მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჭამის დროს ნანუკა კი არა, მამუკა ვარ"
08:27 / 26-09-2013
ტელეწამყვანი და მოდელი ნანუკა გოგიჩაიშვილი აქტიური და დატვირთული ცხოვრებით ცხოვრობს. ყოველ დილით 6-ის ნახევარზე იწყებს მუშაობას, მაგრამ ამის მიუხედავად, მუდმივად ენერგიულად გამოიყურება.
- ნანუკა, სად დაისვენე?
- შაბათ-კვირას ბათუმში ჩავდიოდი, ჯაზფესტივალზეც ვიყავი. წყნეთში, ჩემს მეგობრებთან ავდიოდი, შემდეგ 10 დღით მე და ჩემი და ნინუცა დასასვენებლად თურქეთში წავედით. პარიზში, ემინემის კონცერტზეც ვიყავი. ახლახან დავბრუნდი ბაქოდან, სადაც ერთ-ერთ კომპანიასთან კონტრაქტი მაქვს დადებული და დროდადრო მიწევს ჯინსებისა და მაისურების ახალი კოლექციის რეკლამირება.
- სიყვარულის ქალაქში პირველად მოხვდი?
- არასდროს მიოცნებია პარიზში მოხვედრაზე, ჩემთვის სულ ერთი იყო, საფრანგეთში ჩატარდებოდა ემინემის კონცერტი თუ გერმანიაში. კონცერტამდე რამდენიმე დღით ადრე ჩავედი, დავათვალიერე მუზეუმები და სხვადასხვა ღირსშესანიშნაობა, მაგრამ კონცერტმა ყველანაირი ემოცია გადაფარა, ძალიან ბედნიერი ვიყავი. პარიზში მარტო რატომ უნდა წახვიდე (იცინის)? მე მარტო წავედი. გამიმართლა, რომ საფრანგეთში ცხოვრობს ჩემი მეგობარი და მას ვსტუმრობდი.
- პარიზში ყოფნისას გარდერობი თუ განაახლე?
- არ შემიძლია მთელი დღე მაღაზიებში სიარული. ცუდად ვხდები, სული მეხუთება. სამოსს გასინჯვის გარეშე ვყიდულობ. შეიძლება იმის გამო, რომ მოდელი ვარ და სულ "პრიმერკებზე" მიწევს სიარული. ამოჩემებული სამოსი არ მაქვს, მაგრამ ყოველთვის მაღალქუსლიანი ფეხსაცმელი მაცვია. ეს დისკომფორტს არ მიქმნის, ქუსლიანი ფეხსაცმლით შემიძლია ხეზეც ავიდე. შაუსაბამო სამოსის შეხამება მიყვარს, მომწონს "მარჯიელა" და "ბალენსიაგა".
- დედა, ნათია ბანძელაძე რა რჩევებს გაძლევს სამოსის შერჩევისას?
- მეზობელი უფრო დაგინდობს, ვიდრე ნათია, ძალიან მკაცრია. ძირითადად, მე და ჩემს დას ისეთი სამოსის ჩაცმას გვირჩევს, როგორსაც 10 წლის ბავშვებს აცმევენ, მაგალითად, გვეუბნება: "პაჩკა" ჩაიცვით, ყვითელი თმის სამაგრი დაიმაგრეთ და ა.შ. (იცინის). მირჩევნია, გამოპრანჭული ვიყო, ვიდრე საყვარლად მეცვას.
- ფორმას როგორ ინარჩუნებ?
- ფეხით სიარული ძალიან მიყვარს, უცხოეთში ყოფნისას მეძლევა ამის საშუალება, საქართველოში კი სულ სადღაც მეჩქარება და ვერ ვახერხებ. ახლახან დავიწყე ცურვაზე სიარული. დიეტაზე არასოდეს ვყოფილვარ, შოპინგისა და ჭამის დროს ნანუკა კი არა, მამუკა ვარ (იცინის). სულ მინდა დავიხარჯო, ვირბინო, ავიდე მთაზე და ა.შ. ერთი პერიოდი ბოქსზეც კი დავდიოდი.
- შეყვარებული ხარ?
- არა, მაგრამ ძალიან ბედნიერი ვარ, სულ ვიღიმი.
- მაკიაჟს ყოველდღიურად იკეთებ?
- მსუბუქი მაკიაჟი ყოველთვის მაქვს, 3 წუთში შემიძლია თავის მოწესრიგება. ძალიან მიყვარს "ესტე ლაუდერის" ფირმის პარფიუმერიული ნაწარმი. ძირითადად, "დუტი ფრიში" ვიძენ ან მეგობრები მიგზავნიან.
- შენი გულის მოგებას თაყვანისმცემლები როგორ ცდილობენ?
- უცხო ადამიანებთან ურთიერთობა არ შემიძლია. ყოფილა შემთხვევა, როცა საყვარელ ადამიანს გავუღიმე და ორ წუთში საოცრების მომსწრე გავხდი. მაგალითად, ვგულისხმობ ზედმეტ ყურადღებას, უაზროდ რომ გეხუტებიან და ა.შ. ძალიან გულღია ადამიანი ვარ, მაგრამ თაყვანისმცემლებთან თავს ვიკავებ. თაყვანისმცემლები შინ მოდიან, და, ძირითადად, ბებია და ბაბუა უმასპინძლდებიან. ყველას თბილად იღებენ, ერთხელ გოგიჩაც შინ იყო, დილით, ათის ნახევარზე ერთი ჭიათურელი თაყვანისმცემელი მოვიდა, მამას ჩემი მეგობრის სტატუსით გაეცნო და, ბუნებრივია, ოჯახმა თბილად მიიღო. მერე კი შეიტყო გოგიჩამ, რომ მას არც კი ვიცნობდი, მაგრამ მითხრა, სირცხვილია, ადამიანი მოვიდა და შეხვდიო (იცინის). ბოლოს კანფეტები ჩაუყარეს ჯიბეში და გაუშვეს.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
