ახალ წელს, რო­გორც წე­სი, ყვე­ლა ქარ­თუ­ლი ოჯა­ხი ტრა­დი­ცი­უ­ლი კერ­ძე­ბით ხვდე­ბა. გა­დავ­წყ­ვი­ტეთ, ჩვენს მკითხ­ველს გან­ს­ხ­ვა­ვე­ბუ­ლი რე­ცეპ­ტე­ბი შევ­თა­ვა­ზოთ, რომ­ლე­ბიც მათ სუფ­რა­ზე გარ­კ­ვე­ულ სი­ახ­ლეს შე­ი­ტანს და არ­ც­თუ ისე რთუ­ლი მო­სამ­ზა­დე­ბე­ლია. ჩე­მი რეს­პონ­დენ­ტი - ქე­თი ადე­იშ­ვი­ლი შე­სა­ნიშ­ნა­ვი კუ­ლი­ნა­რია და უგემ­რი­ე­ლეს კერ­ძებს ამ­ზა­დებს. იგი სხვა­დას­ხ­ვა ქვეყ­ნის ახა­ლი წლის შე­სა­ხებ გვე­სა­უბ­რე­ბა და მა­თი მთა­ვა­რი კერ­ძე­ბის თი­თო რე­ცეპ­ტ­საც გვიმ­ხელს.

ინ­დუ­რი ახა­ლი წე­ლი

- ინ­დო­ეთ­ში ახალ წელს წე­ლი­წად­ში რამ­დენ­ჯერ­მე აღ­ნიშ­ნა­ვენ, რაც კულ­ტუ­რა­თა და რე­ლი­გი­ა­თა სიმ­რავ­ლი­თაა გა­მოწ­ვე­უ­ლი. ინ­დურ სა­ა­ხალ­წ­ლო სუფ­რა­ზე აუცი­ლებ­ლად უნ­და იყოს თხი­ლი­თა და ხი­ლით სავ­სე ვა­ზა, რო­მე­ლიც ხვა­ვი­სა და ბა­რა­ქის ნიშ­ნა­დაა მიჩ­ნე­უ­ლი. ასე­ვე, ბე­რი­ა­ნე - ბრინ­ჯით მომ­ზა­დე­ბუ­ლი სა­დღე­სას­წა­უ­ლო კერ­ძი, რო­მე­ლიც მზად­დე­ბა რო­გორც ხორ­ცით, ასე­ვე ბოს­ტ­ნე­უ­ლით. დე­სერ­ტე­ბი­დან აღ­სა­ნიშ­ნა­ვია ლა­დუ - ოს­პის ფქვი­ლით, თხი­ლი­თა და ილით მომ­ზა­დე­ბუ­ლი დე­სერ­ტი. ინ­დურ სა­ა­ხალ­წ­ლო სუფ­რა­ზე აუცი­ლებ­ლად არის ინ­დუ­რი ქა­რი, რო­მელ­საც ამ­ზა­დე­ბენ რო­გორც ბატ­კ­ნის­გან, ასე­ვე ქათ­მი­სა­გან. ეს კერ­ძი ძა­ლი­ან ჰგავს ქარ­თულ ნიგ­ვ­ზი­ან ხარ­ჩოს, თუმ­ცა მის რე­ცეპ­ტებ­ში იშ­ვი­ა­თად თუ შეხ­ვ­დე­ბით ნი­გოზს, ისიც - მცი­რე რა­ო­დე­ნო­ბით. ქა­რი ინ­დუ­რი სა­ნე­ლე­ბე­ლია, რომ­ლის შე­მად­გენ­ლო­ბა­შიც სა­შუ­ა­ლოდ, 20 ინ­გ­რე­დი­ენ­ტი შე­დის, მათ შო­რის - მი­ხა­კი, და­რი­ჩი­ნი, წი­თე­ლი წი­წა­კა, ჯან­ჯა­ფი­ლი, ხმე­ლი ქინ­ძი და სხვა.

