
სოფო ჭონიშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
