მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სალომე ქათამაძის "წიკებიანი" გემოვნება
23:24 / 10-08-2013
6 წლიდან სცენაზე მღერის. გარეგნობაზეც ბავშვობიდან ზრუნავს. გაპრანჭვა და კეკლუცობა 11-12 წლისამ დაიწყო. განსაკუთრებულად ტყავის მოკლე კაბები, შორტები, ქურთუკები და მაღალქუსლიანი ფეხსაცმელები მოსწონდა. ამჟამად უპირატესობას ჯინსის შარვალსა და მაისურს ანიჭებს. "გადაპრანჭვა" წვეულებებისთვისაც არ უყვარს. თავის საქმეში - ნიჭიერი, სადა და გულღია ადამიანი გახლავთ... იურმალას მუსიკალური კონკურსიდან დაბრუნებულ და დადებითად დამუხტულ სალომე ქათამაძეს ცხოვრების სტილზე ვესაუბრეთ.
მაკიაჟი და სახის კანის მოვლა
- მაკიაჟს დამოუკიდებლად ვერ ვიკეთებ, ვიზაჟისტებს ვენდობი. წვეულებაზე წასვლის წინ უბრალოდ, თვალებზე შავ ფანქარს "გაკვრით" ვისვამ. მკვეთრი ფერის პომადას ხშირად ვიყენებ. კოსმეტოლოგთან წელიწადში 1-2-ჯერ მივდივარ, რადგან ამ საქმის პროფესიონალთან ხშირი ვიზიტი სახის კანზე უარყოფითად მოქმედებს.ვარცხნილობა და თმის ფერი
- ბავშვობაში ძალიან გრძელი თმა მქონდა. 10 წლისამ "კარე" შევიჭერი. როცა გავიზარდე, თმის შეღებვა მომინდა, მაგრამ დედა უფლებას არ მაძლევდა. მერე ისე მოხდა, რომ სალონში თავად წამიყვანა და ღია ფერის მელირება გამიკეთა. მოგვიანებით თმა წითლად შევიღებე, შემდეგ ბორდოსფრად... თმის ფერს ხშირად ვიცვლიდი, მაგრამ შეღებვის პროცესი დიდად არ მსიამოვნებდა. მიუხედავად იმისა, რომ 22 წლის გოგოს კვალობაზე ბევრი ჭაღარა მაქვს, ახლა თმას საერთოდ არ ვიღებავ. ჩემი ჭაღარა მომწონს... ცალ მხარეს აპარსული თმა ჩემს მეგობარს - მაკო კვიტაიშვილს დავუნახე. იმ პერიოდში ბიჭური ვარცხნილობა მქონდა და არ მომწონდა, რადგან თმა გვერდებზე მიფუვდებოდა და ძალიან დიდ თავს მიჩენდა (იცინის). ვიფიქრე, - ცალ მხარეს მეც ავიპარსავ-მეთქი. ამ გადაწყვეტილებით კმაყოფილი ვარ. მეგობრებიც მეუბნებიან, - გიხდებაო. ახლა ასეთი ვარცხნილობა ბევრს აქვს, მაგრამ ამ ფაქტს ყურადღებას არ ვაქცევ...იურმალაში ყოფნისას, თმის ხარისხი ოდნავ გამიფუჭდა, რადგან იქ თმას ხშირად მიხვევდნენ, მისწორებდნენ... ჩემი სტილისტი - დათო საყვარელი ბიჭია. მისი ერთგული ვარ და ვიქნები...
ვარჯიში და დიეტა
- ვარჯიშისთვის დრო არ მაქვს და ვეღარც დიეტას ვიცავ. განტვირთვისთვის 1-2 დღით თუ "წავადიეტებ", რადგან ჭამა სულ "გადარბენისას" მიწევს, თან - ძირითადად, ცომეულის. დატვირთული დღის რეჟიმის გამო, დიეტას დიდხანს ვერ დავიცავ.ტატუ
- 2 ტატუ მაქვს - ხელსა და მუცელზე. ხელზე ინგლისურად მაწერია: "მე მიყვარს ჩემი თავი". თუკი ადამიანს საკუთარი თავი არ გიყვარს, ვერც სხვას შეიყვარებ. ეს ტატუ იმის ნიშნად გავიკეთე, რომ სიყვარული შემიძლია. მუცელზე უბრალოდ, ლამაზი ყვავილები მახატია. მას არავითარი სიმბოლური დატვირთვა არ აქვს.
ცურვა და ნამზეური
- აუზში ცურვა ძალიან მიყვარს, ზღვაში - ისე, რა... ცურვა დამოუკიდებლად ვისწავლე. საუკეთესო მოცურავე არ ვარ, მაგრამ არც დავიხრჩობი. გარუჯვაზე ვგიჟდები, თან - ნამზეური მიხდება (იცინის). სოლარიუმში დავდივარ, რადგან პლაჟზე "უზაგროდ" გასვლა არ მიყვარს - წინასწარ ვირუჯები ხოლმე.სამკაული და აქსესუარები
- ჯვარი და "კალიცო" სულ მიკეთია, საყურე - იშვიათად. ზოგადად, ვცდილობ, ბევრი სამკაული არ "ავისხა", არ "ავჭრელდე"... როცა თავისუფალი სტილის სამოსი გაცვია, ზედმეტი სამკაული საჭირო არ არის, მაგრამ აი, თუ წვეულებაზე მივდივარ, "ავჟღარუნდები" ხოლმე (იცინის).