ქა­თა­მი ქა­რის სო­უს­ში

სა­ჭი­რო მა­სა­ლა: ერ­თი თა­ვი წვრი­ლად დაჭ­რი­ლი ხახ­ვი, 1-2 ს/კ კა­რის ფხვნი­ლი, 1 ს/კ და­ნა­ყი­ლი ნი­ო­რი და ნედ­ლი ჯან­ჯა­ფი­ლი, 1 ქი­ლა და­კონ­სერ­ვე­ბუ­ლი პო­მი­დო­რი თა­ვის წვენ­ში (350-400 გ), 2 ცა­ლი დაჭ­რი­ლი ქათ­მის მკერ­დი (ე.წ. თეთ­რი ხორ­ცი), 250 მლ ქათ­მის ან ბოს­ტ­ნე­უ­ლის ბუ­ლი­ო­ნი, 250 მლ ქო­ქო­სის რძე, ზე­თი, მა­რი­ლი და პილ­პი­ლი. გარ­ნი­რად - მო­ხარ­შუ­ლი ბრინ­ჯი.

მომ­ზა­დე­ბის წე­სი: ზეთ­ში მოვ­შუ­შოთ ხახ­ვი 2 წუ­თის გან­მავ­ლო­ბა­ში, და­ვუ­მა­ტოთ ქა­რის ფხვნი­ლი, ჯან­ჯა­ფი­ლი, ნი­ო­რი და 2 წუ­თი ვშუ­შოთ. და­ვუ­მა­ტოთ დაჭყ­ლე­ტი­ლი პო­მი­დო­რი, ქო­ქო­სის რძე, ქა­თა­მი და ქვაბს სა­ხუ­რა­ვი და­ვა­ხუ­როთ. 12-14 წუ­თის გან­მავ­ლო­ბა­ში სა­შუ­ა­ლო ცეცხ­ლ­ზე ვხარ­შოთ. მა­რი­ლი­თა და პილ­პი­ლით შე­ვა­ზა­ვოთ და ბრინ­ჯ­თან ერ­თად მი­ვირ­თ­ვათ. ქა­თა­მი შეგ­ვიძ­ლია, თევ­ზით ან ბატ­კ­ნის ხორ­ცით ჩა­ვა­ნაც­ვ­ლოთ.

ჩი­ნუ­რი ახა­ლი წე­ლი

- ახალ წელს ჩი­ნეთ­ში მას­შ­ტა­ბუ­რად აღ­ნიშ­ნა­ვენ. ჩი­ნე­ლე­ბი სა­ა­ხალ­წ­ლო სა­ღა­მოს ნი­ე­ნე­ფანს უწო­დე­ბენ. სა­ა­ხალ­წ­ლო სუფ­რის­თ­ვის უამ­რა­ვი კერ­ძი მზად­დე­ბა და ყო­ველ მათ­განს თა­ვი­სი მნიშ­ვ­ნე­ლო­ბა აქვს. გრძე­ლი ატ­რია ხან­გ­რ­ძ­ლივ სი­ცოცხ­ლეს ნიშ­ნავს. იმი­სათ­ვის, რომ წე­ლი ბა­რა­ქი­ა­ნი იყოს, აუცი­ლებ­ლად ამ­ზა­დე­ბენ თევ­ზის კერ­ძებს: თევ­ზი ჩი­ნეთ­ში სიმ­დიდ­რის სიმ­ბო­ლო­დაა მიჩ­ნე­უ­ლი. ჩრდი­ლო­ეთ ჩი­ნეთ­ში სა­ა­ხალ­წ­ლოდ პელ­მენს ხარ­შა­ვენ, თალ­გა­მის ღვე­ზელს აცხო­ბენ, ამ­ზა­დე­ბენ ღო­რის ხორცს ტკბილ-მჟა­ვე სო­უს­ში და სხვა. გთა­ვა­ზობთ ამ კერ­ძის ერთ-ერთ ხელ­მი­საწ­ვ­დომ რე­ცეპტს.

