მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ეკა აბშილავა ახალ ცხვირს ვერ შეეჩვია
23:05 / 13-10-2013
რუბრიკა"ფსიქოს" სტუმარია მსახიობი ეკა აბშილავა. გასულ ზაფხულს ეკამ სხვადასხვა ადგილზე მოახერხა დასვენება, მათ შორის საზღვარგარეთ, კერძოდ, ესპანეთში იმყოფებოდა დასთან ერთად. თბილისში დაბრუნებული მსახიობი მუშაობას შეუდგა.
- უკვე დავიწყეთ გადაღებები"კომედი შოუსთვის", გარდა ამისა, ვახმოვანებ იუმორისტულ სერიალს, საინტერესოა და"კომედი არხის" ეთერში გავა. მთელი დღე დატვირთული ვარ, მაგრამ ვახერხებ, დრო ყველაფრისთვის გამოვნახო.
- ცოტა ხნის წინ ცხვირის ოპერაცია გაიკეთე, როგორ შეეჩვიე გარეგნობაში ამ სიახლეს?
- ოთხი თვე გავიდა და ჯერჯერობით ვერ შევეჩვიე. არ ვიცი რატომ, მაგრამ რატომღაც მგონია, რომ არ უნდა გამეკეთებინა, თუმცა საბოლოო სახე ცხვირს ჯერჯერობით არ მიუღია.
- ბოლო დროს შენი მონაწილეობით სკეტჩი პატრულზე განსაკუთრებით პოპულარული გახდა. როგორი ურთიერთობა გაქვს პატრულთან?
- კანონმორჩილი მძღოლი ვარ, მაგრამ მიყვარს სისწრაფე. ბევრჯერ ყოფილა ისეთი შემთხვევა, როცა პატრულმა გამაჩერა და მითხრა, საიდანღაც მეცნობიო. რამდენიმე დღის წინ გამაჩერეს, 40-ლარიანი ჯარიმა გამომიწერეს, პატრულმა ჯარიმის ფურცელი რომ მომცა, ქვევით ეწერა: გაუქმებულია. ალბათ მერე მიცნო და იმიტომ გააუქმა ჯარიმა.
- ე.ი. პატრულზე და ღარიბაშვილზე ხუმრობა გიცავს ჯარიმებისგან?
- (იცინის) მთლად მაგის გამო არ მიუქმებენ ჯარიმებს.
- ჯეკ ნიკოლსონმა ვახშამზე რომ დაგპატიჟოს, რაზე ისაუბრებთ?
- ვაიმე, დედა (იცინის)! არც მიფიქრია ამაზე. ვგიჟდები ჯეკ ნიკოლსონზე. თუ დამპატიჟებს სადმე, აუცილებლად წავალ და ყველაფერზე ვილაპარაკებთ.
- ერთი კვირით რომ მოგცენ ქვეყნის მართვის უფლება, რას გააკეთებ?
- რა კითხვებია, გამანებეთ თავი. დავიწყო, რას გავაკეთებ? ყველას პასუხი ალბათ ამ კითხვაზე არის ის, რომ დაეხმარება ღარიბებს და ააშენებს ქვეყანას, მაგრამ მე რამე განსაკუთრებულს გავაკეთებ. ავაშენებდი დიდ პარკს, იქნება ტყე, მწვანე მინდორი. სადაც დაისვენებ და პიკნიკს მოაწყობ. ამას პრეზიდენტობა არ სჭირდება. დიდი ადამიანი რომ ვიყო და ბევრი ფული მქონდეს, ამას აუცილებლად გავაკეთებდი.
- რას აჩუქებდი სააკაშვილს?
- სააკაშვილს ვაჩუქებდი აქსესუარს, რომელსაც სპეციალურად მისთვის დავამზადებდი. ტყავისგან შექმნილი მუქი ფერის სამაჯური მისთვის დამახასიათებელი დეტალებით იქნებოდა გაფორმებული, რომელსაც საკუთარი ხელით ამოვკემსავდი (იცინის).
- მსახიობი რომ არ ყოფილიყავი, რა პროფესიას აირჩევდი?
- მოცეკვავე, მხატვარი ან ოპერის მომღერალი გამოვიდოდი. ადვოკატი და ექიმი ვერასდროს გავხდებოდი. ადრე კარგად ვმღეროდი, მაგრამ შემდეგ სადღაც გამიქრა ეს ნიჭი. ყველა მეუბნებოდა, კონსერვატორიაში ჩააბარეო, რატომღაც თეატრალური ინსტიტუტი ვამჯობნე და ეს ნიჭი ჩაკვდა ჩემში (იცინის). სახლში ხშირად ვღიღინებ.
- რომელია შენი საყვარელი საოპერო არია?
- ვერ გეტყვით რომელია, მიჭირს დაკონკრეტება.
- ირაკლი ალასანიამ საოპერო ჟანრში სერენადა რომ გიმღეროს, რა რეაქცია გექნება?
- (იცინის) გავალ აივანზე და სიამოვნებით მოვუსმენ, კარგი მოსასმენი იქნება. ალბათ იუმორის მიზნით თუ მოვა, აბა, ალასანიამ სერენადა რატომ უნდა მიმღეროს? თან საოპერო ჟანრში (იცინის).
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