სამოსი
- შოპინგზე ვგიჟდები. "წიკებიანი" გემოვნება მაქვს. მაგალითად, ბეწვეულს არასდროს ჩავიცვამ. შეიძლება, ტანსაცმლის რაღაც პატარა დეტალი არ მომეწონოს და ამის გამო, არ შევიძინო. ყოველდღიური სამოსის შერჩევისას ძირითადად, უპირატესობას უბრალო ბრენდებს ვანიჭებ, საკონცერტო სამოსის შერჩევისას კი - უფრო მაღალი დონისას... თავისუფალი სტილის ტანსაცმელი მიყვარს. სამოსი არ უნდა მიჭერდეს, კომფორტული უნდა იყოს. მომწონს ტყავის შარვლები, ქურთუკები, ჟილეტები... სამოსზე ოქროსფერი დეტალები არ მომწონს.- სასცენო სამოსის შერჩევისას ქართველი დიზაინერების გემოვნებას ენდობი?
- ქართველ დიზაინერებს პატივს ვცემ. მიმაჩნია, რომ თუკი ადამიანს გემოვნება გაქვს, უმჯობესია, თავად უკარნახო დიზაინერს, თუ როგორი ფერისა და სტილის კოსტიუმი გინდა. ქართველებს ამ სფეროში მომუშავე ნიჭიერი ადამიანები გვყავს. ისინი თავის საქმეს კარგად ასრულებენ.
საქმე
- სიმღერა ბავშვობაში დავიწყე. თავდაპირველად კლასიკური ვოკალის განხრით ვმღეროდი, 15 წლისამ კი ესტრადა ავირჩიე. იმედია, ამ სფეროში კიდევ უფრო მეტ წარმატებას მივაღწევ...
- სალომე, ქართველი გულშემატკივრები იურმალის მუსიკალურ კონკურსზე ერთსულოვნად წარმატებას გისურვებდნენ, თუმცა აზრთა სხვადასხვაობა იყო იმასთან დაკავშირებით - ამ კონკურსზე საქართველო საერთოდ, უნდა მონაწილეობდეს თუ არა?..
- მიმაჩნია, რომ "ახალი ტალღა" ძალიან კარგი კონკურსია და მასში საქართველოც უნდა მონაწილეობდეს. ქართველებმა საკუთარი თავის წარმოსაჩენად და ქვეყნისთვის დიდების მოსატანად ყველა შანსი უნდა გამოვიყენოთ. იურმალაში ყველა თბილად გვეპყრობოდა, ყველასთან სიყვარულით დამუხტული ურთიერთობა გვქონდა... ძალიან კმაყოფილი ვარ.
- კონკურსზე საკუთარი თავისგან როგორ შედეგს ელოდი?
- სამეულში მოხვედრა მინდოდა, განსაკუთრებულად - პირველი ადგილის დაკავება (იღიმის), მაგრამ მეორითაც კმაყოფილი ვარ: პირველ ადგილზე გასულ კონკურსანტს მხოლოდ 1 ქულით რომ ჩამორჩები, ეს წაგებას არ ნიშნავს...
- ქართველ გულშემატკივრებზე რას გვეტყვი?
- ძალიან თბილად მეპყრობიან. მეუბნებიან, - სალომე, შენ ჩვენთვის პირველი ხარო. ეს ამბავი მახარებს.
- ტოტო კუტუნიოს მიერ შენი ნამღერის 8 ქულით შეფასებას საქართველოში დიდი აჟიოტაჟი მოჰყვა - ეს ფაქტი ინტერნეტსივრცეში კარგა ხანს საუბრის მთავარი თემა იყო...
- (იცინის) ეს ქართული "გულის მოფხანა" გახლდათ. მიხარია, რომ ჩემზე გული შესტკივათ... ალბათ, ტოტო კუტუნიოს ის სიმღერა არ მოეწონა, რომელიც ჩემი სტილი ნამდვილად არ იყო. მისი გადაწყვეტილება სწორია...
ოჯახი
- მხიარული, საყვარელი და ტკბილი ოჯახი მაქვს. ჩემი ოჯახის წევრები არიან: მშობლები, და-ძმა, ბებო და ბაბუ, მეუღლე.... მუსიკოსი არც ერთი არ არის, მაგრამ სიმღერა თითქმის ყველას შეუძლია. ჩემს სიყვარულს მათ თანაბრად ვუნაწილებ.- დიდი ხანია, რაც დაოჯახებული ხარ?
- 2 წელია. მომავალი მეუღლე მეგობრულ წრეში გავიცანი; ჯერ დავმეგობრდით, მერე ერთმანეთი შეგვიყვარდა და დღემდე ბედნიერად ვცხოვრობთ. ჯერჯერობით, ის ჩემი მენეჯერია და შეხმატკბილებულები ვართ...
დასვენება და გართობა
- სულ ვმუშაობ, ვმღერი, ინტერვიუზე ვარ... "დასვენებისა" და "გართობის" მნიშვნელობა უკვე დიდი ხანია, არ მახსოვს (იცინის)... ბუნებაში ყოფნა მიყვარს. ღამის კლუბებს უკვე იშვიათად ვსტუმრობ - ეტყობა, ასაკის ბრალია ან უბრალოდ, ახლა ასეთი პერიოდი მაქვს. თუ მოვიცალე, დასასვენებლად თურქეთში გავემგზავრები - იქ საუკეთესო საკურორტო ქალაქებია. მანამდე ბათუმს აუცილებლად ვესტუმრები.ეთო ყორღანაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