ღო­რის ხორ­ცი ტკბილ-მჟა­ვე სო­უ­სში

სა­ჭი­რო ინ­გ­რე­დი­ენ­ტე­ბი: 300 გ ღო­რის რბი­ლი ხორ­ცი, 2 ცა­ლი სხვა­დას­ხ­ვა ფე­რის ტკბი­ლი წი­წა­კა, 20 გ ნედ­ლი ჯან­ჯა­ფი­ლი, 200 გ და­კონ­სერ­ვე­ბუ­ლი ანა­ნა­სი, 2 ს/კ ძმა­რი, 1 ს/კ შა­ქა­რი, 2 ს/კ კეტ­ჩუ­პი, 1 ს/კ სო­ი­ის სო­უ­სი, 1 კვერ­ცხი, 300 მლ ზე­თი, 5 ს/კ სა­ხა­მე­ბე­ლი, მა­რი­ლი.

მომ­ზა­დე­ბის წე­სი: ღო­რის ხორ­ცი 1 სმ ზო­მის კუ­ბე­ბად დავ­ჭ­რათ და ჯამ­ში მო­ვა­თავ­სოთ. და­ვუ­მა­ტოთ სო­ი­ის სო­უ­სი, კვერ­ცხის გუ­ლი, 1 ს/კ სა­ხა­მე­ბე­ლი, 1-2 ს/კ წყა­ლი, მწიკ­ვი მა­რი­ლი და ხორცს კარ­გად შე­ვუ­რი­ოთ. ასე დავ­ტო­ვოთ 30 წუ­თის გან­მავ­ლო­ბა­ში. წი­წა­კას ამო­ვა­ცა­ლოთ თეს­ლი და კუ­ბე­ბად დავ­ჭ­რათ. ჯან­ჯა­ფი­ლი ძა­ლი­ან თხლად დავ­ჭ­რათ, ანა­ნა­სი კი - ხორ­ცის ზო­მა­ზე. ტა­ფა­ზე და­ვას­ხათ ბლო­მად ზე­თი და გა­ვა­ცხე­ლოთ. და­მა­რი­ნა­დე­ბუ­ლი ხორ­ცი ამო­ვავ­ლოთ დარ­ჩე­ნილ სა­ხა­მე­ბელ­ში და დავ­ყა­როთ ტა­ფა­ზე. რო­დე­საც გა­ოქ­როს­ფ­რ­დე­ბა, საშ­რობ ქა­ღალ­დ­ზე ამო­ვი­ღოთ, ცხი­მის­გან რომ და­იწ­რი­ტოს. ღრმა ტა­ფა­ში გა­ვა­ცხე­ლოთ 2 ს/კ ზე­თი და მოვ­შუ­შოთ ჯან­ჯა­ფი­ლი, და­ვუ­მა­ტოთ ტკბი­ლი წი­წა­კა. 2 წუთ­ში და­ვუ­მა­ტოთ ანა­ნა­სი და კი­დევ 1-2 წუ­თი ვშუ­შოთ. შემ­დეგ და­ვუ­მა­ტოთ 2 ს/კ ძმა­რი, კეტ­ჩუ­პი და ხორ­ცი. კარ­გად მო­ვუ­რი­ოთ და 1-2 წუთ­ში გად­მოვ­დ­გათ ცეცხ­ლი­დან. ძა­ლი­ან გემ­რი­ე­ლი გა­მო­დის.

