მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი პოლიციელი ქალი FBI-ში მიდის
23:01 / 20-10-2013
მივდივარ, მაგრამ მაინც ვემსახურები საქართველოს! - პატრულის დევიზი არ გამორჩენია საუბარში ცნობილ პოლიციელ ქალბატონს ლია პარკაულს, რომელმაც ბევრი ქალისთვის უჩვეულო გარემოში 20 წელზე მეტხანს იმსახურა. პოლიციელის არცთუ ია-ვარდით მოფენილი გზა მისთვის სს სამძებრო განყოფილებიდან დაიწყო, სადაც გამომძიებლად მუშაობდა, პრეზიდენტის ესკორტში გაგრძელდა და საპატრულო პოლიციაში ათწლიანი სამსახურით დასრულდა. ვაკე-საბურთალოს მესამე ოცეულის მაიორი "კვადრატს" ნებით ტოვებს და ყველაფერთან ერთად გული სწყდება იმაზე, რომ ლამაზ ფორმას ვეღარ ჩაიცვამს:
- მსურს ოკეანის გაღმა ვცადო ბედი და ძალები მოვსინჯო, სანამ ახალგაზრდა ვარ და მუხლი და გონება მიჭრის. ოთხი წლის წინ გავიარე სპეციალური კურსები ამერიკაში, ექსტერნად ჩავაბარე გამოცდა და მაქვს სერტიფიკატი. 2008 წელს მოვხვდი 50-დან 5 წარჩინებულ სტუდენტს შორის და FBI-დან აშშ-ს საელჩოში ხუთივეზე მოვიდა მოწვევა. საბუთები გამზადებული მქონდა და 2008 წლის 9 აგვისტოს მივფრინავდი, თუმცა მოგეხსენებათ, 8 აგვისტოს ომი დაიწყო და ეს პროექტი შეჩერდა. ამის შემდეგ სულ ამაზე ვფიქრობდი, ახლაც მივიღე შემოთავაზება და გადავწყვიტე გავიარო ექვსთვიანი გადამზადების კურსები FBI-ში, პარალელურად კი ვიმუშავებ.
- გული არ გწყდებათ? შეძლებთ ცხოვრებას საპატრულო პოლიციისა და თქვენი "სამოძრაო კვადრატის" გარეშე?
- ორიოდე დღეა, მის გარეშე ვცხოვრობ და სულ ვტირი. გული მწყდება, რომ მიწევს იმის მიტოვება, "ვინც გამზარდა" - პოლიციაზე, იმაზეც, რომ პატრულის ლამაზ ფორმას ვეღარ ჩავიცვამ. მადლობა ყველას, იმ პატივისცემისა და ყურადღებისთვის, რაც კოლეგებისა და ხელმძღვანელებისგან ვიგრძენი. განსაკუთრებული მადლობა შალვა ბარელაძეს - თბილისის საპატრულო პოლიციის მთავარი სამმართველოს უფროსს და მის მოადგილეებს - ლაშა ჯოხაძეს და დათო მიქიაშვილს. მადლობა მინდა გადავუხადო ირაკლი ღარიბაშვილს. მინისტრს პირადად ერთხელ შევხვდი, როდესაც დამაჯილდოვა მედლით - "20 წელი უმწიკვლო სამსახურისთვის". მის ყურადღებას ყოველთვის ვგრძნობდით. ამ ადამიანის მოსვლის შემდეგ ყველა თანამშრომელი დაფასდა, ვისაც წოდება ეკუთვნოდა, არავის დაუკარგეს დამსახურება. წლების განმავლობაში პოლიციელს წოდება უნდა მოემატოს. შვიდი წელი ვიყავი კაპიტანი, ამათ გავახსენდი და მაიორის წოდება მომანიჭეს. მედროვე არ ვარ, ვინც მოვიდა, იმათ ვეფერო, მაგრამ ამის დაუნახაობა არ შეიძლება. როცა პოლიციელს შრომას გიფასებენ, ეს ისეთი სტიმულია, შეიძლება კედელიც გაანგრიო.
