მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
”საქართველოში მიჭირს გამოვლინება ნიჭის”...
23:06 / 15-08-2013
ტელე-რადიო წამყვანისა და კლუბის დირექტორის, თამუნა მუსერიძის წარმატების ფორმულა მარტივია: ბევრი კითხვა, სიახლეებისკენ მუდმივი სწრაფვა და გამართლება. მიუხედავად იმისა, რომ სამ სამსახურში 24-დან 20 საათი მუშაობს, ამბობს, რომ შესაძლებლობების მხოლოდ მცირე ნაწილის რეალიზების საშუალება აქვს... რაც შეეხება პირად ცხოვრებას, მისი თქმით, ოჯახისა და სამსახურის შეთავსება მხოლოდ რჩეული ქალბატონების ხვედრია და ეს არ გამოსდის. სწორედ მოუცლელობის გამო, თამუნა არც ოჯახის შექმნას ჩქარობს...
- თამუნა, უკვე დაისვენეთ სადმე?
- ეგვიპტეში ვიყავი შვილთან და მეგობართან ერთად. ჩემთვის დასვენება იმას ნიშნავს, რასაც ამ სიტყვის შინაარსი მოიცავს. საქართველოში დასვენება სხვაგვარად ესმით - დალევა, კლუბი, გართობა. ეგვიპტეში სპეციალურად ავირჩიეთ სასტუმრო, სადაც იყო მშვიდი გარემო და არანაირი კლუბი. ისედაც, კვირაში 4 ღამე კლუბში ვმუშაობ. ახლა ვაპირებ, სანდრო 10 დღით ბაკურიანში წავიყვანო.
- ამჟამად რას საქმიანობთ?
- გარდა იმისა, რომ ტელევიზიასა და რადიოში ვმუშაობ (რადიოში გადაცემა "თეთრი ღამეები" მიმყავს), უკვე ერთი თვეა, კლუბ "ეფ ერთის" დირექტორი ვარ. ახლა კლუბში რემონტია, სექტემბრის შუა რიცხვებში გაიხსნება.
- შემოქმედებითი პაუზა გქონდათ. ეს ბავშვის გაჩენის გამო მოხდა?
- პაუზა მხოლოდ ერთი წელი მქონდა. 2008 წელს ფეხმძიმე ვიყავი, როცა "იმედიდან" წამოვედი. სანდრო გავაჩინე და "ავტორადიოში" დავიწყე მუშაობა.
- სირთულეების გადალახვა გიჭირთ?
- ჩემდა საბედნიეროდ, სირთულეები რაღაც პერიოდში თუ მქონია, მალევე თავისთავად მოგვარებულა.
- რასაც ვერ ვიტყვით პირად ცხოვრებაზე, ხომ?
- მართალია. ამას ნამდვილად ვერ ვიტყვით პირად ცხოვრებაზე: ქმარს ფეხმძიმე გავშორდი. რთულია, როცა ფეხმძიმე ექიმთან ექოსკოპიაზე მიდიხარ, ყველა გოგო ქმართან ერთადაა და თითს საქორწინო ბეჭედი უმშვენებს, შენ კი მარტო ხარ. ამ დროს ექიმებიც ეჭვით და "სხვანაირად" გიყურებენ... მაგრამ სირთულე მაძლიერებს კიდეც. ასეა: რაც არ გკლავს, გაძლიერებს... (იცინის)
- თქვენს პროფესიულ მაქსიმუმად რა მიგაჩნიათ?
- ჯერ ჩემი შესაძლებლობების ალბათ მხოლოდ 20 პროცენტი მაქვს დახარჯული. საქართველოში ფიზიკურად არ არის საშუალება, შენი მაქსიმუმი გამოავლინო. კოტე ყუბანეიშვილის არ იყოს, "საქართველოში მიჭირს გამოვლინება ნიჭის"...
- სამი სამსახური გაქვთ. ეს თუ გაძლევთ შესაძლებლობების გამოვლენის საშუალებას?
- რომ ვმუშაობ, არ ნიშნავს, რომ ვავლენ იმ პოტენციალს, რაც ჩემშია. ამდენს იმიტომ ვმუშაობ, რომ ჩემს შვილს არაფერი მოაკლდეს, მაგრამ ისეთ სამსახურში ვარ, რომელიც ჩემი სფერო არ არის, თუმცა სხვანაირად ვერ იქნება, რადგან ოჯახის წევრებიდან მხოლოდ მე ვარ დასაქმებული. უკვე 5 წელია, ვიცნობ კლუბის სფეროს, პიარ-მენეჯერად ვმუშაობდი. არის რამდენიმე კლუბი, რომელზეც თამამად შემიძლია ვთქვა, რომ ჩემი დახმარებით დასძლია კრიზისი. ზოგიერთი მათგანი ჩემი მისვლისას დახურვის პირას იყო, ახლა კი კვლავ აგრძელებს მუშაობას.
- ამბობთ, რომ ზედმეტად დაკავებული ხართ და ოჯახის შექმნას არ აპირებთ, რადგან ამისთვის დრო არ გეყოფათ...
- 24-დან 20 საათს ვმუშაობ, შაბათ-კვირის ჩათვლით. ნამდვილად არ არის სასიამოვნო ისეთი ადამიანის გვერდით ცხოვრება, ვინც სულ მუშაობს და დრო არ აქვს შენთვის...
- "გამგები ქმრის" პრინციპის არ გჯერათ?