ებ­რა­უ­ლი ახა­ლი წე­ლი

- ებ­რა­ე­ლე­ბის­თ­ვის ახა­ლი წე­ლი როშ-ჰა­შა­ნა უდი­დე­სი დღე­სას­წა­უ­ლია. სა­დღე­სას­წა­უ­ლო სუფ­რა გან­სა­კუთ­რე­ბუ­ლი მრა­ვალ­ფე­როვ­ნე­ბით გა­მო­ირ­ჩე­ვა. აუცი­ლებ­ლად მზად­დე­ბა ებ­რა­უ­ლი სამ­ზა­რე­უ­ლოს "სა­ვი­ზი­ტო ბა­რა­თი" - "გე­ფილ­ტე ფიშ" ანუ ფარ­ში­რე­ბუ­ლი თევ­ზი. ამ კერ­ძის­თ­ვის ძი­რი­თა­დად, ქა­რიყ­ლა­პი­ას ან კობრს იყე­ნე­ბენ. გულ­სარ­თის ვა­რი­ან­ტი კი იმ­დენ­ნა­ი­რია, რამ­დე­ნი დი­ა­სახ­ლი­სიც არ­სე­ბობს. სა­ა­ხალ­წ­ლოდ მზად­დე­ბა ატ­რი­ით გა­მო­ტე­ნი­ლი იხ­ვი, გა­მოყ­ვა­ნი­ლი ქა­შა­ყის პაშ­ტე­ტი - ფორ­შ­მა­კი და უამ­რა­ვი ტკბი­ლე­უ­ლი; მათ­გან ყვე­ლა­ზე პო­პუ­ლა­რულ რე­ცეპტს შე­მოგ­თა­ვა­ზებთ.

ტე­იგ­ლა­ხი

სა­ჭი­რო ინ­გ­რე­დი­ენ­ტე­ბი: 2 ჩ/ჭ ფქვი­ლი, 5 კვერ­ცხი, 2 ს/კ შაქ­რის პუდ­რი, 2 ს/კ კა­რა­ქი, 1 ჩ/კ მა­რი­ლი. ვა­ჟი­ნის­თ­ვის: 2/3 ჭი­ქა თაფ­ლი, 0,5 ჭი­ქა შა­ქა­რი, და­რი­ჩი­ნი.

მომ­ზა­დე­ბის წე­სი: კვერ­ცხი და შა­ქა­რი კარ­გად გავ­თ­ქ­ვი­ფოთ, და­ვუ­მა­ტოთ კა­რა­ქი, ფქვი­ლი და ცო­მი მოვ­ზი­ლოთ. ცომს ძეხ­ვის ფორ­მა მივ­ცეთ, დავ­ჭ­რათ ნაჭ­რე­ბად და გა­ვა­კე­თოთ ბურ­თუ­ლე­ბი. შემ­დეგ ეს ბურ­თუ­ლე­ბი ცხიმ­წას­მულ თუ­ნუ­ქის ფურ­ცელ­ზე მო­ვა­თავ­სოთ და 180 გრა­დუს­ზე გა­ხუ­რე­ბულ ღუ­მელ­ში გა­მო­ვა­ცხოთ.

ცალ­კე მო­ვამ­ზა­დოთ ვა­ჟი­ნი - თაფ­ლი, შა­ქა­რი, და­რი­ჩი­ნი ავუ­რი­ოთ და მი­ვიყ­ვა­ნოთ ადუ­ღე­ბამ­დე. ვა­ჟინ­ში ჩავ­ყა­როთ გა­მომ­ცხ­ვა­რი ბურ­თუ­ლე­ბი და ვხარ­შოთ, სა­ნამ ვა­ჟი­ნი არ შეს­ქელ­დე­ბა, შემ­დეგ მა­სა გად­მო­ვი­ტა­ნოთ და­ფა­ზე, გა­ვაბ­რ­ტყე­ლოთ და სამ­კუ­თხე­დე­ბად დავ­ჭ­რათ.

