4
აპრილიდღის ზოგადი ასტროლოგიური პროგნოზი
კლუბმა "დივამ" დაარსებიდან ხუთი წლის იუბილე ახალ ინტერიერში, განახლებული შოუ-პროგრამით აღნიშნა, რომელსაც "წითელი ვაშლი" უწოდეს. მიწვეულ სტუმართა შორის ცნობილი სახეებიც იყვნენ, თუმცა, გარკვეული მიზეზების გამო, მათ კადრში გამოჩენა არ ისურვეს. "დივას" მფლობელის, პატრიცია დელონის განცხადებით, სტრიპტიზ-შოუ თბილისში პოპულარული ხდება. ცეკვების სანახავად ჩვენს დედაქალაქში უცხოელებიც კი ჩამოდიან.
პატრიცია დელონი კლუბ "დივას" მფლობელი: წელს ხუთი წელი შეუსრულდა "დივას". ახალი ინტერიერი, შოუ-პროგრამა, ახალი მთავრობა... მიყვარს ციფრი ხუთი. უი, მგონი ხუთი აღარ უნდა ვთქვა(იცინის), 4+1 შეგვისრულდა. ხუთოსანი ვიყავი სკოლაში, ებრაულადაც 5, ანუ ხამსა ბედნიერებას ნიშნავს. ასე რომ ამ ციფრისგან კარგს ველი, მალე ახალი წელიც მოვა და ყველა ერთად გავიხარებთ.
- საზოგადოებისთვის ცნობილი სახეები აქ ხშირად დადიან. მგონი პოლიტიკოსებიც ესწრებიან შოუს...
- ჩემთვის სტუმარი არის სტუმარი ყოველგვარი თანამდებობების გარეშე, შეიძლება დადიან კიდეც პოლიტიკოსები(იღიმის), მაგრამ ეს ჩემი საქმე არაა, მე ცუდად ვხედავ და თან კლუბში ისეთი განათებაა ძნელად გაარჩევ სახეებს. ჩემი ვალია აქ ხარისხიანი შოუ წარმოვადგინო.
სტუმრების განსაკუთრებული სიმპათია ბალერინას ძელზე ცეკვამ, წყვილის ტანგომ, უკრაინულმა ცეკვამ და კანკანმა დაიმსახურა. მსახიობი ლევან ყოჩიაშვილი მოწვეულ სტუმართა შორის იყო, რომლისთვისაც სტრიპტიზი უფრო ხელოვნებაა, ვიდრე ვულგარული ცეკვა.
ლევან ყოჩიაშვილი, მსახიობი: სტრიპტიზ-კლუბში პირველად არ ვარ. უცხოეთში შოუს ეს კულტურა განვითარებულია და გართობის ერთ-ერთი სახეა. აუცილებელი ხომ არ არის ასეთ ადგილებში ვინმეს ზედმეტად შეეხო, თან მსგავს კლუბებში კონტროლი გამკაცრებულია. იდეაში კარგია, რომ ასეთი გართობის კულტურა მკვიდრდება რაღაც ეტაპზე. მინდა "დივას" დაბადების დღე მივულოცო. დამდგარიყოს ის დრო, რომ გართობაზე უფრო მეტი გვეფიქროს, ვიდრე პრობლემებსა და ეკონომიკურ სიდუხჭირეზე.
შოუ-პროგრამის ბოლოს საიუბილეო ტორტიც გაიჭრა. ტორტზე დადებული წითელი ვაშლის ნაჭრები მოსცეკვავეებმა და "დივას" მეპატრონეებმა თანაბრად გაინაწილეს. ტორტით სტუმრებსაც გაუმასპინძლდნენ.
იხილეთ ვიდეო: "დივამ" 5 წლის იუბილე პიკანტური შოუთი აღნიშნა (+18)
