სენაკის გამგებელი: ფეხმომტვრეულ სკამზე ვზივარ
სენაკის გამგეობამ ავეჯის შესაძენად ტენდერი გამოაცხადა, სადაც ორი სავარძლის სატენდერო ღირებულებად 1000 ლარია მითითებული. ამ საკითხთან დაკავშირებით, სენაკის გამგეობაში აცხადებენ, რომ 500 ლარზე ნაკლებად სავარძელი ვერ იშოვეს.
გამგებლის, გოჩა დგებუაძე თქმით, ერთი სავარძელი - თვითონ, მეორე კი საკრებულოს თავმჯდომარეს სჭირდება. "ჩემი სავარძლის ფეხი დაიმტვრა. ფეხმომტვრეულ სკამზე ვზივარ, კინაღამ მეც გადავვარდი. კომპიუტერს დავეჯახე და ისიც წავაქციე. გუშინ "დავსვარკეთ". სავარძელი არ მაქვს და რა ვქნა, რაზე დავჯდეთ? ასევე გამოცხადებულია ტენდერი საკონფერენციო მაგიდაზე, არ გვაქვს მაგიდა, თათბირებზე ხალხი ფეხზე იწერს", - აცხადებს დგებუაძე.
"ლაივპრესმა" სავარძლების საწყისი ფასები ავეჯის მაღაზია "ემბავუდში" გადაამოწმა. საოფისე სავარძლის ღირებულება მაღაზიაში 130 ლარიდან იწყება, მაქსიმალური ფასი კი 700 ლარია.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