ჩე­მი ინ­დუ­სი რეს­პონ­დენ­ტი - ჯი­გარ სა­რაია 4 წე­ლია, თბი­ლის­ში ცხოვ­რობს, ქარ­თუ­ლი მშვე­ნივ­რად უს­წავ­ლია და აქა­უ­რი ხალ­ხის მენ­ტა­ლი­ტე­ტიც კარ­გად აუთ­ვი­სე­ბია. ჯი­გა­რი თა­ვი­სი კუ­თხის ტრა­დი­ცი­ებ­ზე გვე­სა­უბ­რე­ბა და ზო­გი­ერ­თი კერ­ძის რე­ცეპ­ტ­საც გვთა­ვა­ზობს.

- გან­სა­კუთ­რე­ბუ­ლი ტრა­დი­ცი­ე­ბი არ გვაქვს, ჩვე­უ­ლებ­რი­ვად აღ­ვ­ნიშ­ნავთ, რო­გორც სხვა­გან. ოჯახ­ში დას­ხ­დე­ბი­ან, სა­უბ­რო­ბენ, ნა­თე­სა­ვე­ბი ერ­თ­მა­ნეთ­თან სტუმ­რად მი­დი­ან და ა.შ. აქ რომ გა­ნა­თე­ბუ­ლია ქა­ლა­ქი და კონ­ცერ­ტებს ატა­რე­ბენ, ჩვენ­თან ასე არ არის. მე წარ­მო­შო­ბით ბომ­ბე­ის­თან ახ­ლოს მდე­ბა­რე ქა­ლა­ქი­დან ვარ, გუჯ­რა­ა­ტის შტა­ტი­დან. აი, გო­ა­ში კი სხვა­ნა­ი­რი ტრა­დი­ცი­ე­ბია, და­ნარ­ჩე­ნი ინ­დო­ე­თის­გან ძა­ლი­ან გან­ს­ხ­ვავ­დე­ბა. იქ ყვე­ლა­ფე­რი შე­იძ­ლე­ბა - და­ლე­ვა, მო­წე­ვა, ნარ­კო­ტი­კის მი­ღე­ბა და ა.შ. სპე­ცი­ა­ლუ­რად ახა­ლი წლის­თ­ვის უცხო­ე­ლე­ბი ჩა­დი­ან. გო­ა­ში ძი­რი­თა­დად, კა­თო­ლი­კე ქრის­ტი­ა­ნე­ბი ცხოვ­რო­ბენ. იქ ზღვის სე­ზო­ნი ნო­ემ­ბერ­ში იწყე­ბა და ძა­ლი­ან მა­გა­რია. ჩვენს შტატ­ში ბევ­რი ქა­ლა­ქი და სო­ფე­ლია, მაგ­რამ სას­მე­ლი არ­სად იყი­დე­ბა, რე­ლი­გი­ურ "ამ­ბავ­ში". აქ რომ ჩა­მო­ვე­დი და ნას­ვა­მი ხალ­ხი და­ვი­ნა­ხე, ერ­თი იქით იყო მი­წო­ლი­ლი, მე­ო­რე - აქეთ, გა­მიკ­ვ­რი­და. ვფიქ­რობ­დი, - რა სჭირთ-მეთ­ქი? მე­რე უკ­ვე ვხვდე­ბო­დი, რომ "და­ლე­უ­ლი" იყო. ჩვენ­თან გავ­რ­ცე­ლე­ბუ­ლი სას­მე­ლე­ბი - ვის­კი და ლუ­დია, არა­ყი არ ვი­ცით. ყვე­ლა­ზე პო­პუ­ლა­რუ­ლი ხომ ინ­დუ­რი ჩაია, გან­სა­კუთ­რე­ბით - რძი­ა­ნი. ძა­ლი­ან გემ­რი­ე­ლია ცი­ვი სას­მე­ლი - მან­გო ლა­სი. 200 გრამ მან­გოს წვენს (სქე­ლი, შე­დე­დე­ბუ­ლი წვე­ნი ჯო­ბი­ა) შე­ვუ­რი­ოთ ნა­ხე­ვა­რი ლიტ­რი მა­წო­ნი, 3 კოვ­ზი შა­ქა­რი და და­ვაბ­ლენ­დე­როთ. უგემ­რი­ე­ლე­სია.

