ქუთაისელი ქალბატონი უკრიანელ ახლობლებს ეძებს
ქუთაისში მცხოვრები ნანული ლეონოვა ნათესავებს ეძებს. 51 წლის ქალბატონმა ნათესავების მოძიება უკრაინაში განვითარებული მოვლენების შემდეგ გადაწყვიტა.
ლეონოვა ქუთაისში დაიბადა და გაიზარდა, თუმცა წარმოშობით უკრაინიდან არის. ნანული ლეონოვას თქმით, მას ახლობლები ბავშვობაში მხოლოდ ორჯერ ჰყავს ნანახი და მას შემდეგ მათთან ურთიერთობა არ ჰქონია.
"მამაჩემის მამის, ივანე ლეონოვის ნათესავებს ვეძებ. მამაჩემს თეთრიწყაროს რაიონის სოფელ ალისეევკაშიც ჰყავდა ახლობლები. იქ მისი მამიდა ცხოვრობდა. მახსოვს, რომ მამაჩემს ბიძა მარნეულში ჰყავდა. ჩემი ნათესავების ნაწილი უკრაინაში წავიდა. შესაძლოა, ვისაც მე ვეძებ, ისინიც იქ იყვნენ. ჩემი ახლობლების სახელები არ მახსოვს. მე არც საშუალება მაქვს, რომ მოვძებნო. მათი გაცნობა მინდა. უკრაინაში რა ამბები ხდება, ხომ იცით? თუ ამ მასალას წაიკითხავენ, ვთხოვ ამ ნომერზე დამირეკონ: 555 52 18 60" , - ამბობს ნანული ლეონოვა.
წყარო: topnews.com.ge
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
