მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უსაფრთხოა თუ არა ქართული ბოსტნეული?
23:11 / 19-10-2013
ყველამ იცის, რომ ზედმეტი დოზით მიღებული წამალიც კი საწამლავია. ეს მარტივი ჭეშმარიტება ბოსტნეულზეც ვრცელდება - ბოსტნეულზე, რომელიც ადამიანის ჯანმრთელობისათვის ძალზე სასარგებლოდ არის მიჩნეული და უამრავი დიეტის განუყოფელი ნაწილია. აღნიშნულ თემაზე სტრატეგიული კვლევებისა და განვითარების ცენტრის პროექტის ხელმძღვანელი ლია თოდუა გვესაუბრება:
- ქალბატონო ლია, რა რაოდენობის ნიტრატი მიიჩნევა ადამიანისათვის უსაფრთხოდ?
- საერთოდ, უსაფრთხო დღიურ ნორმად მიჩნეულია 3,7 მგ ნიტრატი ადამიანის წონის თითოეულ კილოგრამზე. ანუ, თუ თქვენი წონა 60 კილოგრამია, მაშინ შეიძლება, დღეში 222 მგ ნიტრატი მიიღოთ, ეს არის თქვენთვის ნორმა, მეტი რაოდენობა უკვე სახიფათოა. ჩვენმა ორგანიზაციამ მომხმარებელთა საჩივრების საფუძველზე შეამოწმა რამდენიმე დასახელების ბოსტნეული და ხილი. ვაკეში მდებარე ერთ-ერთ მაღაზიაში სხვადასხვა სახის ბოსტნეული და მწვანილი შევიძინეთ, შემდეგ ეს პროდუქტი ანალიზისთვის ჩავაბარეთ ლაბორატორიას და იქიდან მიღებული პასუხის მიხედვით ნიტრატების გადაჭარბებული რაოდენობა მხოლოდ ჭარხლის ფოთოლში აღმოჩნდა. მომხმარებლებს აქვე უნდა განვუმარტოთ, რომ ბოსტნეულის ხარშვისას ნიტრატების 50 პროცენტი, ან უფრო მეტი, ნახარშში გადადის. შესაბამისად, მოხარშვისა და გაწურვის შემდეგ ჭარხლის ფოთოლი უსაფრთხო იქნება, თუმცა უმად, სალათებში, ამ ფოთლის გამოყენებას ნამდვილად არ გირჩევთ. ლაბორატორიის მონაცემების მიხედვით, ერთ კილოგრამ ბადრიჯანში 232 მგ ნიტრატი აღმოჩნდა. ეს არ არის ნორმის გადაჭარბება, მაგრამ თუ ადამიანი 1 კგ ბადრიჯანს შეჭამს, ან კიდევ სხვა ტიპის ბოსტნეულს, ის ნორმაზე მეტი რაოდენობის ნიტრატს მიიღებს. იგივე შეიძლება ითქვას ყვავილოვან კომბოსტოზე, სტაფილოზე და სხვა დასახელების პროდუქტზე... ასე რომ, ბევრი რამ არის დამოკიდებული იმაზე, თუ რამდენ ბოსტნეულს მიირთმევთ მთელი დღის განმავლობაში. სხვათა შორის, ოხრახუშსა და სხვა მწვანილეულში ნიტრატების რაოდენობა უფრო მაღალია, მაგალითად, ოხრახუშში - 1579 მილიგრამი. ასე რომ, რისკის ქვეშ არიან ადამიანები, რომლებიც დღის განმავლობაში დიდი რაოდენობით ბოსტნეულს მიირთმევენ და თანაც - უმს. მათ უნდა აირჩიონ ისეთი ბოსტნეული, რომელშიც ნიტრატების შემცველობა შედარებით ნაკლებია.
- ალბათ უფრო მეტი სიფრთხილე გვმართებს ბავშვებთან, რადგან ბავშვის წონა მოზრდილთან შედარებით ნაკლებია.
- დიახ, ბავშვისთვის ნიტრატების ნორმაც ნაკლებია, ამიტომ განსაკუთრებული ყურადღება უნდა მივაქციოთ, რა რაოდენობით ბოსტნეულს იღებს მოზარდი მთელი დღის განმავლობაში. ბავშვებს ძალიან უყვართ ბანანი, რომელშიც 67 მგ ნიტრატი აღმოჩნდა. მოზარდისათვის, რომელიც ვთქვათ, 40 კილოგრამს იწონის, ნიტრატების დღიური ნორმა 130 მგ-ია და თუ რამდენიმე ბანანს შეჭამს, ეს უკვე ნორმას გადააჭარბებს. ბოსტნეული ჯანსაღი საკვებია, რადგან მასში არ არის დიდი რაოდენობით ცილა ან ცხიმები, მაგრამ აქაც საჭიროა ზომიერების დაცვა და კონტროლი. ეს განსაკუთრებით მათ ეხება, ვინც ხშირად არის დიეტაზე და ცდილობს, რაც შეიძლება ნაკლები ცხიმი მიიღოს და მეტი ბოსტნეული მიირთვას.
- როგორც ვიცი, თქვენ შერჩევითი კვლევა ჩაატარეთ და ეს ქვეყანაში არსებული სიტუაციის შესახებ სრულ სურათს ვერ ქმნის.
- რა თქმა უნდა, ჩვენი მონაცემები სრულ სურათს ვერ იძლევა, რადგან შერჩევით შემოწმებას ვახორციელებთ, ამიტომაც არის აუცილებელი, რომ ჩვენს დახლებზე გამოტანილ პროდუქციას სახელმწიფო ამოწმებდეს. თანაც, ეს უნდა ხდებოდეს რეგულარულად და მეწარმემ უნდა იცოდეს, რომ შეიძლება, ნებისმიერ დროს გააკონტროლონ. არასამთავრობო ორგანიზაციას არ აქვს იმის საშუალება, რომ ქართულ ბაზარზე გამოტანილი მთელი პროდუქცია გააკონტროლოს. შემოწმების მასშტაბი უნდა იყოს გაცილებით დიდი და ეს უნდა გააკეთოს სახელმწიფომ. უნდა შემოწმდეს თვითონ წარმოების პროცესი, როგორ მოჰყავთ ეს ბოსტნეული, ან როგორ ხდება იქ სასუქის გამოყენება, თორემ შეუძლებელია, ყველაფერი შეამოწმო, ამას უზარმაზარი თანხა სჭირდება. როგორც წესი, მოწინავე ქვეყნებში წარმოების პროცესს ამოწმებენ, ეს გაცილებით იაფი და ეფექტიანი გზაა.
სპეციალისტთა რჩევა:
არ შეიძინოთ ნაადრევად მოწეული ბოსტნეული, რომელიც ყოველთვის უფრო მეტი ოდენობით ნიტრატებს შეიცავს. მოგვიანებით მოყვანილ ბოსტნეულში ნიტრატების რაოდენობა უფრო მცირეა. ან უბრალოდ, ახლად შეძენილი ბოსტნეული ორიოდე დღითაც რომ გააჩეროთ, ნიტრატების რაოდენობა მაშინაც შემცირდება.
ესაუბრა ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