ინ­დუ­სე­ბის ახა­ლი წე­ლი - დი­ვა­ლი

- ჩვე­ნი ახა­ლი წე­ლი მოძ­რა­ვი დღე­სას­წა­უ­ლია და დი­ვა­ლი ჰქვია, ეს ინ­დუ­სე­ბის­თ­ვი­საა და 26 ოქ­ტომ­ბერს იყო ანუ - 2014 წე­ლი ჩვენ­თ­ვის უკ­ვე მო­სუ­ლია. დი­ვა­ლი სამ დღეს გრძელ­დე­ბა. ერთ დღეს საჭ­მე­ლებს მო­ამ­ზა­დე­ბენ, მე­რე ერ­თ­მა­ნეთ­თან სტუმ­რად მივ­დი­ვართ, ხან - რეს­ტო­რან­ში. გა­რეთ სან­თ­ლებს ვან­თებთ. რაც შე­იძ­ლე­ბა მე­ტი ცეცხ­ლი უნ­და იყოს. სპე­ცი­ა­ლუ­რად ამ დღის­თ­ვის, ტკბილ საჭ­მე­ლებს ვა­კე­თებთ და სუფ­რა­ზე ბევ­რ­ნა­ი­რი კერ­ძი გვაქვს. ბა­ზარ­სა და მა­ღა­ზი­ებ­ში რამ­დე­ნი ტკბი­ლი საჭ­მე­ლიც უნ­და გა­მო­ი­ტა­ნონ, სულ იყი­დე­ბა. დი­ვა­ლი აქაც აღ­ვ­ნიშ­ნეთ, ჩვენს რეს­ტო­რან­ში, ლა­მა­ზი დღე­სას­წა­უ­ლი მო­ვაწყ­ვეთ. ჩვენს სტუმ­რებს "ჯა­ლე­ბი­თაც" გა­ვუ­მას­პინ­ძ­ლ­დით. ძა­ლი­ან გემ­რი­ე­ლი საჭ­მე­ლია, სი­მინ­დი­სა და პუ­რის ფქვი­ლი, ზე­თი, შა­ქა­რი, ერ­ბო, ცო­ტა სო­დაა არე­უ­ლი, ერთ დღე-ღა­მეს გა­ვა­ჩე­რებთ, რო­ცა ამო­ფუვ­დე­ბა, სპი­რა­ლურ ფორ­მას ვაძ­ლევთ და ზეთ­ში იწ­ვე­ბა. მარ­ხ­ვას ჩვენც ვი­ცავთ, ოღონდ დი­ვალ­ზე - არა. ოთხ­შა­ბათ­სა და შა­ბათს ხორ­ცი, ზე­თი; მო­ხარ­შუ­ლი რამ არ უნ­და ვჭა­მოთ. ვი­საც შე­უძ­ლია, ჯო­ბია, მარ­ტო რძე­სა და ბა­ნან­ზე იყოს ყო­ველ შა­ბათს, თუ არ შე­უძ­ლია - 2-3 კვი­რა­ში ერ­თხელ მა­ინც. "გი­ა­რა­ზის" დროს, ყვე­ლამ საჭ­მე­ლი წი­ნას­წარ უნ­და მო­ამ­ზა­დოს, სა­ნამ ღა­მის 12 სა­ა­თი დად­გე­ბა. იმი­ტომ, რომ მაგ დღეს ოჯახ­ში გა­ზი არ უნ­და აან­თო, სახ­ლ­ში ან­გე­ლო­ზი და­დის და გა­ზი რომ ენ­თოს, შე­იძ­ლე­ბა, მას­ში ჩა­ვარ­დეს. ცი­ვი საჭ­მე­ლე­ბი უნ­და ჭა­მო, რა­საც ცეცხ­ლი არ სჭირ­დე­ბა. ღუ­მელ­ში გა­ცხე­ლე­ბა შე­იძ­ლე­ბა.

