მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ამოვიცნოთ კიბოიანი კარტოფილი
23:25 / 17-11-2013
ამდენიმე დღის წინ სადახლოს საბაჟო გამშვებ პუნქტთან სომხეთიდან საქართველოში 31 000 კილოგრამი კიბოთი დაავადებული კარტოფილის შემოტანა აღკვეთეს. რამდენად მავნებელია ასეთი პროდუქტი და როგორ ამოვიცნოთ კიბოთი დაავადებული კარტოფილი, ამ საკითხზე სურსათის ექსპერტთა ასოციაციის თავმჯდომარის მოადგილე, პროფესორი ეთერ სარჯველაძე გვესაუბრება:
- ქალბატონო ეთერ, საშიშია ჯანმრთელობისთვის კარტოფილის კიბო?
- ამ დაავადების გამომწვევ სოკოს synchytrium endobioticum ჰქვია. მართალია, ჯანმრთელი ადამიანისთვის კარტოფილის კიბო საშიში არ არის, მაგრამ ხომ შეიძლება ის ავად იყოს, კუჭი აწუხებდეს, ან რომელიმე შინაგანი ორგანო ჰქონდეს დაზიანებული? ასეთი პროდუქტი დაავადებულ ადამიანს, რასაკვირველია, უფრო დაუმძიმებს მდგომარეობას. ტოქსიკური ნივთიერებების დაგროვება ორგანიზმში ჩვენს ჯანმრთელობას სიკეთეს არ მოუტანს. ბუნებრივია, ასეთი პროდუქტის მიღება სასურველი არ არის ბავშვებისთვისაც.
- როგორ შეიძლება დაავადებული კარტოფილის ამოცნობა?
- კარტოფილის კიბოს გამოცნობა შეუიარაღებელი თვალითაც შეიძლება. მას კანზე შავი წინწკლები და ლაქები აქვს, რომლის შემჩნევა ანათალის ქვეშაც შეიძლება. ასეთი კარტოფილი საერთოდ აღარ უნდა გამოვიყენოთ, რადგანაც ბოლქვში სითხე თავისუფლად მოძრაობს და მიკროორგანიზმები მთელ მასაზე ვრცელდება. შეიძლება ასეთი საკვები მიირთვათ და არაფერი დაგემართოთ, მაგრამ ის ტოქსიკურია და ამიტომ, მისი მიღება სასურველი ნამდვილად არ არის. ამავე დროს, კარტოფილი არ უნდა იყოს გაყვითლებული, გაყვითლება ნიშნავს, რომ მასში წარმოიქმნება სოლანინი, რომელიც ასევე ტოქსიკური ნივთიერებაა და მისი მიღება მიზანშეწონილი არ არის. და რაც ყველაზე მთავარია, ასეთი კარტოფილი საკარანტინო მავნებლითაა დაავადებული, შესაბამისად, საფრთხეს უქმნის მიწასაც და ამ მიწაზე მოყვანილ ნებისმიერ პროდუქტს.
ცნობისათვის: კარტოფილის კიბო საშიში საკარანტინო დაავადებაა. იგი გავრცელებულია მსოფლიოს ბევრ ქვეყანაში, მათ შორის, ავსტრიაში, ბელგიაში, გერმანიაში, რუსეთში, სომხეთში, უკრაინაში, ბელორუსში და ა.შ. პირველად ეს დაავადება 1896 წელს, უნგრეთში აღმოაჩინეს, ის მალევე გავრცელდა მთელ ევროპასა და ამერიკაში. დაავადების გამომწვევი პროტოპლაზმური პარაზიტია, რომელიც სიცოცხლისუნარიანობას 20 წელზე მეტხანს ინარჩუნებს. კარტოფილის კიბოს კერების დროული გამოვლენისა და ლიკვიდაციისთვის კომპლექსური ღონისძიებებია საჭირო.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
