მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სალომე ჭაჭუა დეკემბერში უცხოეთიდან ახალ პარტნიორს ელოდება (ექსკლუზივი)
06:22 / 27-11-2013
"ცეკვავენ ვარსკვლავებში" რამდენიმე წყვილი დარჩა, ისინი თავს არ ზოგავენ, რომ წარმატებულად წარსდგნენ მაყურებლის წინაშე და სარეპეტიციო დარბაზში მთელი დატვირთვით ვარჯიშობენ.
დარბაზი, რომელშიც ისინი დღის განმავლობაში, სტუდია "თელას" გარდა, წვრთნას გადიან, სალომე ჭაჭუას ეკუთვნის. მან პროექტი დატოვა, მაგრამ აღნიშნულ დარბაზში მისი კოლეგები და ვარსკვლავები აქტიურად მუშაობენ. "ამბები.გეს" სალომე მის ცხოვრებაში მომხდარი სიახლეების შესახებ ექსკლუზიურად გაესაუბრა.
- დარბაზი, რომელშიც "ცეკვავენ ვარსკვალების" რეპეტიციები მიმდინარეობს, შენ გეკუთვნის, ხომ?
- კი, აქ არის ჩემი სტუდია - "ფრაიმ დენსი", რომელიც ცოტა ხნის წინ გავხსენი. ეს სახელი ჩემმა ძმამ მოიფიქრა.
- ძმაც მოცეკვავეა?
- არა, მთელი ოჯახი იურისტები არიან... მოკლედ, გადავწყვიტე, სტუდია გამეხსნა, რადგანაც 5 წელია ქორეოგრაფი ვარ, ვასწავლი, გამოცდილება დამიგროვდა. მერე "ცეკვავენ ვარსკვლავების" პროდიუსერს, ნოე სულაბერიძეს დაველაპარაკე, რომ პოექტის მონაწილეებს რეპეტიციები ჩემთან სტუდიაში გაევლოთ...
- კონკურსანტები სტუდია "თელაშიც" ხომ ვარჯიშობენ?
- კი, იქაც არიან, გარკვეული ვარჯიშები "თელაშიც" ტარდება, რადგანაც დღეში ორჯერ არის რეპეტიცია.
ეს კი საკმაოდ კარგი სტუდია გამოგვივიდა. არის კომფორტი და ყველანაირი პირობა, რომ 6 წლიდან ნებისმიერი ასაკის ადამიანმა ცეკვები შეისწავლოს. მოკლედ, მზად ვართ.
- სტუდია უკვე მუშაობს?
- სრული დატვირთვით ჯერ არ ვმუშაობთ. ჯერჯერობით მხოლოდ ინდივიდუალური მოსწავლეები მყავს. "ცეკვავენ ვარსკვლავები" რომ დასრულდება, ეს სივრცე 13 იანვრიდან ოფიციალურად უნდა გავხსნა. პრეზენტაციასაც გავმართავ.
- "ცეკვავენ ვარსკვლავების" შემდეგ სხვადასხვა ასაკის ადამიანებში მასობრივად გაჩნდა სურვილი, რომ ცეკვა შეისწავლონ...
- კი, საზოგადოებამ ამ პროექტით ახლოს გაიცნო სამეჯლისო-სპორტული ცეკვები. ამიტომ, ბევრი ადამიანი დაინტერესდა, მსურველი გაჩნდა. ასაკს მნიშვნელობა არ აქვს. მესამე სეზონია "ცეკვავენ ვარსკვლავები" მიმდინარეობს და ადამიანებს ამის სურვილი არ გენელებიათ.
- სტუდია დამოუკიდებლად რომ გახსენი, ამის მიზეზი ის ხომ არ არის, "თელაში" რომ აღარ მუშაობ, ვინაიდან შენსა და გიგი გაჩეჩილაძეს შორის ურთიერთობა დაიძაბა?
