მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
3500 დოლარიანი მაიმუნები, სამეფო დოგები და იშვიათი ჯიშის ფარშევანგები მოსკოვისა და ბელორუსის ვილებში - რას ამბობს თოფურია მდიდრულ შენაძენზე
18:20 / 02-04-2025
მომღერალმა ქეთა თოფურიამ შვილებისთვის ორი უჩვეულო მაიმუნი შეიძინა. ამის შესახებ მომღერალმა გადაცემაში "შენ არ დაიჯერებ!" განაცხადა.
- ორმა ჯუჯა თეთრყურა მაიმუნი მომღერალს დაახლოებით 3500 დოლარი დაუჯდა. მათ მიშა და გრიშა ჰქვიათ.
თოფურიას ძალიან უყვარს ცხოველები, ამიტომ მათ ყურადღებით ეპყრობა. მან ახალი შინაური ცხოველები დიდ ტერარიუმში მოათავსა, რათა ბავშვებს მათთვის ზიანი არ მიეყენებინათ. მომღერლის თქმით, მის შვილებს იმედი ჰქონდათ, რომ მაიმუნები მოშინაურებულები იქნებოდნენ და მათთან ერთად ითამაშებდნენ, მაგრამ "რაღაც არ გამოვიდა".
"მე ძალიან მიყვარს ცხოველები, ამიტომ ძალიან არ მინდოდა, შეეშინებინათ, ზიანი მიეყენებინათ, რადგან ისინი (ბავშვები) მაშინვე დაიწყებდნენ მათზე ხელით შეხებას, ხელში აყვანას. ამიტომ მინდოდა ზრდასრულები შემეძინა, რომლებიც თავად შეძლებდნენ თავის დაცვას. პრინციპში, ასეც მოხდა", - გააზიარა არტისტმა.
თოფურიას თქმით, მაიმუნებს სპეციალურად შემუშავებული მენიუ აქვთ: საუზმეზე ფაფასა და ხაჭოს ჭამენ, სადილზე - მოხარშულ კვერცხებს და ქათმის ხორცს ბოსტნეულით, დესერტად - ვაშლებს, ბანანებს და მსხლებს.
"ისინი ძალიან საყვარლები არიან. არ არიან მოშინაურებულები, არ უყვართ თამაში. მაგრამ უყვართ შორიდან დაკვირვება, მულტფილმების ყურება. ისინი პირდაპირ ბავშვებივით არიან. ერთი ერთში", - განაცხადა შემსრულებელმა.
- სხვათა შორის, მომღერლის სახლში, ბელორუსიაში, ცხოვრობენ სამეფო დოგები, იშვიათი ჯიშის თეთრი ფარშევანგები, თხები, პონები, ქათმები, ბატები, კურდღლები და ჯუჯა ირმები.
მომღერალმა ცოტა ხნის წინ, რუსულ მედიასთან ისაუბრა, რომ ოთხწლიანი მშენებლობის შემდეგ, მოსკოვის გარეუბანში მათი სახლი დასრულდა და მალე ახალმოსახლეობას იზეიმებს. ადგილობრივი მედია წერს, რომ "მიშა და გრიშამ, სწორედ ამ ზღაპრულ ვილაში დაიდეს ბინა, სადაც თოფურია ჟურნალისტებს მალე უმასპინძლებს".
თოფურია 2020 წლიდან დაქორწინებულია ბიზნესმენ ლევ დენგოვზე. 2021 წელს წყვილს ვაჟი ადამი შეეძინა. მომღერალს ასევე ჰყავს ქალიშვილი ოლივია ბიზნესმენ ლევ გეიხმანთან პირველი ქორწინებიდან. 2024 წლის ივლისში მომღერალმა მეორე ქალიშვილი ნიკოლი გააჩინა.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
