22
აპრილიდღის ზოგადი ასტროლოგიური პროგნოზი
ჩვენი რესპონდენტი, ავლაბარში მცხოვრები მაია, ბავშვობაში შიშის გამო მძიმედ დაავადდა, მაგრამ მოულოდნელად განიკურნა. მისი განკურნება კი, როგორც თავად ამტკიცებს, უცხოპლანეტელებმა შეძლეს. მას შემდეგ 25 წელი გავიდა, მაიას ახლა ორი შვილი ჰყავს და თავს კარგად გრძნობს.
- თითქმის ყველამ იცის 25 წლის წინ ავლაბარში მომხდარი ეს ამბავი. ხალხი უცხოეთიდანაც კი ჩამოდიოდა. ჩემს სახლში უცხოპლანეტელები მოვიდნენ და მე მათთან მქონდა კონტაქტი. შემომთავაზეს კიდეც მათთან წასვლა, მაგრამ უარი ვუთხარი.
- როდის გამოჩნდნენ შენს სახლში უცხოპლანეტელები?
- უცხოპლანეტელები მას შემდეგ გამოჩნდნენ, რაც მძიმე სტრესის შედეგად საკმაოდ პატარა ასაკში დიაბეტით დავავადდი, მანამდე ავად არასდროს ვყოფილვარ. ერთ საღამოს კი დედასთან ერთად მარტო ვიყავი შინ, მოულოდნელად დედა ცუდად გახდა, მაშინ მეხუთე კლასში ვიყავი. არ ვიცოდი რა გამეკეთებინა, ძალიან შემეშინდა, თავიდან რამდენიმე წუთი ხმას ვერ ვიღებდი, მერე კი მეზობლებს დავუძახე და მათ წაიყვანეს საავადმყოფოში. სტრესის შედეგად ორი დღე ხმას არ ვიღებდი, დამეუფლა შიში, რომ დედა მოკვდა, ტირილსაც ვერ ვახერხებდი, უბრალოდ, ძალიან მეშინოდა, საერთოდ არ ვჭამდი. საბედნიეროდ, დედა გადარჩა. თანდათან უფრო ცუდად ვგრძნობდი თავს, უჭმელობისგან გული მიმდიოდა, ხასიათი შემეცვალა. სასწრაფოდ წამიყვანეს ექიმთან და საბოლოოდ დიაბეტის დიაგნოზი დამისვეს. მას შემდეგ შეიცვალა ჩემი ბავშვობა და ცხოვრება, განსაკუთრებულ პირობებში მიწევდა ყოფნა. არ შემეძლო სხვა ბავშვებივით ტკბილეულის ჭამა, მათთან ერთად სადმე წასვლა, მათთან ყოფნის ხალისიც არ მქონდა. ოჯახში არ მეუბნებოდნენ, რომ ეს უკურნებელი სენი იყო, მაგრამ ვგრძნობდი, რომ მძიმედ იყო ჩემი საქმე. მამა დაშორებული იყო დედასთან, ამიტომ მთლიანად დედას უწევდა ჩემზე ზრუნვა. მას თავადაც გული აწუხებდა, არც ისეთი შემოსავალი ჰქონდა, რომ ჩემს მკურნალობას მთლიანად მოხმარებოდა. დამატებითი სამუშაო იშოვა და დღე და ღამე მუშაობდა. მთელი მისი ხელფასი ჩემს წამლებს სჭირდებოდა. როცა სახლში მარტო ვიყავი, ვგრძნობდი, რომ ვიღაც ყოველთვის დადიოდა ოთახში, თავიდან მეშინოდა, მაგრამ შემდეგ შევეჩვიე ამ "ვიღაცის" არსებობას და შემეძლო საღამოს მეზობელთან არ შევსულიყავი და დედას შინ დავლოდებოდი. მახსოვს, მაშინ მოდური იყო ვარდისფერი, ნახატიანი ჩანთა, ჩემი ოცნება იყო, ასეთი ჩანთა მეყიდა, ვარდისფერი, ბევრი შესაკრავითა და ნახატებით, მაგრამ ძალიან ძვირი ღირდა. დედა ვერ მყიდულობდა, ერთხელ, როცა საბოლოოდ მითხრა, რომ არ შეეძლო ასეთი ჩანთა ეყიდა, ატირებული შევედი ოთახში და ვნახე, ჩემს საწოლზე ზუსტად ისეთი ჩანთა იდო. მეც და დედაც გაოგნებული დავრჩით. რატომღაც მეგონა, რომ დედამ მიყიდა და ოთახში დადო. სწორედ მაშინ ვნახე პირველად სახლში უცხოპლანეტელები. აღმოჩნდა, რომ ეს ჩანთა სწორედ მათი საჩუქარი იყო.