მა­რი წე­რე­თე­ლი, ინ­დუ­რი რეს­ტორ­ნის მე­პატ­რო­ნე:

- ჩე­მი მე­უღ­ლე მუს­ლი­მა­ნი ინ­დო­ე­ლია. მათ­თან დი­დი და პა­ტა­რა ბა­ი­რამ­სა და აბ­რა­ა­მის დღე­სას­წა­ულს აღ­ნიშ­ნავს. ეს მათ­თ­ვის დი­დი დღე­სას­წა­უ­ლია, უამ­რავ საკ­ლავს კლა­ვენ და ღა­რი­ბებს ური­გე­ბენ. მსოფ­ლი­ო­ში მი­ღე­ბულ ახალ წელს აქ ჩვე­უ­ლებ­რი­ვად აღ­ვ­ნიშ­ნავთ, ცეცხ­ლო­ვა­ნი ინ­დუ­რი ცეკ­ვე­ბით, ინ­დო­ე­ლი თოვ­ლის ბა­ბუა გვე­ყო­ლე­ბა და ძა­ლი­ან სა­ინ­ტე­რე­სო სა­ღა­მო გვე­ლის.

გუ­ლაბ ჯა­მუ­ნი:

- 100 გ შა­ქა­რი, 80 გ ხა­ჭო, 30 გ ყვე­ლი "პა­ნი­რი" (ჩვე­ნე­ბუ­რი უმა­რი­ლო ყვე­ლი), ფქვი­ლი 25 გ, 1 ჩ/კ სო­და, 60 გ ერ­ბო, 5-7 ცა­ლი ილი, 50 გ წყა­ლი, და­ახ­ლო­ე­ბით 1 ლ ზე­თი - შე­საწ­ვა­ვად. მოვ­ზი­ლოთ მა­გა­რი ცო­მი, რგო­ლე­ბი ამო­ვავ­ლოთ ფქვილ­ში და ზე­თი­ან ტა­ფა­ში მო­ვა­თავ­სოთ. შემ­დეგ გა­ვაგ­რი­ლოთ და ცალ­კე გამ­ზა­დე­ბულ შაქ­რის სი­როფ­ში ჩა­ვა­ლა­გოთ, რომ სვე­ლი იყოს.

სა­მო­სა (ვე­გე­ტა­რი­ა­ნუ­ლი):

- 4 ცა­ლი მო­ხარ­შუ­ლი კარ­ტო­ფი­ლი, 60 გ ბარ­და, 10 გ ქინ­ძი, მა­რი­ლი და წი­თე­ლი წი­წა­კა გე­მოვ­ნე­ბით, 5 გ ქინ­ძის თეს­ლი, 150 გ პუ­რის ფქვი­ლი, 5 გ ძი­რა, 50 გ წყა­ლი, 20 გ მზე­სუმ­ზი­რის ზე­თი. ცალ­კე უნ­და მოვ­ზი­ლოთ მა­გა­რი ცო­მი (სა­ფუვ­რის გა­რე­შე) და კო­ნუ­სის ფორ­მა მივ­ცეთ. ეს მა­სა შიგ­ნით ჩავ­დოთ, გა­დავ­კე­ცოთ, ზედ­მე­ტი ცო­მი მო­ვაჭ­რათ, რომ ლა­მა­ზი ფორ­მა მივ­ცეთ და ბევრ ზეთ­ში შევ­წ­ვათ, რო­გორც ფუნ­ჩუ­ლა. ხრა­შუ­ნა და ხრა­ტუ­ნა გა­მო­დის. ეს რეს­ტორ­ნის ერ­თი ულუ­ფაა, ორი ცა­ლი გა­მო­დის.

თამ­თა და­დე­შე­ლი

ჟურ­ნა­ლი ”გზა”