- არა, ჩემი და გიგის ურთიერთობას სტუდიის გახსნა არ გამოუწვევია. ამაზე მანამდეც იყო ლაპარაკი. უბრალოდ, ყველაფერი ფინანსებთან იყო დაკავშირებული და ამ შემთხვევაში ძალიან დამეხმარა მძლეოსანთა ფედერაციის პრეზიდენტი - ალექსი ახვლედიანი. სტუდია "მძლეოსნობის სასახლეშია" განთავსებული. ვიმეორებ, რომ უკვე დიდი ხანია, ქორეოგრაფად ვმუშაობ, გამოცდილება დამიგროვდა და დრო იყო, დამოუკიდებლად მემუშავა. მოკლედ, არაფერ შუაშია ჩემი და გიგის ურთიერთობა. უბრალოდ, დრო აღარ მრჩებოდა, რომ "თელაშიც" მემუშავა. იქ ერთ-ერთი ქორეოგრაფ-ასისტენტი ვიყავი.
- ახლა იმ ჯგუფებთან აღარ მუშაობ?
- "თელაში" ბევრი ჯგუფი მქონდა, ისინი ისევ იქ არიან. თუ ტრაბახში არ ჩამითვლით, ბევრი წარმატებული მოცეკვავე, საქართველოს ჩემპიონი აღვზარდე. ასევე დიდი წვლილი მაქვს სოლო გოგონათა კატეგორიის აღზრდაში. ისინი ჩემი პირველი მოსწავლეები არიან.
- "სოლო გოგონათა კატეგორია" - რას ნიშნავს?
- ზოგადად საქართველოში ხომ ჭირს ბიჭი მეწყვილე, ჰოდა, გოგონები წყვილის გარეშე რომ არ დაჩენილიყვნენ, "სოლო გოგონების კატეგორია" მოიფიქრეს... კარგ კომპოზიციებს ვდგამდით. ის კი არა, სოლო გოგონების ანსამბლებიც არსებობს... გული დამწყდა, რომ მათ დროის უქონლობის გამო თავი დავანებე, მაგრამ აქედან ვგულშემატკივრობ.
სტუდიაში ჩემთან ერთად, კიდევ სამი ქორეოგრაფი იმუშავებს: ერთი ჩემი მეწყვილე იქნება, რომელიც უცხოეთიდან დეკემბერში ჩამოვა. მე ხომ საერთოდ წყვილი არ მყავდა; ბოლოს მე და რეზო რობაქიძე კი ვცეკვავდით, მაგრამ ვერ შევეწყვეთ, ასე ხშირად ხდება ხოლმე, მოცეკვავეები ვერ ეწყობიან ერთმანეთს. ამიტომ, რეზომ პარტნიორი უკრაინიდან ჩამოიყვანა, მე კი ვიმეორებ, დეკემბერში ჩამომდის მეწყვილე.
- ვინ არის ის?
- ჯერ არ ვიტყვი, მას აქ, ცეკვის სამყაროში ბევრი იცნობს... ჩემს სტუდიაში იმუშავებს ანი ჯაჯანიძეც და არის ერთი კარგი მოცეკვავე - როსტომ აროშვილი (იაკობ ყუფუნიას მწვრთნელი). ვიქნებით ორი წყვილი - ოთხი ქორეოგრაფი. სამეჯლისო-სპორტული ცეკვების გარდა, იქნება "ზუმბა ფიტნესი" და იოგა. ვისაც უნდა პროფესიონალურად აღიზარდოს, აქ სიარული საუკეთესო საშუალება იქნება.
- და ეს იქნება შენი სამსახური?
- კი, რა თქმა უნდა, ეს არის ჩემი სამსახური, ცხოვრება და რაც კი გამაჩნია, ყველაფერი ცეკვას უკავშირდება.
- სხვა პროფესია არ გაქვს?
- დამთავრებული მაქვს საერთაშორისო ურთიერთობების ფაკულტეტი, დიპლომატი ვარ, მაგრამ ამ განხრით არასოდეს მიმუშავია და არც მიფიქრია, მემუშავა. აბიტურიენტობისას 2 წელი მშობლებმა ცეკვისთვის თავი დამანებებინეს, ასე გადაწყვიტეს და მეც დავეთანხმე, რომ სწავლისთვის კარგად მომეკიდა ხელი...
