3
მაისიდღის ზოგადი ასტროლოგიური პროგნოზი
ლიკა ყაზბეგის მიერ ორგანიზებულ ჩვენებაზე - "კომპანიის სახე" არა პროფესიონალი მოდელები, არამედ სხვადასხვა ცნობილი კომპანიის 50-მდე წარმომადგენელი გამოვიდა. პოდიუმი იმ ადამიანებს დაეთმოთ, რომლებიც მუდმივად კადრს მიღმა რჩებიან, თუმცა კომპანიის იმიჯის შექმნაში მნიშვნელოვან როლს ასრულებენ, კერძოდ, პიარისა და მარკეტინგის მენეჯერები.
პოდიუმზე "პალიტრამედია" მარიანა ნინიკაშვილმა წარადგინა, კომპანიის სახე სწორედ მარიანა გახლდათ.
- მიხარია, რომ "პალიტრას" წარმოვადგენ. ჩემთვის ასეთ მასშტარბურ ღონისძიებაზე პირველი გამოსვლა იყო. ჩვენებაზე წარმოვადგინე ჟურნალები "ბომონდი" და "და ქალი". ვფიქრობ, ყველაფერმა კარგად და წარმატებით ჩაიარა.
გიგა ბატკუაშვილი, კომპანია "ნიკორა":
- დღევანდელი საღამო ძალიან მომეწონა, ლიკა ყაზბეგი მის მიერ მოწყობილ ღონისძიებებზე ყოველთვის ორიგინალურობით გამოირჩევა. დღესაც კომპანიის წარმომადგენლებს შესაძლებლობა მისცა, თავი განსხვავებულ ამპლუაში წარმოეჩინათ. დღევანდელი სღამოს წამყვანიც გახლდით და პოდიუმზეც გამოვედი. მიხარია და კარგი განწყობა მაქვს.
ჩვენებაზე გამომსვლელებს თავად შეეძლოთ გადაეწყვიტათ, თუ როგორ კრეატიულად წარადგენდნენ საკუთარ კომპანიას. გარდა საქმიანი ადამიანებისა, ჩვენებაზე ლიკა ყაზბეგის პატარა მოდელებიც გამოვიდნენ.
ლიკა ყაზბეგი, ორგანიზატორი:
- დღევანდელ ჩვენებაში მონაწილეობა 50-მდე კომპანიამ შეძლო. ვინც ვერ მოახერხა მოსვლა, იმ კომპანიებისთვის აუცილებლად სამომავლოდ დავგეგმავთ მსგავს ჩვენებებს, რათა მათაც ჰქონდეთ შანსი, განსხვავებულ ამპლუაში წარმოაჩინონ თავიანთი კომპანიები. ვფიქრობ, რომ ხალხს ძალიან მოეწონა და ესეც ისეთივე წარმატებული პროექტი იქნება, როგორც ჩემი სხვა პროექტები.
აღნიშნულ ჩვენებამდე ლიკამ მოსამზადებელი ფოტოსესია დანიშნა, რომელიც აეროპორტში არაორდინარულ გარემოში გაიმართა.
ნინო ჭანია