- რა იცი, რომ მათ გაჩუქეს?
- თავად მითხრეს, ისინი ხშირად მოდიოდნენ ჩემს ოთახში და ამ სურვილის გარდა სხვა სურვილებსაც მისრულებდნენ. დედას თავიდან არ სჯეროდა ეს, ფიქრობდა, რომ შევიშალე, მაგრამ ვერ ხვდებოდა, საიდან მქონდა ყველაფერი, რასაც ვინატრებდი. როცა უცხოპლანეტელების სტუმრობა ჩვენს სახლში დიდხანს გაგრძელდა, დედამ უფოლოგებს მიმართა და მათ ოფიციალურად დაადასტურეს, რომ უცხოპლანეტელები გვსტუმრობდნენ. თურმე ისინი ძალიან გულკეთილები არიან და უყვართ, როცა ადამიანებს სურვილებს უსრულებენ. მოაქვთ საჩუქრები და მათ შორის ფულიც. ჩემი კლასელები ექსკურსიაზე მიდიოდნენ და ზუსტად ის თანხა დამხვდა საწოლზე, რამდენსაც ვაგროვებდით. Dდაახლოებით 6 თვე საჩუქრებით მოდიოდნენ, მეთამაშებოდნენ, შევეჩვიე მათ არსებობას. ერთ დღეს კი მითხრეს, რომ მათ შეეძლოთ ჩემი განკურნება, ჩვენთან წამოდი და სამუდამოდ განიკურნებიო. შემეშინდა, უარი ვუთხარი და გაბრაზდნენ. მას შემდეგ დიდი ხანი აღარ გამოჩენილან. გაგიკვირდებათ და, გამიჭირდა მათ გარეშე ყოფნა. მათი გაუჩინარების შემდეგ ჩემი ჯანმრთელობის მდგომარეობა მოულოდნელად დამძიმდა, დედა დღე და ღამეს ტირილში ატარებდა, ექიმი არაფრის იმედს არ იძლეოდა, რადგან ავადმყოფობის პროცესი სწრაფად წავიდა უარესობისკენ. ერთ ღამით რაღაც უცნაურმა შეგრძნებამ გამაღვიძა, დავინახე, რომ ოთახში 5 უცხოპლანეტელი დადიოდა, ხელში რაღაც ხელსაწყოები ეჭირათ, ერთი ხელსაწყო მანათობელი იყო, რომლითაც თითქოს მათვალიერებდნენ. მითხრეს, რომ მე სამუდამოდ განკურნებული ვიყავი, ბევრი კანფეტი დამიტოვეს და წავიდნენ. დედას ვუთხარი ეს ყველაფერი, არ დამიჯერა. მას შემდეგ ხასიათი შემეცვალა, ყველაფრის ხალისი დამიბრუნდა. ექიმთან რომ მივედით, გაკვირვებული დარჩა, თითქოს დიაბეტი არასოდეს მქონია. ეს ამბავი ძალიან გახმაურდა, ხალხი მოდიოდა ჩვენს სახლში და ავადმყოფი შვილებისა და ოჯახის წევრების განკურნებას სთხოვდნენ უცხოპლანეტელებს. მათთვის მოჰქონდათ ბევრი ტკბილეული და თაფლი. იაპონიიდანაც კი ჩამოვიდნენ უფოლოგები, თქვეს, რომ მსგავსი შემთხვევა პრაქტიკაში არასოდეს ჰქონიათ. რაღაც პერიოდის შემდეგ უცხოპლანეტელებმა ისევ შემომთავაზეს მათთან წასვლა, მე ისევ უარი ვუთხარი და მას შემდეგ აღარ გამოჩენილან. გაბრაზდნენ.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
ამ მთავრობების უნიათობის შემყურეს, რამდენჯერ მიფიქრია, რა იქნება პუტინი შეაშინონ უცხოპლანეტელებმა და აიძულონ საქართველოს თავი დაანებოს თქო!
,სხვა ცივილიზაციები რომ არსებობს ეს ფაქტია"
აბა ფაქტები? ))))))))))