- თემა შევცვალოთ. ფოტომ, სადაც ასახულია შენი კულინარობა (პიცას აკეთებ), სოციალური ქსელი მოიარა. სად არის ის ფოტო გადაღებული?
- ეს ფოტო მეგობრის აგარაკზეა გადაღებული. მეგობები მეგობრის სოფელში წავედით, ბავშვებს ძალიან უნდოდათ პიცა და გავუკეთე. არადა, მაგ ფოტოზე, მეც ვნახე, სასაცილო კომენტარებს წერდნენ: "რა პირობებში აკეთებს პიცას?" "საძინებელშია?" "ეს მისი სამზარეულოა?"
- ისე, შენი ერთ-ერთი ინტერვიუც წავიკითხე და გავიგე, რომ სერიოზული კულინარი ყოფილხარ. არადა, ამას ერთი შეხედვით, ვერავინ იფიქრებ. ე.ი. კარგი დიასახლისი ხარ...
- არა, დიასახლისი ვერ ვარ, სახლში ჯდომას ვერ შევძლებდი. არ შემიძლია. დედაჩემს ეს გამოსდის, მიუხედავად იმისა, რომ პროფესიით იურისტი და ფიზიკოსია. მე და ჩემს დას ეს საქმიანობა სიამოვნებას ვერ გვანიჭებს. თუმცა კულინარია ჩემი ერთ-ერთი ჰობია. ვგიჟდები, ისე მიყვარს.
- ვინ გააღვივა შენში ეს სიყვარული?
- ეს სიყვარული ჩემთან თავისით მოვიდა. კერძების გემრიელად გაკეთებაც მიყვარს და ჭამაც... ყველა სპორტსმენი ასეა, ჭამა უყვართ...
- ჰო, თქვენ იმდენს მოძრაობთ და ვარჯიშობთ, რომ ყველანაირი კალორია იწვება... გარეგნულად რა შეგეტყობა? კერძებს რა დროს აკეთებ?
- ვცდილობ, რომ კვირა დღეს ვიყო კულინარი. ჯერჯერობით კი არ გამომდის, მაგრამ ვეცდები, ეს ერთი დღე იანვრიდან გამოვითავისუფლო, იმიტომ რომ, მართალა დიდ შრომასთან არის დაკავშირებული ჩვენი პროფესია. კვირაში ერთი დღე საჭიროა დასვენებისა და განტვირთვისთვის. იანვრიდან ყველაფერი დალაგდება.
- პროექტიდან შენ და ტოილ ბოისა რომ გამოვარდით, გული არ დაგწყდა?
- არა, სხვათა შორის. კიდევ კი შეიძლებოდა, ერთი-ორი ტურიც ვყოფილიყავით, მაგრამ მაინც არ მივიჩნევ, რომ არასწორად დავტოვეთ შოუ. "დასტოინად" წამოვედით. ახლა ვდგავარ და ყველას, ვინც დარჩა, ვგულშემატკივრობ. ისე, გალაშოუზე კი მომიწევს ისევ სცენაზე გამოსვლა.
- მეოთხე სეზონზე თუ იცეკვებ?
- ასე წინასწარ ამაზე არ მაქვს ნაფიქრი, მაგრამ ვნახოთ, ერთადერთი ფაქტორი, რატომაც შეიძლება, არ ვიცეკვო, ის არის, რომ როგორც გითხარით, პარტნიორი ჩამომდის. მაგარი მოცეკვავეა და ამიტომ მინდა, კარიერა სპორტული მიმართულებით გავაგრძელო. სერიოზულად ვფიქრობ, ჩემს სპორტულ კარიერაზე. ოცნება მაქვს, ჩემს საქმეში მაქსიმუმს მივაღწიო, - მსოფლიო ჩემპიონობა მინდა.
- შენ და გიორგი ვარდოსანიძე დაოჯახებას არ აპირებთ?
- ჯერჯერობით არა. რომც დავოჯახდეთ, ეს ჩვენს პროფესიებში ხელს არ შეგვიშლის...
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