- გაიხსენეთ ყველაზე საინტერესო ეპიზოდი თქვენი პოლიციური საქმიანობიდან.
- 4-5 წლის წინ გამოძახება გვქონდა ვაკეში. გოგონა, რომელიც საშინელ დეპრესიაში იყო, სიკვდილს გადავარჩინე. იგი მეოთხე სართულის აივნიდან ხტებოდა, არავის იკარებდა და აგრესიული იყო. შევძელი და აივანზე გადაკიდებული, ფეხებით დავიჭირე. როცა გადმოვიყვანე, აქვითინდა და კოცნა დამიწყო, დავამშვიდე... იმ ღამეს არ გამომიშვა, მის გვერდით მეძინა ჩექმებით, ქურთუკით და იარაღით. გოგონა არ მიშვებდა, შენ თუ წახვალ, გადავხტებიო - "მაშანტაჟებდა". Mდილით ვთხოვე, სახლში წავალ, ფორმას გამოვიცვლი, იარაღს ჩავაბარებ და ისევ მოვალ-მეთქი. მართლაც, 2 საათში მივაკითხე და ღამენათევმა მთელი დღე მასთან დავყავი. ამ ოჯახთან დღემდე ვმეგობრობ. გოგონა დამთანხმდა და ჩემი ხათრით მკურნალობის კურსიც გაიარა. ერთ შემთხვევასაც გავიხსენებ: ბაგებში მოსახლეობას ხევიდან მამაკაცის ყვირილი ესმოდა. ღამის 4 საათი იქნებოდა და მე გამიშვეს ადგილზე ჩემს მეწყვილესთან ერთად, რომელიც ახალი დანიშნული იყო. ზამთარი იდგა, 15 გრადუსი ყინვა იყო. მეწყვილეს ვთხოვე, მანქანაში დარჩი, ხევში მე ჩავალ-მეთქი. კი იუხერხულა, მაგრამ ახალბედა ბიჭი იყო და დავარწმუნე, რომ მანქანის უპატრონოდ დატოვება არ შეიძლებოდა. ხევში მთვარის შუქზე, ფარნით ხელში, მარტო ჩავედი და ვნახე, რომ შველას ითხოვდა მამაკაცი, რომელიც დაეყაჩაღებინათ, გაეკოჭათ და ხევში გადაეგდოთ. საწყალი, ფაქტობრივად, გაყინული იყო. ციცაბო აღმართზე რის ვაი-ვაგლახით ამოვიყვანე ადამიანი, რომელიც ვერ დადიოდა და შიშისა და სიცივისგან მეტყველების უნარი ჰქონდა წართმეული. ნახევარ საათში ჩვენმა ეკიპაჟმა ვაკეში, კეკელიძის ქუჩაზე დააკავა მისი გატაცებული მანქანა. მოხდა ისე, რომ ეს კაცი ჩავისვი, გამოვიქეცი და იმ ავტომანქანის დაკავებაშიც მივიღე მონაწილეობა. გამტაცებლებმა სროლა ატეხეს, მაგრამ დავაკავეთ. ეს ის ეპიზოდია, რომელსაც სიამაყით ვიხსენებ ხოლმე, ისეთი, მამაკაცებსაც რომ შეშურდებოდათ. პოლიციელმა ცივი გონებით უნდა იმუშაო, სხვას რომ დაეხმარო. სწორედ ამისთვისაა შექმნილი ეს სამსახური. საპატრულო პოლიციას ხალხისთვის ბევრი სიკეთე აქვს გაკეთებული და ბედნიერი ვარ, რომ მეც პატარა წვლილი მაქვს ამაში შეტანილი.
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ალბათ საქართველოში დაბრუნება გადაწყვიტა ცხონებულმა და გულმა ვერ გადაიტანა. ასეა ხოლმე. ღმერთმა ნათელში ამყოფოს.