1
აპრილიდღის ზოგადი ასტროლოგიური პროგნოზი
საქართველოში საპრეზიდენტო არჩევნები უჩვეულოდ მშვიდ გარემოში წარიმართა. ეს იყო ყველაზე წყნარი არჩევნები, როდესაც რეგიონებში სხვა წინა არჩევნების მსგავსად არც რაიმე სერიოზული გაყალბება და არც შეხლა-შემოხლა არ მომხდარა.
წარმოგიდგენთ იმ 9 გახმაურებულ დარღვევას, რომელიც მედიის ყურადღების ქვეშ მოექცა.
1 - თელავის სოფელ ყარაჯალაში ერთ-ერთი ამომრჩეველი ხმის მიცემას სხვისი პირადობის მოწმობით ცდილობდა. 35-ე საარჩევნო უბანში გადასატან საარჩევნო ყუთს თან გააყოლეს ამ ყუთის სიაში მყოფი ხუთი ამომრჩევლის პირადობის მოწმობა.
2 - ზუგდიდი - კოალიცია "ქართული ოცნების" კოორდინატორს ორი ავტომანქანა დაუმტვრიეს. დაუზუსტებელი ინფორმაციით, ავტომანქანები ნინო ბურჯანაძის აქტივისტებმა დააზიანეს. "ქართული ოცნების" კოორდინატორის საცხოვრებელ სახლთან სამართალდამცავი ორგანოების წარმომადგენლები იყვნენ მობილიზებულნი.
3 - მარტვილის მე-2 საარჩევო უბანზე მარტვილის საოლქო საარჩენვო კომისიის 2 წარმომადგენელმა მარკირება არ გაიარა და არ დაემორჩილნენ კომისიის თავმჯდომარის მითითებას და ხმა მარკირების გარეშე მისცეს.
4 - აბაშაში რამდენიმე უბანს დაახლოებით ერთი საათის მანძილზე ელექტოროენერგია არ მიეწოდებოდა.
5 - ჩხოროწყუს 21-ე უბანზე კომისიის წევრებმა შემაჯამებელ ოქმს უკვე დილის 10 საათისათვის მოაწერეს ხელი.
6 - გორის 32-ე საარჩევნო უბანსა და მის მიმდებარე ტერიტორიაზე მიმდინარეობდა ნინო ბურჯანაძისა და ქართული ოცნების სასარგებლო აგიტაცია. დამკვირვებლის ცნობით, რამდენიმე ქალი შევიდა საარჩევნო უბანზე და მოუწოდებდა ამომრჩევლებს ხმა მიეცათ ან ნინო ბურჯანაძისთვის, ან კოალიცია "ქართული ოცნების" კანდიდატისთვის, გიორგი მარგველაშვილისთვის.
7 - "ნაციონალური მოძრაობის" წარმომადგენელი გიორგი ვაშაძე აცხადებს, რომ გორის სოფელ კირბალში ვინმე ლერი აბალაკი და მარიამ დოთიაშვილი "ქართული ოცნების" მხარდაჭერის სანაცვლოდ ამომრჩევლებს 200-ლარიან დახმარებას ჰპირდებიან. დაფიქსირდა საარჩევნო ყუთში ზედმეტი ბიულეტენების ჩაყრის ფაქტი და წინასწარ შემოხაზული ბიულეტენები.
8 - ახალციხის 1-ლ საარჩევნო უბანზე დაფიქსირდა შემთხვევა, როდესაც ამომრჩეველთა სიაში წინასწარ გაკეთებული იყო ხელმოწერები ამომრჩეველთა გრაფის გასწვრივ. 10-ვე საარჩევნო უბნის კედელზე გაკრულ ხმის მიცემის ნიმუშში შემოხაზული იყო #41.
9 - მარნეულში ერთ ამომრჩეველს ხმა მართვის მოწმობით მიაცემინეს. 56-ე, 54-ე, 40-ე, 64-ე უბნებზე ბიულეტენები პირდაპირ ჩააბარეს საარჩევნო ყუთში. საარჩევნო ოლქის #42 საარჩევნო უბანზე ორგანიზაციის დამკვირვებელმა დააფიქსირა რამდენიმე ფაქტი, როცა რეგისტრატორმა ამომრჩეველს 41 ნომრიანი უკვე შემოხაზული ბიულეტენი გადასცა. როგორც დამკვირვებელი აცხადებს, არსებობს ამ ფაქტის ვიდეოჩანაწერიც. ამის შემდეგ კი უბანზე ვიდეოგადაღება საერთოდ აკრძალეს.
