კუ, რომელიც დღეში 10 ღერ სიგარეტს ეწევა

ჩინეთის პროვინცია გირინში ნიკოტინზე დამოკიდებული კუ ცხოვრობს. ის დღეში 10 ღერ სიგარეტს ეწევა და თუ პატრონმა სიგარეტი არ მიაწოდა, სისინს იწყებს და აგრესიული ხდება.

ყველაფერი 2 თვის წინ დაიწყო. კუს პატრონი, ტანგი ამბობს, რომ ქვეწარმავალმა მოულოდნელად საკვების მიმართ ინტერესი დაკარგა. მას მუცელში ბასრი ძვალი ჰქონდა შერჭობილი. კაცმა ძვლის ამოღება სცადა, მაგრამ კუს ეტკინა და ტანგს თითებზე უკბინა. პატრონი მიხვდა, რომ კუსგან თავდასხმის მოსაგერიებლად ერთადერთი გზა კბილებქვეშ რაიმე ნივთის მოთავსება იყო. სწორედ ამიტომ სიგარეტი კუს პირში ჩაუდო, მაგრამ ვერ წარმოიდგენდა, რომ კუს სიგარეტს დააჩვევდა. მეორე დღეს ტანგი სახლში მძიმე სამუშაო დღის შემდეგ დაბრუნდა და რელაქსაციისთვის სიგარეტის მოწევა დაიწყო. მოულოდნელად კუ მასთან მივიდა და სიგარეტის კოლოფში ”შეძვრა”. ტანგის თქმით, მას შემდეგ ქვეწარმავალი ზრდასრული კაცივით დღეში 10 ღერ სიგარეტს ეწევა.

"კუ სიგარეტს ჩემთან ერთად ეწევა. ისეთი შეგრძნებაა, თითქოს გვერდით მეგობარი კაცი დგას. აღარ მინდა ნიკოტინზე დამოკიდებული იყოს, თანაც მომწყინდა მისთვის სიგარეტის ღერების განაწილება. ზოგჯერ სიგარეტი ჩემთვისაც კი აღარ მრჩება", - დარდობს ტანგი.

მომზადებულია odditycentral.com-ის მიხედვით.