რამ­დე­ნი ვე­გე­ტა­რი­ა­ნე­ლი ცხოვ­რობს სა­ქარ­თვე­ლო­ში

ჯან­მრთე­ლო­ბის დაც­ვის მსოფ­ლიო ორ­გა­ნი­ზა­ცი­ამ ახ­ლა­ხან ვე­გე­ტა­რი­ა­ნელო­ბა ნევ­რო­ლო­გი­უ­რი აშ­­ლი­ლო­ბი­სა და ფსი­ქი­კუ­რი და­ა­ვა­დე­ბე­ბის რიცხ­ვში შე­ი­ტა­ნა. არის თუ არა და­ა­ვა­დე­ბა? პა­თო­ლო­გი­უ­რი მის­წრა­ფე­ბა ცხოვ­რე­ბის ჯან­სა­ღი წე­სის­კენ - ამ და სხვა სა­კითხ­ებ­ზე ნევ­რო­ლოგ ლი­კა ივა­ნი­ძე­სა და ენ­დოკ­რი­ნო­ლოგ ას­მათ კევ­ლიშ­ვილს ვე­სა­უბ­რეთ.

ლი­კა ივა­ნი­ძე: - შე­იძ­ლე­ბა ჩა­ით­ვა­ლოს, რომ ვე­გე­ტა­რი­ა­ნელო­ბა აკ­ვი­ა­ტე­ბუ­ლი აზ­რი, იდე­ფიქ­სი­ა, პა­თო­ლო­გი­უ­რი მიდ­რე­კი­ლე­ბა ჯან­სა­ღი ცხოვ­რე­ბის წე­სის­კენ. ფაქ­ტი­ა, ფი­ზი­ო­ლო­გი­უ­რად ორ­გა­ნიზმს ყვე­ლა ინ­გრე­დი­ენ­ტი, მათ შო­რის ცი­ლა, ხორ­ცი სჭირ­დე­ბა, ხო­ლო რო­ცა ორ­გა­ნიზ­მი ითხ­ოვს და არ ვა­კე­თებთ, უკ­ვე პა­თო­ლო­გი­ა­ა, გან­სა­კუთ­რე­ბით ბავ­შვე­ბის შემ­თხვე­ვა­ში, რად­გან მათ ნე­ბის გა­მოვ­ლე­ნის, არ­ჩე­ვა­ნის სა­შუ­ა­ლე­ბა არა აქვთ და ვე­გე­ტა­რი­ა­ნელი მშობ­ლე­ბი აი­ძუ­ლე­ბენ, ხორ­ცი არ მი­ი­ღონ, მა­თი უფ­ლე­ბე­ბი ირ­ღვე­ვა. არა­და, მო­ზარ­დის ორ­გა­ნიზმს ყვე­ლა­ფე­რი სჭირ­დე­ბა. არ­სე­ბობს ვე­გე­ტა­რი­ა­ნელო­ბის კი­დევ უფ­რო მძი­მე ფორ­მა, - ვე­გა­ნო­ბა, რო­ცა კვერ­ცხი­სა და რძის მი­ღე­ბა­ზეც უარს ამ­ბობენ, რაც ორ­გა­ნიზმს კი­დევ უფ­რო ან­გრევს.

ას­მათ კევ­ლიშ­ვი­ლი: - ცხოველური საკვების მიუღებლობა, ცილის დეფიციტი ძალზე დიდი პრობლემაა ორგანიზმისთვის, მცენარეული ბარდისებრთა ოჯახის წარმომადგენლები მის შემადგენლობასთან ახლოს არიან, მაგრამ ხორცს ვერაფრით ჩაენაცვლება. აქედან გამომდინარე, ორგანიზმში ნივთიერებათა ცვლის ერთ- ერთი უმნიშვნელოვანესი რგოლი ცილოვანი ცვლაა, რომლის დეფიციტიც დიდ დარღვევებს, უამრავ პათოლოგიას იწვევს და რა თქმა უნდა, ნერვულ სისტემასაც აზიანებს. ვეგეტარიანელებში ხშირია ნევროზი, რომელსაც უჯრედულ დონეზე მიმდინარე ნებისმიერი შიმშილი იწვევს. ადამიანი თავს შთააგონებს, რომ ეს მისთვის სასარგებლოა და აღარაფერს უწევს ანგარიშს..

- აღნიშნავენ ვეგეტარიანელობის გამომწვევ ეთიკურ და რელიგიურ ფაქტორებს...

- ზოგი რელიგია - ბუდიზმი, ინდუიზმი კრძალავს ხორცის მიღებას, მართლმადიდებლობა არ კრძალავს, მარხვის, განტვირთვის დღეები კი სამედიცინო თვალსაზრისითაც სასარგებლოა... ეს უფრო ადამიანის ინტელექტზე, განათლებაზეა დამოკიდებული, როგორ შეიძლება ადამიანის დაძაბუნება რომელიმე რელიგიის ინტერესში იყოს?

- ევროპაში ყველაზე მეტი ვეგეტარიანელი იტალიაში ცხოვრობს, მოსახლეობის 10 პროცენტი; თქვენი აზრით, საქართველოს მოსახლეობის რამდენი პროცენტია ვეგეტარიანელი?

- ზუსტი სტატისტიკა არ არსებობს, პრაქტიკიდან გამომდინარე, ვფიქრობ, ჩვენი მოსახლეობის 2 პროცენტია ვეგეტარიანელი.

ესაუბრა ნი­ნო კვი­ტაშ­ვი­ლი

ყოველკვირეული გაზეთი "ყველა სიახლე"

(გამოდის ოთხშაბათობით)