3
მაისიდღის ზოგადი ასტროლოგიური პროგნოზი
5 აგვისტოს, ღამით ოზურგეთის რაიონის სოფელ გურიანთის მკვიდრი გოჩა გუჯაბიძე საკუთარ სახლთან ავტომატით ჩაცხრილეს. საქმე ამ მდრომდე გაუხსნელია. მოკლულის მამის, ვარდენ გუჯაბიძის თქმით, მისი შვილი ვიღაცას უშლიდა ხელს და ახლა მისი ერთადერთი მიზანი მკვლელობის დამკვეთების გამოაშკარავებაა.
"როცა გოჩა ციხიდან გამოსულა, პოლიციის უფროსს უთქვამს, იცოდე შენი ნებით დატოვე საქართველოო. ვიღაცას უშლიდა ჩემი შვილი ხელს. ვის - ჯერ არ ვიცი, თუმცა გპირდებით აუცილებლად ავხდი ფარდას ყველაფერს. ასე იქცევიან არაკაცები, ფარსადანები, ასეთ მკვლელობას ფაშისტები არ ჩაიდენდა, მართალი კაცი არასდროს არ დაესხმება თავს ფარულად. მე ვიცი ერთი რამ - ეს გააკეთეს შემსრულებლებმა, დამკვეთი არის სხვა. ჩემი ერთადერთი საფიქრალი ახლა ისაა, ვიცოცხლო ჩემი შვილის მკვლელობის დამკვეთის გამოსამზეურებლად, რათა საკადრისი პასუხი ვაგებინო გოჩას მკვლელობისთვის", - ამბობს ვარდენ გუჯაბიძე.
