1
აპრილიდღის ზოგადი ასტროლოგიური პროგნოზი
თბილისის მერი გიგი უგულავა მზადყოფნას გამოთქვამს, თბილისელების ინტერესების სასარგებლოდ ცენტრალურ მთავრობასთან ითანამშრომლოს.
ამასთან დაკავშირებით გიგი უგულავამ განცხადება გაავრცელა, რომელშიც აღნიშნულია:
"ჩვენ ერთი წლის განმავლობაში ვაკვირდებოდით ცენტრალური მთავრობის მხრიდან თბილისისა და თბილისელების უგულებელყოფას და პოლიტიკურად მოტივირებულ გადაწყვეტილებებს, რომლებიც მხოლოდ თბილისის დასჯას ემსახურებოდა. ცენტრალურმა მთავრობამ გააჩერა პრაქტიკულად დასრულებული შემოვლითი რკინიგზა, ახალი ხიდის მშენებლობა და უამრავი მნიშვნელოვანი პროექტი, რომელიც აუცილებელია თბილისის განვითარებისთვის. ასევე, შეუმცირა თბილისს ბიუჯეტი, რითაც საფრთხის წინაშე დააყენა თბილისის ტრანსპორტის, საბავშვო ბაღების, დასუფთავების და სხვა მნიშვნელოვანი ინსტიტუტების ეფექტური მუშაობა. საფრთხის წინაშე დადგა, ასევე თბილისის საერთაშორისო ვალდებულება, ღირსეულად ჩაატაროს ახალგაზრდული ოლიმპიური ფესტივალი.
მიუხედავად იმისა, რომ ახალი პრემიერ-მინისტრი არსებითად წინამორბედის საქმის გამგრძელებელია, ვიმედოვნებ, რომ ცენტრალური მთავრობის ზემოაღნიშნული მავნე პრაქტიკა გადაიხედება.
მე როგორც თბილისის მერი, მზად ვარ თბილისელების ინტერესების სასარგებლოდ, ცენტრალურ მთავრობასთან ვითანამშრომლო იმისათვის, რომ დავძლიოთ თბილისში ეკონომიკური კრიზისი და კიდევ უფრო მეტად განვავითაროთ საბავშვო ბაღების, ტრანსპორტის, დასუფთავების, თბილისის კეთილმოწყობისა და უბრანული განვითარების სერვისები",-ნათქვამია დედაქალაქის მერის, გიგი უგულავას განცხადებაში.