- ოჯახისა და სამსახურის შეთავსება მხოლოდ რჩეული ქალბატონების ხვედრია. სამწუხაროდ, მე ეს არ გამომდის. ჯერჯერობით, გამგები ქმარი არ შემხვედრია...
- შვილის გაჩენამ ცხოვრების წესი შეგიცვალათ?
- მას შემდეგ, რაც სანდრო მყავს, ყველაფერს იმისთვის ვაკეთებ, რომ ის იყოს კარგად. დედობამ შემცვალა, თუმცა ზოგადად, წლების მატებასთან ერთად, უფრო ცივი გავხდი, ვიდრე ადრე ვიყავი.
- ბავშვი როგორ ეგუება თქვენს დღის რეჟიმს?
- საერთოდ უჩემობას ძალიან ძნელად ეგუება. 6-მდე ბაღშია, როცა გამომყავს, დღის დანარჩენი ნაწილი ჩემთანაა, 10-ზე ვაძინებ და სამსახურში გავდივარ. მიუხედავად იმისა, რომ ძალიან დაკავებული ვარ, რეჟიმი ისე გვაქვს განაწილებული, რომ ვერ გრძნობს უჩემობას. მაგრამ თუ მოხდა ისე, რომ ის სახლში უნდა დარჩეს და მე გავიდე, ძალიან განიცდის. გვერდით ოთახში გასვლისასაც კი უკან მომდევს. ბავშვის გაზრდაში დედა მეხმარება.
- ტელევიზიაში პირველად როგორ აღმოჩნდით?
- 16 წლის ასაკში. პირველ არხზე იყო სტუდენტური გადაცემა - "საწინდარი". გადაცემის პროდიუსერი ნუგზარ ნაცვლიშვილი გახლდათ. უნივერსიტეტში კასტინგი ჩატარდა და წამყვანად მე ამირჩიეს. ასე რომ, ჩემი პირველი ნაბიჯები ტელევიზიაში ბატონი ნუგზარის დამსახურებაა - რომ არა ეს ადამიანი, მიჭირს გითხრათ, ვიქნებოდი თუ არა წარმატებული ჟურნალისტი. ტელე-რადიო ჟურნალისტიკა დავამთავრე. უნივერსიტეტთან ერთად, თეატრალურ ინსტიტუტშიც ვსწავლობდი კინომცოდნეობის ფაკულტეტზე.
- როგორ ფიქრობთ - საქართველოში წარმატების მისაღწევად რა არსი საჭირო?
- იმისთვის, რომ წარმატებული იყო, პირველ რიგში, აუცილებელია განათლება, მუდმივი და ბევრი კითხვა, სიახლეებისადმი სწრაფვა და გამართლება. გვინახავს "ერთჯერადი" წამყვანი, რომელსაც ახლობელი გამოუჩნდა ან გარეგნულად იყო ლამაზი, მაგრამ გარკვეული დროის შემდეგ დაიკარგა... ასე რომ, თუ რეალურად არ გაქვს შესაძლებლობები, ერთჯერადი დახმარებით ხანგრძლივ წარმატებას ვერ მიაღწევ.
- მაღალანაზღაურებადი სამსახური რომ შემოგთავაზონ, ოღონდ არა სატელევიზიო სივრცეში, შეელეოდით ეთერში ყოფნას?
- არა, ვერ დავთმობდი. უკვე 13 წელია, ტელევიზიაში ვმუშაობ და სხვა საქმე არ გამომდის. საერთოდ, კარგი იქნება, ყველამ ის საქმე გააკეთოს, რაც გამოსდის და არ ეცადოს იქ შესვლას, სადაც მისი ადგილი არ არის...
- როცა პირად ცხოვრებაში პრობლემები გაქვთ, ეს საქმიანობაში ხელს არ გიშლით?
- არასოდეს. მამა რომ გარდაიცვალა, შაბათს დავკრძალეთ და ორშაბათს ეთერში გავედი. მაყურებელს არ გაუგია, რომ რაიმე სტრესი მქონდა.
- თქვენი ცხოვრების ყველაზე რთული პერიოდი?
- როდესაც ვიყავი ფეხმძიმედ, გავშორდი ქმარს და გამიშვეს სამსახურიდან... დიახ, ეს ყველაფერი ერთდროულად მოხდა. არ უნდოდათ ფეხმძიმე თანამშრომელი, რომელიც მალე დეკრეტულ შვებულებაში გავიდოდა... სხვათა შორის, როცა ბავშვი შემეძინა, დამირეკეს და მითხრეს, - გავიგეთ, რომ გააჩინე და დაბრუნდიო... ბავშვით ხელში, უქმროდ და უსამსახუროდ ვიყავი. ისევ ჩემმა შვილმა გადამატანინა ეს რთული პერიოდი...
- ჟურნალისტობა ბავშვობიდან გინდოდათ?
- ყოველთვის მინდოდა, გავმხდარიყავი მსახიობი, მაგრამ მამამ მაქსიმუმი გააკეთა იმისთვის, რომ ეს პროფესია არ ამერჩია (იცინის).
- მოსალოდნელი ხომ არ არის თქვენი როგორც მსახიობის მონაწილეობა რაიმე პროექტში?
- არა. მაინც მიმაჩნია, რომ ფილმში პროფესიონალმა მსახიობმა უნდა ითამაშოს. საკუთარი არაპროფესიონალიზმის გამო დასაცინი არ უნდა გახდე...
შორენა ლაბაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
