მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნიკა გრიგოლია ყოფილი მეუღლის ცხოვრებასა და ბუნიათიშვილის მკერდზე
23:12 / 14-12-2013
რამდენიმეთვიანი პაუზის შემდეგ იუმორისტი ნიკა გრიგოლია ისევ "რუსთავი 2"-ზე, კერძოდ, სატელევიზიო შოუ "ნიჭიერში" დაბრუნდა. მის გამოჩენას ეკრანზე დიდი ხმაური მოჰყვა, გრიგოლიას ჩაცმულობამ ხალხი აალაპარაკა.
- ელასტიკები კი არა, უარესი რაღაცები მცმია "ფარულ კამერაშიც" და "კომედი შოუშიც". ეს იყო ჩვეულებრივი რეკვიზიტი, რომელიც "ნიჭიერის" კონკურსანტებს ეცვათ ერთ-ერთი ნომრის შესრულებისას. მომავალ შოუშიც გამორჩეული ვიქნები. ეს ჩაცმულობა ხუმრობით გამოვიყენეთ. ჩემთვის მაგ რეკვიზიტის გამოყენება იგივე იყო, რაც ინდიელების გვირგვინის თავზე დადგმა. ხატია ბუნიათიშვილის მკერდზეც ატყდა ერთი ამბავი, თუმცა მის მკერდზე მე ვერაფერს ვიტყვი (იცინის). ხალხს ალბათ ეგ აინტერესებს, ადამიანს რომ მკერდი აინტერესებს, ეგ არაა პრობლემა.
- რამდენიმე თვის წინ გავრცელდა ინფორმაცია, რომ "კომედი არხზე" აპირებდი დაბრუნებას...
- ასეთი რამ არსად მითქვამს. ამ ტელევიზიასთან არ მითანამშრომლია და არც ვაპირებ. როდესაც, ასე ვთქვათ, სამსახურიდან შემამცირეს, ალეკო მალხაზიშვილმა "კომედი არხზე" გადასვლა შემომთავაზა, მაგრამ არ მეცალა არც ერთი არხისთვის, "რუსთავი 2"-ის გარდა.
- ცნობილია, რომ "კომედი შოუს" ბიჭებთან დაპირისპირება გქონდა, ახლა როგორი ურთიერთობა გაქვს მათთან, მიშა ანდღულაძესთან...
- რაღა დროს ეგ გაუგებრობაა? მანამდე როგორი ურთიერთობაც მქონდა, ისევ ისე ვარ ყველასთან.
- საკმაოდ აქტიური ადამიანი ხარ, ერთდროულად ბევრ საქმეს ეჭიდები, ახლა რას აკეთებ "ნიჭიერის" გარდა?
- ტელევიზიაში მხოლოდ "ნიჭიერით" ვარ დაკავებული, სხვა საქმეზე ფიქრის დროც არ მაქვს. ამის პარალელურად ღონისძიებების მოწყობით ან წაყვანით ვარ დაკავებული. მინახავს ადამიანები, ვისაც ურჩევნია სამსახურს დაუთმოს მეტი დრო, ვიდრე საკუთარ თავს ან მეგობრებს, მე კი პირიქით ვამჯობინებ.
- ანაზღაურებაც ნაკლები გექნება...
- სადაც მიმუშავია, ანაზღაურების გამო პრობლემა არავისთან მქონია. "ნიჭიერში" ჩემი მოვალეობაა გარკვეულ სცენარში ჩართვა და ეთერში წარდგენა, რაც ჯერჯერობით კარგად გამომდის. საქმე, რომელსაც ვაკეთებ, სახალისოა და მსიამოვნებს. ჩემი ყველაზე დიდი ხელფასი არის "ნიჭიერის" შემქმნელებთან და იდეალურად გამართულ გუნდთან მუშაობა. არ მინდა ვინმეს არაპროფესიონალი ვუწოდო, მაგრამ წლების განმავლობაში უამრავ ადამიანთან მიმუშავია და თამამად შემიძლია ვთქვა, რომ ასეთ ტიპებთან არასდროს მითანამშრომლია.
- ცნობილია, რომ ექსტრიმის მოყვარული ხარ, ალბათ საფრთხის წინაშე არაერთხელ აღმოჩენილხარ...
- მქონია სარისკო შემთხვევები, მაგრამ ჯერჯერობით ყველაფერი კარგად სრულდება. მიყვარს სნოუბორდი, სკეიტბორდი. ექსტრემალური სპორტი ჩემთვის საინტერესოა და თუ მეძლევა საკუთარი თავის გამოცდის საშუალება, უარს არ ვამბობ.
- ამ ბოლო დროს სოციალურ ქსელში მოტოციკლეტით გადაადგილების შეზღუდვაზე ალაპარაკდნენ. ამაზე რას იტყვი?
- ეს არის სრული უაზრობა. ალბათ ამაზე იმიტომ ალაპარაკდნენ, რომ ამ ადამიანების უსაფრთხოება აშფოთებთ, მაგრამ წარმოუდგენელია ამის აკრძალვა. ეს არის მთელ მსოფლიოში დაშვებული სატრანსპორტო საშუალება. აკრძალვას ჯობია უფრო მეტი ვიფიქროთ უსაფრთხოებაზე.
- შვილთან როგორი ურთიერთობა გაქვს?
- ყოველთვის ვახერხებ, რომ ბაღში მივიდე ჩემს შვილთან და კარგად გავერთოთ. არსებობს მამა, ვისაც შვილის გასართობად წაყვანა არ უნდა? ის დედასთან ცხოვრობს, მაგრამ ვცდილობ მაქსიმალურად დავუთმო ყურადღება - ზღაპრები წავუკითხო, ვასეირნო და ა.შ.
- ცოტა ხნის წინ ინტერნეტში გავრცელდა შენი ყოფილი ცოლის ფოტოები, რა რეაქცია გქონდა ამაზე?
- ვიცი, რომ ბოდიბილდინგით იყო დაკავებული. დანარჩენს ვერაფერს გეტყვით, მისი ცხოვრება მე არ მეხება და არც მაინტერესებს.
მოამზადა თამარ ბოჭორიშვილმა
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
