მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთორმეტე დღე დაიწყება 16:22-ზე, მთვარე ქალწულშია
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. კარგია სეირნობა, ბაღსა და ბოსტანში მუშაობა; ვარჯიში.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საფრანგეთში დავით კეზერაშვილი დააკავეს
04:22 / 15-10-2013
საქართველოს თავდაცვის ყოფილი მინისტრი დავით კეზერაშვილი საფრანგეთში დააკავეს.
საქართველოს შინაგან საქმეთა სამინისტრო დავით კეზერაშვილის დაკავების შესახებ ინფორმაციას მოგვიანებით გაავრცელებს, - ამის შესახებ "ინტერპრესნიუსს" შინაგან საქმეთა სამინისტროს საზოგადოებასთან ურთიერთობის სამსახურის ხელმძღვანელმა, ნინო გიორგობიანმა განუცხადა.
გიორგობიანი ინფორმაციას დავით კეზერაშვილის დაკავების შესახებ ადასტურებს და განმარტავს, რომ დამატებითი დეტალების შესახებ შინაგან საქმეთა სამინისტრო განცხადებას გაავრცელებს.
ამასთან, როგორც შსს-ში განმარტავენ, კეზერაშვილი წითელი ცირკულარით არ იძებნებოდა.
დავით კეზერაშვილის დაკავების დეტალების შესახებ, მისი ადვოკატი შოთა მინდელი ჯერჯერობით ინფორმაციას არ ფლობს.
"ინტერპრესნიუსთან" საუბარში მინდელი არ აკონკრეტებს ჰქონდა თუ არა ინფორმაცია დავით კეზერაშვილის პარიზში ყოფნასთან დაკავშირებით.
დავით კეზერაშვილის წინააღმდეგ, ორი სისხლის სამართლის საქმეა აღძრული. თბილისის საქალაქო სასამართლოში მის წინააღმდეგ საქმეები განხილვის პროცესშია.
დავით კეზერაშვილს პროკურატურა ორ ეპიზოდში ედავება - ე.წ. სპირტის კონტრაბანდის და ტელეკომპანია "იმედის" გასხვისების საქმეებზე, სადაც კეზერაშვილი დედაქალაქის მერთან, გიგი უგულავასთან ერთად არის ბრალდებული.
ადვოკატის განცხადებით, კეზერაშვილი არც ერთ წარდგენილ ბრალდებებში თავს დამნაშავედ არ სცნობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
