158-ე სკოლიდან მოსწავლეების ევაკუაცია მიმდინარეობს

ვაშლიჯვარში მდებარე 158-ე სკოლიდან მოსწავლეების ევაკუაცია მიმდინარეობს.

როგორც "ინტერპრესნიუსს" საგანგებო სიტუაციების სამსახურში განუცხადეს, აღნიშნული სკოლიდან მათთან შეტყობინება შევიდა და სახანძრო სამაშველო ბრიგადები სკოლისკენ ამ წუთებში მიემართებიან.

მათი ინფორმაციით, სკოლაში ძლიერი კვამლი დგას და ჯერ უცნობია, რას უკიდია ცეცხლი. სავარაუდოდ, კვამლი კომპიუტერების ოთახში გაჩნდა.

"ინტერპრესნიუსი"