3
მაისიდღის ზოგადი ასტროლოგიური პროგნოზი
მსოფლიოში ცნობილია უამრავი უცნაური საქორწილო ცერემონიები, როცა ადამიანი ორიგინალურ საქორწილო კაბას, ქორწინების ექსტრემალურ ადგილს და ხანდახან, უჩვეულო ნეფესა თუ პატაძალს ირჩევს.
კერძოდ, 2010 წლის შემოდგომაზე იაპონელი ლი ჯინი საკუთარ ბალიშზე დაქორწინდა. ასეთი ბალიშები სამხრეთ-აღმოსავლეთ აზიაში ძალიან პოპულარულია, ისინი სხვადასხვა ანიმე-პერსონაჟებს განასახიერებენ.
აშშ-ის საჰაერო ძალების ყოფილი სამხედრო მოსამსახურე კი ცოლად ეიფელის კოშკს გაჰყვა: 2007 წელს მეჯვარეების თანხლებით ერიკამ ცნობილ ღირსშესანიშნაობას სამუდამო სიყვარული შეჰფიცა და მოაჯირს აკოცა. ახლა ქალის სრული სახელი ასე ჟღერს - ერიკა ლია ტურ ეიფელი.
ფსიქოლოგები ირწმუნებიან, რომ ქალს ე.წ. ობიექტოფილია სჭირს, რადგან ეს პირველი უსულო საგანი არაა, რომელიც ერიკას შეუყვარდა: იგი ადრე მშვილდით იყო გატაცებული, მოგვიანებით კი - ბერლინის კედლით.
სხვათა შორის, ერიკა პირველი არაა, ვინც ბერლინის კედელს გაუმიჯნურდა. 1979 წელს ბერლინის კედელზე 25 წლის შვედი ეია-რიტა დაქორწინდა და ეია-რიტა ბერლინერ-მაუერი გახდა. 10 წლის შემდეგ ქალი "დაქვრივდა" და მას შემდეგ საკუთარი სახლის ღობითაა გატაცებული.
29 წლის განის მკვიდრმა ემილი მაბოუმ კი საკუთარ ძაღლზე იქორწინა. ცერემონიას ადგილობრივი მღვდელი და თანასოფლელები ესწრებოდნენ.
მომზადებულია trinixy.ru-ს მიხედვით.
